Павелонь сёрмац Риму 12:7 - Од Соткс Новый Завет на мордовском-мокша языке 2016

⁷ кинь ули казнец лездомс лиятненди, ся катк лезды; кинь ули тонафтомань казнец, катк тонафты;

Павелонь сёрмац Риму 12:7 ပူးပေါင်းရင်းမြစ်များ

Матфей 28:19

Сяс арда и тиесть сембе ломаньтналхнень Тейне тонафникс, кстиндасть синь Алять, Цёрать и Иняру Ваймопожфть лемса.

Иоанн 3:2

И вов сон сась Иисусти веть и мярьгсь: «Равви! Минь содасаськ, Тон Шкайть эзда кучф тонафтыят. Вдь тяфтама тяштькст, кодапт Тон тиендят, киндинге аф тиевихть, аф улендяряй мархтонза Шкайсь».

Апостолхнень тевсна 13:1

Антиохияса, тостонь кемаень пуромксса ульсть пророкт и тонафтыхть: Варнава, Симеон, кона лемневсь Нигеркс, Киринеяста Луций, Манаил, кона марса кассь Ирод оцюнять мархта, и Савл.

Апостолхнень тевсна 20:20

Мон мезевок ашень мянде сянь эзда, мезе лувондонь тейнть эрявиксокс, мзярда кандонь Шкаень вал и тонафтонь эсонт ломаттнень инголе и кудга якамста.

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Апостолхнень тевсна 6:1

Ся пингть, мзярда тонафнихнень лувкссна коль кассь, греконь кяльса корхтай еврейхне кармасть изгордома еврейхнень лангс. Синь корхтасть, кле, эрь шиня лезксонь явомста синь удаваснон ётнесазь вакска.

Павелонь васенце сёрмац Коринфу 12:28

Шкайсь кемаень пуромксса васенда путозень апостолхнень, меле пророкнень, а меле тонафтыхнень; сяльде сятнень, кинди максф казне тиендемс дивань тефт, а сяльде сят, кинди максфт пчкафнемань казнет, ломаненди лездомань казне, вятемань казне и лия кяльхнень лангса корхтамань казне.

Павелонь васенце сёрмац Коринфу 12:5

Улихть эрь кодама покодемат, а Азорсь, конанди покоттяма, фкя-тяка.

Павелонь васенце сёрмац Коринфу 14:26

Мезе тянь эзда лисенди, кемай ялгат? Мзярда тинь пуромкшнетяда марса, эрть тинь эздонт ули мезецка лиятненди: шнамань мор, тонафтома, Шкайть эзда панжема, лия кяльхнень лангса корхтама али тя корхтамать смузенц панжемац. И сембось тя катк тиеви кемаень пуромксть касоманкса-кемокстаманкса.

Павелонь сёрмац Галатияв 6:6

Ся, кинь тонафтсазь Шкаень валти, катк максы уликс-паронц эзда эсь тонафтыенцты.

Павелонь сёрмац Ефесу 4:11

Сон макссь улемс кинди апостолкс, кинди прорококс, кинди Пара кулянь кандыкс, кинди кемаень пуромксть мельге ваныкс и тонафтыкс.

Павелонь сёрмац Колоссав 4:17

Архиппонди азость: «Ватт, педа-пес тик ся тевть, конань тейть максозе Азорсь».

Павелонь васенце сёрмац Тимофеенди 2:7

Тянкса Шкайсь путомань Кулянь кандыкс и апостолкс. Мон аф васькафнян, корхтаса видеть Христосса – путфан лия ломаньтналхненди кемамати и видешити тонафтыкс.

Павелонь васенце сёрмац Тимофеенди 3:2

Сяс пуромксть мельге ваныти эряви улемс аф муворукс: улемс мирдекс аньцек фкя рьванди, кятавкс, шумбра-ару мяльса эряйкс, цебярьста прянь вятикс, виде ваймокс, инжиень кельгикс, машты тонафтыкс,

Павелонь васенце сёрмац Тимофеенди 4:16

Ватт эряфцень мельге и сянь мельге, мезенди тон тонафтат. И сядонга тов тяфта тиентть, эста улят идеф тонць и кулхцондыхневок.

Павелонь васенце сёрмац Тимофеенди 5:17

Кемаень пуромксонь оцюнятнень, конат цебярьста вятьсазь тевснон, эряви кирдемс пара лувксса и цебярьста тейст пандомс, васендакиге сятненди, конат путнесазь вийснон Шкаень валти и тонафтомати.

Павелонь омбоце сёрмац Тимофеенди 2:2

И ся, мезе кулеть монь эздон лама ломанень инголе, пачфтьк валонь кирди кемайхненди, конат маштольхть тонафтомс и лиятненьге.

Павелонь омбоце сёрмац Тимофеенди 2:24

А Азорть покодиенцты аф ладяй сялондомс, меколанкт, тейнза эряви улемс лямбе седикс сембонь мархта, маштомс тонафтомс, аф мяляфтомс кяж,

Павелонь омбоце сёрмац Тимофеенди 4:2

пачфнек Шкаень валть, ульхть анок тя тевти цебярь пингста и аф цебярь пингстовок, няфнек аф видешинь тефнень лангс, карнек, кемокснек эрь кодама кирдемшка мархта и тонафтт тянди.