Павелонь сёрмац Риму 12:3 - Од Соткс Новый Завет на мордовском-мокша языке 2016

³ Шкайть эзда максф пароказнеть коряс мон корхтан эрти эздонт: тяда арьсе эсь колгант эрявикста вельф; но арьседа эсь колгант прянь аф оцюлгофнезь, ся кемамать коряс, конань Шкайсь максозе эрти эздонт.

Павелонь сёрмац Риму 12:3 ပူးပေါင်းရင်းမြစ်များ

Лука 18:11

Фарисейсь арась и озондсь эсь пачканза тяфта: "Шкай! Сюконян Тейть, мес мон аф стаман, кодапт лия ломаттне, салайхне-нельгихне, кяжень тиихне, усксевихне, али вов кода тя каяфксонь кочкайсь.

Иоанн 3:34

Ся, конань кучезе Шкайсь, азонды Шкаень валхт; вдь Шкайсь макссесы Ваймопожфть апак ункснек.

Павелонь сёрмац Риму 1:5

Сонь вельденза тейнек максфоль пароказнесь и апостолонь тевсь: вятелеськ сембе ломаньтналхнень Иисусонь лемс кемамати.

Павелонь сёрмац Риму 11:20

Пара! Афкукс, синь синдезь аф кемамаснон инкса, а тон кирдят кемамацень вельде. Сяс вельф тяк кепсе пряцень, но пельхть.

Павелонь сёрмац Риму 11:25

Кемай ялгат, монь мялезе панжемс тейнть фкя салаваши, кона ванфттядязь тинь надиямада аньцек эсь смузьшинтень лангс: седиень калготкстомась, кона сатозе Израилень ломаттнень финц пяльксснон, таргави аф сембе пингонди. Сон таргави аньцек снярс, мзярс аф пяшкоди лия тналонь ломаттнень лувкссна, конатненди сама Шкайти.

Павелонь сёрмац Риму 12:16

Уледа сембе эсь ётковант фкя мяльса, тясть кепсе вяри прянтень, уледа ялгакс тяфтаконь ломаттнень мархта. Тясть лува прянтень лияда ёнюкс.

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь васенце сёрмац Коринфу 3:10

Шкайть эзда максф пароказнеть коряс мон, кудонь ёню путыть лаца, путонь кудъюр, а кие-бди лиясь стяфты лангозонза. Катк ина эрсь ваны эсь мельганза, кода сон путы-стяфты.

Павелонь васенце сёрмац Коринфу 7:17

Аньцек эрсь катк эряй стане, кода ладязе тейнза Шкайсь, и ляды стамкс, кодамкс тердезе Шкайсь. Тянди кошярясайне сембе кемаень пуромкснень.

Павелонь омбоце сёрмац Коринфу 10:13

А минь аф шнатама пря путф ункстамада вельф. Минь шнасаськ пряньконь аньцек ся тевса-покодемаса, конань максозе тейнек Шкайсь: тоза сувси минь покодеманьке тинь аймаксонтка.

Павелонь омбоце сёрмац Коринфу 12:13

Ина мезе тейнть апак макстоль лия кемаень пуромкснень коряс? Улема, аньцек тякось: монць ашень уле тейнть сталмокс? Нолдасть тейне тя муворшить!

Павелонь омбоце сёрмац Коринфу 12:7

Шкайсь тейне максозень тяшка оцю панжематнень. И сяс: афолине кепсе прязень, Шкайсь пезфтась монь ронгозон сарда – Сатанань ангел, кона монь эсон маятафни: афолине кепсе прязень.

Павелонь сёрмац Галатияв 6:3

Кда кивок эсь прянц путнесы кати мезькс, а сонць мезевок аш, ся васькафнесы эсь прянц.

Павелонь сёрмац Ефесу 3:2

Вдь тинь куледе ся тевть колга, кона максф тейне Шкайть арьсефонц коряс тейнть лездоманкса: пачфтемс лия ломаньтналхненди Шкаень пароказнеть.

Павелонь сёрмац Ефесу 3:4

и лувомок тянь, тинцьке няйсасть, конашкава крхкаста мон шарьхкодьса Христость салавашинц.

Павелонь сёрмац Ефесу 4:16

Сонь вельденза сембе ронгсь сотови и кирдеви марса эрь кодама соткс вельде. Мзярда эрь пялькссь тиендьсы эсь тевонц, эста сембе ронгсь касы и виензави кельгомать вельде.

Павелонь сёрмац Филиппав 2:13

Вдь тинь эсонт оцю вийса покоди Сонць Шкайсь, кона вятьсыне тинь мялентень и тевонтень: топафтовольхть Сонь пара арьсеманза тинь эряфсонт.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь сёрмац Колоссав 2:13

Инголи тинь уледе кулофт коень коламантень и киськопень аф керфтомантень инкса. Но Шкайсь тиедязь тинь эряйкс марса Христость мархта. Сон нолдазень минь сембе пеженьконь.

Павелонь васенце сёрмац Тимофеенди 1:14

Минь Азороньке козяста валозе лангозон Эсь пароказненц кемама и кельгома мархта Христос Иисусть вельде.

Павелонь васенце сёрмац Тимофеенди 2:15

Но авась, конац лисьф рьвакс и шачфни шабат, ули идеф, кда сон иляды кемамаса, кельгомаса и инярушиса.

Павелонь васенце сёрмац Тимофеенди 2:9

Тяфта жа аватневок катк щакшнихть сельмос аф каяй щамса-карямса, мазопнесазь эсь пряснон виздемашиса и шумбра-ару мяльса. Катк мазопнесазь пряснон аф мазыста шяярень понамаса, аф зрняса-жемчугса, аф питни щамса-карямса,

Павелонь сёрмац Титонди 2:12

Тя пароказнесь тонафты эсонк кадомс шкайфтома эряфть, масторлангонь пежу мяльхнень-арьсематнень и ётафтомс тяниень пингонь эряфть шумбра-ару мяльса, видексшиса и Шкайть мяленц ванозь.

Павелонь сёрмац Титонди 2:2

Тонафтт сире алятненди улемс кятавкс сембоса, ащемс пара лувксса ломаттнень инголе, шумбра-ару мяльса эряйкс, шумбраста кемайкс, кельгикс и сталмонь кирдикс.

Павелонь сёрмац Титонди 2:4

Тяфта синь тонафтсазь од аватнень кельгомс эсь мирдьснон и идьснон,

Павелонь сёрмац Титонди 2:6

Тяфта жа од цёратнендиге корхтак ёню-шумбра прянь вятемать колга.

Иаковонь сёрмац 4:6

Но Сон максы тейнек нинге сяда оцю пароказне. Сяс Сёрматфксса азф: «Шкайсь ащи каршек прянь няихненди, а сятяфненди Сон максы пароказне».

Пёторонь васенце сёрмац 1:13

Сяс, аноклада тиендемс Шкаень тев. Тинь, кода ёню ломатть, сембоса надияда Шкаень пароказнеть лангс, кона максови тейнть Иисус Христосонь самстонза.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.

Пёторонь васенце сёрмац 4:7

Курок семботи сай пе. Сяс уледа смузю мяльса и валда пряса, и эста ульхтяда анокт озондомати.

Пёторонь васенце сёрмац 5:5

Тиньге, од ломатть, уледа кулхцондыкс кемаень пуромксонь оцюнянтенди. И тинь сембе, кулхцондомок фкя-фкянь, киньге инголе тяда оцюлгофне пря, сяс мес Шкайсь ащи каршек прянь няихненди, а сятяв ваймотненди максси пароказне.

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Иоаннонь колмоце сёрмац 1:9

Мон сёрмадонь сёрма кемаень пуромксти, но Диотреф, кона кельгсы азорондамс тоса, аф сявсы мяльс сянь, мезе минь корхтатама.