Павелонь сёрмац Риму 10:10 - Од Соткс Новый Завет на мордовском-мокша языке 2016

¹⁰ Сяс мес седиса кемамась вяти видексшити, а сембонь инголе кургса тянь азондомац – идемати.

Павелонь сёрмац Риму 10:10 ပူးပေါင်းရင်းမြစ်များ

Марк 9:23

Иисус мярьгсь тейнза: «Кда Тейть мезе тиеви? Сембось тиеви сянди, кие кемай».

Лука 8:15

Цебярь модас прафне, нят сят, кит ляпе и ару седисост марясазь валть, ванфтсазь сонь и кирдемшкаснон вельде каннихть раштафкс». Азомок тянь, ювадсь: «Кинь улихть кули пиленза, катк кульсы!»

Апостолхнень тевсна 8:37

Филипп мярьгсь тейнза: «Кда кемат сембе седиса, тя тиеви». Евнухсь каршезонза мярьгсь: «Кеман, Иисус Христоссь – Шкайть Цёрац».

Павелонь сёрмац Риму 10:11

Сёрматфкссь корхтай: «Кивок Тейнза кемайхнень эзда аф прай визькс шамас».

Павелонь сёрмац Риму 10:9

Кда тон эсь кургсот сембонь инголе азсак: Иисус – Азорсь, и кда седисот кармат кемама: Шкайсь кулофнень эзда вельмафтозе Сонь – эста улят идеф.

Павелонь сёрмац Галатияв 2:16

Но минь содасаськ: ломанць Шкайть инголе лувови видексшинь ломанькс аньцек Иисус Христости кемамать вельде, а аф Моисеень койть коряс тиф тефнень вельде. Сяс миньге кемаме Иисус Христости вага мес: мяленьке арамс видексшинь ломанькс Христости кемамать вельде, а аф тефнень вельде, конат тифт койть коряс. Вдь тиендемок койть кошардоманзон коряс, кивок аф лувови видексшинь ломанькс Шкайть инголе.

Павелонь сёрмац Филиппав 3:9

Монь мялезе улемс марнек Христость эса и аф эсь видексшизень мархта, кона койть эзда, аф, а ся видексшить мархта, кона максови тейнек Христости кемамать вельде и конань Шкайсь макссы сятненди, кит кемайхть Тейнза.

Еврейхненди сёрмась 10:22

Эрьда сашенттама Шкайть инголи панжада седиса, кеме кемамаса, стама седиса, конац аруяфтф верса мувору ваймовайгяльть эзда, и ронгса, конац штаф ару ведьса.

Еврейхненди сёрмась 3:12

Ванода, кемай ялгат, катк киньге эздонт аф ули кяжи и аф кемай седиец, и тяфта афоледе пота эряй Шкайть эзда.

Иоаннонь васенце сёрмац 4:15

Кие кемай Иисусонди и аф сёпозь азсы: «Иисус – Шкайть Цёрац», – сянь эса эряй Шкайсь и сонць тя ломанць эряй Шкайть эса.

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.