Павелонь сёрмац Риму 1:8 - Од Соткс Новый Завет на мордовском-мокша языке 2016

⁸ Васендакиге азан сюконяма Иисус Христосонь вельде монь Шкаезти сембонь тинь инксонт, сяс мес тинь кемамантень колга корхтави марнек масторлангса.

Павелонь сёрмац Риму 1:8 ပူးပေါင်းရင်းမြစ်များ

Матфей 24:14

И тя Пара кулясь Оцязорксшить колга ули пачфтьф марнек масторть келес сембе ломаньтналхненди азондоманкса, и аньцек эста сай пингонь песь».

Лука 2:1

Ся пингть Август, Римонь кесарсь, макссь кошаркс сёрмадомс сембе ломаттнень сонь масторстонза.

Апостолхнень тевсна 11:28

Ёткстост фкясь, лемоцоль Агав, стясь и Ваймопожфть вятеманц коряс ингольпяли азозе: марнек модать лангса кармай улема оцю вачаши, и тяфтама вачашись сась Клавдий кесарть пингста.

Апостолхнень тевсна 28:22

Но минь мяленьколь эздот содамс, мезе тонць арьсят, сяс мес минь кулендеме, кле, сембе вастова молихть тя сектать каршес».

Павелонь сёрмац Риму 10:18

Но мон кизефнян: кали синь ашезь куле? Кулемс кулезь! Вдь Сёрматфксса азф: «Модать келес срадсь синь вайгяльсна, масторть пенцты пачкодсть валсна».

Павелонь сёрмац Риму 16:19

Сембонди содаф, тинь уледе кулхцондыкс Пара кулянь валти, и тя монь кеняртьфнесамань. Но монь мялезе тяфтама: маштоледе тинь паронь тиема и афоледе машта кяжень тиема.

Павелонь сёрмац Риму 6:17

Мзярда-бди тинь уледе пежети урекс, но тяни, сюконян Шкайти, марнек седиса кармаде кулхцондомонза ся тонафтомать, конанди тинь максость эсь прянтень.

Павелонь васенце сёрмац Коринфу 1:4

Мон фалу сюконякшнян Шкаезти тинь инксонт, ся пароказнеть инкса, конань Сон максозе тейнть Иисус Христосонь вельде.

Павелонь омбоце сёрмац Коринфу 2:14

Сюконяма Шкайти, кона фалу вятьсамазь минь Христость мельге – Сонь сяськиень молемасонза, и эрь вастова пачфнесы минь вельденк Христость колга содамошить, кона танцти шине лаца.

Павелонь сёрмац Ефесу 1:15

Сяс монга, кулемок тинь кемамантень колга Иисус Азороньконди и кельгомантень колга сембе иняру ломаттненди,

Павелонь сёрмац Ефесу 1:16

апак лотксек сюконякшнян инксонт Шкайти, и лятфнетядязь тинь эсь озондомасон.

Павелонь сёрмац Ефесу 3:21

Улеза Тейнза шнама кемаень пуромксса Христос Иисусть мархта улемать вельде юромста юромс сембе пинкнень! Аминь.

Павелонь сёрмац Ефесу 5:20

фалу и сембонкса сюконязь Шкайти и Аляти, Иисус Христос Азороньконь лемса.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 1:3

Мон сюконякшнян Шкаезти эрь пингста, мзярда лятфнетядязь тинь.

Павелонь сёрмац Колоссав 1:3

Улеза тейнть пароказне и сетьмоши Шкайть, минь Аляньконь эзда и Иисус Христос Азорть эзда! Минь эсь озондомасонк фалу сюконякшнетяма инксонт Шкайти, Иисус Христос Азороньконь Алянцты,

Павелонь васенце сёрмац Фессалоникав 1:2

Минь фалу сюконятама Шкайти сембонь тинь инксонт, лятфнемок тинь эсь озондомасонк.

Павелонь васенце сёрмац Фессалоникав 2:13

Минь апак лотксек азонттама сюконяма Шкайти сянкса, мес эздонк кульф Шкаень валть тинь сявость аф кода ломанень вал, а кода Шкаень вал, кодамкс сон афкукс и ули. Сон и тии тев тинь эсонт, кит кемайхть.

Павелонь омбоце сёрмац Фессалоникав 1:3

Кемай ялгат, тейнек фалу эряви азондомс сюконяма Шкайти тинь инксонт. И ули мезенкса, вдь тинь кемаманте козяста касы и фкя-фкянди кельгоманте сядонга ламолготкшни эрть эса.

Павелонь омбоце сёрмац Тимофеенди 1:3

Мон сюконян Шкайти, конанди покодян ару ваймовайгяльса кунардонь пингонь раднянень лаца, и фалу, шинек-венек, лятфнете тонь эсь озондомасон.

Павелонь сёрмац Филимононди 1:4

Мон озондомста фалу сюконян Шкаезти тонь инксот,

Еврейхненди сёрмась 13:15

Сяс, карматама Иисусонь вельде апак лотксек каннема шнамань озксказне Шкайти, лиякс мярьгомс, эсь валоньконь, конат шнасазь Сонь лемонц.

Пёторонь васенце сёрмац 2:5

Тиньге, кода эряй кефне, тиевода ваймопожфонь кудкс. Эста тинь ульхтяда иняру озксвятиень оцюнякс и карматада каннема Шкайти ваймопожфонь озксказнет, конат тушендыхть Сонь мялезонза Иисус Христосонь инкса.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.