Павелонь сёрмац Риму 1:16 - Од Соткс Новый Завет на мордовском-мокша языке 2016

¹⁶ Мон аф виздян Христость Пара кулядонза, вдь тя Шкаень вий, кона идекшнесыне сембе кемайхнень, васендакиге еврейхнень, сяльде – лия ломаньтналхненьге.

Павелонь сёрмац Риму 1:16 ပူးပေါင်းရင်းမြစ်များ

Марк 8:38

Кие виздьсамань Монь и Монь валнень тяниень пежу и Шкайти полафни ломаттнень инголе, сянь Ломанень Цёраське виздьсы, мзярда сай Эсь Алянц иневалдса иняру ангелхнень мархта».

Лука 9:26

Кие виздьсамань Монь и Монь валнень, сянь Ломанень Цёраське виздьсы, мзярда сай Эсь иневалдсонза, Алянц и Шкаень ангелхнень иневалдсост.

Иоанн 7:35

Еврейхнень оцюнясна корхнесть эсь ётковаст: «Коза Сон срхкай, коста афи муви тейнек? Кали ули мялец молемс тоза, коса минь ломаненьке срафнефт грекнень ёткова, и тонафнемс грекнень?

Апостолхнень тевсна 3:26

И мзярда Шкайсь вельмафтозе Эсь Цёранц, Сон васенда кучезе Сонь тейнть – бславамонт и кяжи тевда аерфтомонт».

Павелонь сёрмац Риму 10:17

Тяфта, кемамась сашенды Кулять марямста, а марясазь сонь тоса, коса азондови Шкайть валоц.

Павелонь сёрмац Риму 15:19

тяштькснень и дивань тефнень вийса, и Шкаень Ваймопожфть вийса. Иерусалимста сявомок Иллирикти молемс мон азондыне Христость колга Пара кулять.

Павелонь сёрмац Риму 15:29

Мон содаса, мзярда саян тейнть, кандса эсь мархтон пяшксеняста Христость Пара кулянц бславаманц.

Павелонь сёрмац Риму 2:9

Маятамат и ризф учсесы кяжень эрь тиендить, васендакиге еврейть, сяльде лия ломаньтналоннетьке.

Павелонь сёрмац Риму 4:11

Киськопень керфтомась ульсь кода тяштькс, кона няфтезе сонь видексшинц, кона максфоль тейнза кемаманц инкса керфтомада инголе. Тяфта сон арась алякс сембе аф керф кемайхненди, конатнень Шкайсь лувсыне видексшинь ломанькс кемамаснон инкса.

Павелонь васенце сёрмац Коринфу 15:2

Сонь вельденза тинь ульхтяда идефт, кда кирдьсасть сонь прокс стамкс, кодамкс мон сонь тейнть пачфтине. А кда аф тяфта, эста тинь шавоста кемаде Шкайти.

Павелонь васенце сёрмац Коринфу 2:2

Вдь мон путыне прязон улемс ширесонт мезевок аф содайкс, Иисус Христоста башка – крёзти эськотьф Иисус Христоста башка.

Павелонь васенце сёрмац Коринфу 2:4

Монь валозе и монь тонафтомазе ульсть аф ломанень смузьшить кемафты валсонза, но Шкаень Ваймопожфть виенц эвондамаса.

Павелонь васенце сёрмац Коринфу 9:12

Кда лиятнень ули азорксшисна мезевок сявомс кядьстонт, эста минь азорксшиньке кали аф сяда оцю? Но минь тя азорксшиньконь аф нолясаськ тевс, меколанкт, минь семботь кирдьсаськ, аньцек мезьсовок аф шорямс Христость колга Пара кулять пачфтеманцты.

Павелонь васенце сёрмац Коринфу 9:18

Эста мезьста ащи тейне питнень пандомась? Вчёк ва мезьста: мон азондса Пара кулять питнефтома и аф ноляса тевс азорксшить, кона максф тейне, кода Пара кулянь пачфтиенди.

Павелонь омбоце сёрмац Коринфу 2:12

Мзярда мон сань Троадав Христость колга Пара кулянь пачфтема, Азорсь келес панжезе инголен кенкшть покодемати,

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь омбоце сёрмац Коринфу 9:13

Иняруфне шнасазь Шкайть сянкса, мес тинь афкукс кематада Христость колга Пара куляти, конань тинь пачфнесасть-азонкшнесасть и тя лац няеви тинь покодемастонт; и шнасазь сянкса, мес тинь седи ваксста лезттада тейст и лия кемайхненди.

Павелонь сёрмац Галатияв 1:7

Аш лия пара куля! Но улихть ломатть, конат шорсесазь прянтень, ёрайхть тапарямс-гастямс Христость Пара кулянц смузенц.

Павелонь васенце сёрмац Фессалоникав 2:13

Минь апак лотксек азонттама сюконяма Шкайти сянкса, мес эздонк кульф Шкаень валть тинь сявость аф кода ломанень вал, а кода Шкаень вал, кодамкс сон афкукс и ули. Сон и тии тев тинь эсонт, кит кемайхть.

Павелонь васенце сёрмац Тимофеенди 1:11

Тя тонафтомась кирдеви бславаф и иневалда Шкайть Пара кулясонза. Тя кулять пачфтеманц Шкайсь максозе тейне.

Павелонь омбоце сёрмац Тимофеенди 1:12

Тянкса мон и кирдьсайне ня сталмотнень, но прокс аф виздьсайне, сяс мес содаса кинди кеман. И кемоста содаса: Сон машты ванфтомс семботь, мезе путф лангозон ся мекольдень шить самс.

Павелонь омбоце сёрмац Тимофеенди 1:16

Мон эняльдян Азорти кельгозь ужяльдемс Онисифоронь кудонц, сяс мес сон сидеста озафнезе монь седизень и ашезь визде монь пякстамгудса ащемазень эзда.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Еврейхненди сёрмась 4:12

Сяс мес Шкаень валсь эряй и вии, и кафцьке пяльде шоваф торда сяда оржа. Сон крхкаста сувай ломанень потмоти и пачкоди мянь тоза, коса ваймось и пожфсь, эзнетне и пакарь уйхне, и машты панжемс седиень мяльхнень и арьсематнень.

Пёторонь васенце сёрмац 4:16

А кда кивок эздонт кирди маятамат сяс, мес сон христианин, ся катк тянкса аф визди, а шнасы Шкайть сянкса, мес тейнза максф каннемс тя лемть.