Павелонь сёрмац Колоссав 4:6 - Од Соткс Новый Завет на мордовском-мокша языке 2016

⁶ Улеза тинь корхтаманте лямбе и туза ломаттнень мяльс, кода салса почетф ярхцамбяльсь. Маштода эрть каршес максомс эрявикс вал.

Павелонь сёрмац Колоссав 4:6 ပူးပေါင်းရင်းမြစ်များ

Матфей 5:13

«Тинь – модать салоц. Кда салсь юмафтсы таньфонц, кода тисак сонь меки салукс? Сон козовок ни аф кондясти, лядонды аньцек ёрдамс ломанень пильгалу.

Марк 9:50

Салсь цебярь парши: аньцек юмафтондярясы эсь салушинц, кода арай меки салукс? Кирдесть эсьсонт салть, и эряда ялгаксшиса фкя-фкянь мархта».

Лука 4:22

Сембе ломаттне тянь кемокстазь и дивандакшнесть ся пара валхненди, конат лиссть Иисусонь кургста, и корхтасть: «Кали тя аф Иосифонь цёрац?!»

Павелонь сёрмац Ефесу 4:29

Тяза лисе кургстонт кодамовок наксада вал, а аньцек цебярь валхт, конат лездыхть кемамать касоманцты и кандыхть пара кулхцондыти.

Павелонь сёрмац Колоссав 3:16

Катк Христость валоц козяста эряй тинь эсонт, эрь кодама смузьши мархта. Тонафнеда фкя-фкянь и максседа фкя-фкянди ётть, уледа седи ваксста сюконяйкс Шкайти и морседа Тейнза псалопт, шнамань и ваймопожфонь морхт.

Пёторонь васенце сёрмац 3:15

Но эсь седисонт лувость Шкайть Азоркс. И фалу уледа анокт азомс каршек вал эрти, кие кизефттядязь тинь, мезень лангса кирди тинь кемаманте-надияманте. Но тянь тиендесть ляпоста и саворне,