Павелонь сёрмац Колоссав 4:12 - Од Соткс Новый Завет на мордовском-мокша языке 2016

¹² Кучи тейнть пара вал тинцень Епафрасонте. Сон Иисус Христость покодиец, кона эсь озондомасонза апак лотксек вяти тюрема тинь инксонт. Сонь мялец тяфтама: илядоледе тинь афсатыксфтомокс и педа-пес содалесть, мезе Шкайть мяленц коряс.

Павелонь сёрмац Колоссав 4:12 ပူးပေါင်းရင်းမြစ်များ

Матфей 5:48

Сяс, уледа сембе ширде цебярькс, кода сембе ширде цебярь тинь Менелень Алянте».

Лука 1:1

Кельгома Феофил, Шкаень надияфтоматне пяшкодсть минь ётксонк и ламотне ушедсть сёрмадома тянь колга сятнень валснон коряс, конат ушетксстокиге няезь семботь тянь эсь сельмосост и конат арасть покодикс Шкаень валти, и пачфтезь тейнек семботь мезе ульсь. Сяс монга сань мяльс, ушетксста сявомок, анцяйняньбес тонафнемадон меле, азондомс тейть семботь тянь мельцек-мельцек.

Лука 22:44

Оцю сярятьфонь марязь, Сон нинге сяда вииста озондсь; и Сонь ливозец ульсь вер путерькснень лаца, конат путнясть модати.

Иоанн 12:26

Кинь мялец Тейне покодемс, молеза мельган. Косан Мон, тоса улеза покодиезевок. И кие Тейне покоди, сянь шнасы Монь Алязе».

Павелонь сёрмац Риму 15:14

Кемай ялгат, мон лац содаса: тинь пяшкодеде парошида, кочкаде эрь кодама содамоши и машттада фкя-фкянь путома ёньц.

Павелонь сёрмац Риму 15:30

Кемай ялгат, Иисус Христость лемса и Иняру Ваймопожфонь казьф кельгомаса мон эняльдян тейнть лездомс монь тюремасон. Озондода инксон Шкайти:

Павелонь васенце сёрмац Коринфу 14:20

Кемай ялгат, тяда уле ёньц коряс иднякс. Кяжса уледа аф машты идькс, а ёнь коряс – кенерьф ломанькс.

Павелонь васенце сёрмац Коринфу 2:6

Минь азондсаськ смузьшить сятненди, кит кенерсть тянди, но тя аф масторлангонь смузьши и аф тя масторлангонь азорхнень смузьшисна, конатнень шисна ни лувфт.

Павелонь омбоце сёрмац Коринфу 13:11

Меколи, кемай ялгат, мярьган: кеняртькшнеда, петнесть-ладясть эсь эряфонтень, ваймафтода-кемокстада фкя-фкянь, уледа сембе фкя мяльса, ладяда фкя-фкянь мархта – и Шкайсь, кельгомань и сетьмошинь лихтибрясь, ули мархтонт.

Павелонь сёрмац Галатияв 1:10

Мезе мон ёран сатомс: шнама ломаттнень эзда али Шкайть? Пади тинь арьсетяда: мон ёран ваномс ломаттнень мяльснон? Кда мон тянемс ванондолине ломаттнень мяльснон, мон афолень уле Христосонди покодикс.

Павелонь сёрмац Галатияв 4:19

Идне монь, тинь инксонт мон тага кирдян маятамат, кодапт кирди авась шачфтомста, мзярс тинь аф тиефтяда Христость лаца.

Павелонь сёрмац Колоссав 1:22

Но тяни Сон мирендафтодязь тинь Эсь мархтонза Цёрать модалангонь ронгонц куломанц вельде, сяс мес мялец путомс тинь Эсь инголенза инярукс, афсатыксфтомокс и аф муворукс.

Павелонь сёрмац Колоссав 1:28

Минь пачфнесаськ Христость колга Кулять, путнетяма ёньц и тонафттама эрь ломанть эса. Минь нолясаськ тевс сембе смузьшить, сяс мес надиятама тиемс эрть афсатыксфтомокс Христос Иисусса.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь сёрмац Колоссав 1:7

Тя кулять тинь марясть кельгома Епафрас ялганьконь эзда, кона валонь кирдезь покоди Христости фкя сяка тевса монь мархтон: тейнть паронь кандомаса.

Павелонь сёрмац Колоссав 1:9

Вага мес миньге, ушедомок ся шиста, мзярда кулеськ тянь, аф лотксетяма озонкшнемс тинь инксонт. Минь эняльттяма Шкайти пяшкодемс тинь ваймопожфонь шарьхкодемаса и смузьшиса, конатнень вельде тинь крхкаста кармаледе содамонза Шкайть мяленц,

Павелонь сёрмац Колоссав 4:9

Тихиконь мархта мон кучса Онисимонь, кона тинь ломанентень эзда. Сон минь кельгома кемай ялганьке и сембоса валонь кирди покодиеньке. Синь азондсазь тейнть семботь, мезе тяса эрси.

Павелонь васенце сёрмац Фессалоникав 5:23

Катк Сонць Шкайсь, сетьмошинь лихтибрясь, иняруяфттядязь тинь марнек. И катк сембось тинь эсонт: ваймопожфське, ваймоське, ронгське – ванфтовихть аруста Иисус Христос Азороньконь мрдаманцты.

Павелонь сёрмац Филимононди 1:23

Пара вал пачфтихть тейть Епафрас, кона монь мархтон пякстаф Христос Иисусть инкса,

Еврейхненди сёрмась 5:14

А вага калгода ярхцамбяльсь максови сятненди, конат кассть. Синь потмонь марямасна эряфонь тевснон вельде тонадсть явомонза сянь, мезсь пара и мезсь кальдяв.

Еврейхненди сёрмась 5:7

Иисус, масторлангонь эряфонц пингста, оцю вайгяльса авардсь и, эняльдезь, сельмоведь мархта озондсь Шкайти, конань ульсь виец идемс Сонь куломада. И Сон ульсь кульф Шкайть мяленц ваноманц инкса.

Иаковонь сёрмац 1:1

Иаков, Шкайть и Иисус Христос Азорть покодиец, кучи пара вал Израилень кемгафтува юропненди, конат сратфт сембе масторлангова.

Иаковонь сёрмац 1:4

А кирдемшканте катк пяшкоди педа-пес, сяс мес эста тинь аратада кемамаса кенерьф ломанькс и эсонт аф ули кодамовок афсатыкс.

Иаковонь сёрмац 5:16

Сяс виденцяда фкя-фкянди эсь пежентень колга и озондода фкя-фкянь инкса: эста пчкатада. Видексшиса эряй ломанть озондомац пяк лама тии.

Пёторонь омбоце сёрмац 1:1

Симон Пётр, Иисус Христосонь покодиец и апостолоц, кучи пара вал сятненди, кинди, кода тейнековок, максф питнидонга питни кемамась – Шкаеньконь и Идить Иисус Христость видексшинц вельде.

Иудань сёрмац 1:24

Но Шкайть ули виец ванфтомс тинь кальдявс прамада и путомс тинь кенярдемаса афсатыксфтомокс Эсь иневалдонц инголи.