Павелонь сёрмац Колоссав 4:10 - Од Соткс Новый Завет на мордовском-мокша языке 2016

¹⁰ Аристарх, кона пякстаф монь мархтон, кучи тейнть пара вал, тяфта жа пара вал кучи Марковок, Варнавань радняц. Сонь кувалманза тейнть максфоль кошаркс: кда сай тейнть, васьфтесть сонь.

Павелонь сёрмац Колоссав 4:10 ပူးပေါင်းရင်းမြစ်များ

Апостолхнень тевсна 12:12

Тянь шарьхкодемста Пётр тусь Мариянь, Иоаннонь тядянц кудонцты, ся Иоаннонь, кона нинге лемневсь Маркокс. Тоза пуромсь лама ломань, и ся ёткть синь озондсть.

Апостолхнень тевсна 12:25

Ина Варнава и Савл, тиемок тейст максф тевть, мрдасть Иерусалимста (Антиохияв), мархтост сявозь Иоанноньге, кона лемневсь Маркокс.

Апостолхнень тевсна 13:13

Паф ошста Павел ки лангонь ялганзон мархта тусь ведьге Пергияв, кона ащесь Памфилияса. Тоса Иоанн кадозень синь и мрдась Иерусалиму.

Апостолхнень тевсна 13:5

Саламину самста синь азондозь Шкаень валть евреень синагогава. Иоанн ульсь тейст лездыкс.

Апостолхнень тевсна 19:29

Марнек ошть сявозе таколдома, сембе уромсть театрав, мархтост ускозь Павелонь ки лангонь ялганзон, Македониянь Гаиень и Аристархонь.

Апостолхнень тевсна 20:4

Сонь мархтонза Асияв мольсть Вериянь ошэряйсь Сосипатр – Пиррань цёрац, Фессалоникань эряйхне Аристарх и Секунд, Дервия ошень Гаий, Тимофей, а нинге Тихик и Трофим, кафцьке шачемас коре Асияста.

Апостолхнень тевсна 27:2

Минь озаме Адрамитонь оцю венчти, конанди эрявсь лотксемс Асиянь трваста лотксема васттненди, и лисеме оцюведти. Мархтонк ульсь нинге Фессалоника ошста Македониянь ломанць Аристарх.

Апостолхнень тевсна 4:36

Тяфта Иосиявок, Кипраста Левиень юромста алясь, конань Апостолхне лемдезь Варнавакс – лемонц смузец: лиянди лезды,

Павелонь сёрмац Риму 16:2

Васьфтесть сонь Азорть лемса, кода ладяй Шкаень ломаттненди, и лездода сембоса, мезе тейнза эряви, сяс мес сон ламонди лезнесь, тянь лувксса тейненьге.

Павелонь сёрмац Риму 16:7

Пара вал Андрониконди и Юниянди, монцень масторстон ломаттненди, конат мархтон ульсть пякстамгудса и конат лац содафт апостолхнень ёткса, и конат мондедон инголе кармасть кемама Христости.

Павелонь омбоце сёрмац Тимофеенди 4:11

Сявк мархтот Марконь, сяс мес сон машты лац лездомс тейне покодемаса.

Павелонь сёрмац Филимононди 1:23

Пара вал пачфтихть тейть Епафрас, кона монь мархтон пякстаф Христос Иисусть инкса,

Павелонь сёрмац Филимононди 1:24

тяфта жа монь мархтон марстонь тевонь тиихне – Марк, Аристарх, Димас, Лука.

Пёторонь васенце сёрмац 5:13

Пара вал кучи тейнть монь цёразе Марк и тинцень лацонт Шкайса кочкаф кемаень пуромкссь, кона Вавилонца.