Павелонь сёрмац Колоссав 3:5 - Од Соткс Новый Завет на мордовском-мокша языке 2016

⁵ Сяс, кулофтость эсь эсонт сянь, мезсь масторлангонне: усксевомать, аф арушить, визькс мяльхнень, кяжи ёраматнень и ярмаконь кельгомать, кона фкя сяка аф афкуксонь шкаенди сюконямать-покодемать мархта.

Павелонь сёрмац Колоссав 3:5 ပူးပေါင်းရင်းမြစ်များ

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Павелонь сёрмац Риму 1:26

Тянкса Шкайсь и максозень синь визькс мялень топафтомать кядялу. Авась ава мархта прашенды визькс тевс, мезсь моли эряфонь койть каршес.

Павелонь сёрмац Риму 1:29

Синь пяшкодсть кодама-повсь аф видешида, усксевомада, кальдявда, аф топафневишида, кяжда. Синь эряфсна пяшкодсь сельмонь каямада, шавондомада, сялондомада, васькафнемада, кальдявонь арьсемада.

Павелонь сёрмац Риму 6:13

Тясть макссе пежети ронгонь кодамонга пяльксонтень кярьмодемакс кальдявонь тиеманди. Тянь вастс максость прянтень Шкайти, кода ломатть, конат ётасть куломаста эряфти. Эсь ронгонь пяльксонтеньге максость Шкайти кярьмодемакс пара тевонь тиеманди.

Павелонь сёрмац Риму 6:6

вдь минь содасаськ: ташта ломаненьке эськотьф Христость мархта крёз лангс минь пежу обуцяньконь виенц юмафтоманкса, афолеме уле пежети урекс.

Павелонь сёрмац Риму 7:23

но ронгсон мон няян лия кой, кона тюри монь потмонь ёнезень мархта. Сон тиендьсамань монь урекс пежеть коенцты, кона покоди монь ронгсон.

Павелонь сёрмац Риму 7:5

Мзярда минь эряме колаф обуцяньконь коряс, эста пежу мяльхнень, конатнень крьвяснезень койсь, ульсть вийсна ронгоньконь лангса, и синь покодсть аньцек куломати.

Павелонь сёрмац Риму 8:13

Вдь кда тинь карматада эряма сонь коряванза, эста кулотада. А кда тинь Ваймопожфса кулофтсасть пежу тефнень, карматада эряма.

Павелонь васенце сёрмац Коринфу 5:1

Пилезон прасть афкуксонь корхнемат: тинь ётксонт тиендевихть усксевомань тефт, мянь стама усксевомат, кодапт ашесть кулендев нльне Шкаень аф содайхнень ётксовок. Фкясь тинь эздонт эряй-утци алянц од рьванц мархта.

Павелонь васенце сёрмац Коринфу 6:11

Тинь эздонтка конат-конат ульсть тяфтапт! Но тяни тинь штадязь, тинь иняруяфтодязь, тинь луводязь видексшинь ломанькс Иисус Христос Азороньконь лемса и Шкаеньконь Ваймопожфса.

Павелонь васенце сёрмац Коринфу 6:13

«Ярхцамбяльсь пекти и пексь ярхцамбяльти». Но Шкайсь машфтсы тяньге, тонаньге. Ронгсь максф аф усксевоманди, а Азорти, и Азорсь ронгти.

Павелонь васенце сёрмац Коринфу 6:18

Ворьгодеда усксевомать эзда. Эрь лия пежесь, конань тисы ломанць, аф токсесы ронгонц. Усксевись тии пеже эсь ронгонц каршес.

Павелонь омбоце сёрмац Коринфу 12:21

Пелян, кода ба оду самстон Шкаезе тага афолемань прафта монь визькс шамас тинь инксонт, и эста кода ба афоль сав тейне авардемс ламотнень инкса, конат прасть пежес и тянемс ашесть каенда эсь аф арушисост, усксевомасост и ронгонь туткотксснон топафнемасост.

Павелонь сёрмац Галатияв 5:24

Сят, конат Христосонь ломатть, крёз лангс эськодезь ломанень пежу обуцять сембе визьксонь и кальдяв мялензон мархта.

Павелонь сёрмац Ефесу 4:19

Синь мезьсонга аф содайхть визькс, сяс прасть ронгонь туткотксшис сяшкава, мянь аф топафневозь тиендьсазь эсь аф ару тевснон.

Павелонь сёрмац Колоссав 2:11

Сонь эсонза тинь керфтада, аньцек аф ломанень кядьса тиф киськопень керомаса, а Христость керомаса, конань вельде ломанть лангста валхтови пежеть виец.

Павелонь васенце сёрмац Фессалоникав 4:3

Шкайть мялец тяфтама: эряледе тинь инярушиса и ванфтолесть прянтень усксевомада.

Павелонь васенце сёрмац Фессалоникав 4:5

и аф моли эсь визьксонь мялензон-арьсеманзон мельге, кода тиендихть Шкаень аф содай лия ломаньтналхне.

Павелонь васенце сёрмац Тимофеенди 6:10

Сяс мес ярмаконь кельгомась – эрь кодама кальдявть юроц. Улихть ломатть, конатнень ярмаконь кельгомась шарфтозень кемамать эзда и кандсь тейст лама ризф-сталма.

Еврейхненди сёрмась 12:16

Тяконь лаца тяза уле ётксонт кодамовок усксеви али шкайфтома, кода Исав. Сон фкя лям шаванянкса мизень ся паротнень, конат макссевихть шачемань коряс васень цёратненди.

Еврейхненди сёрмась 13:4

Катк эрсь кирдьсы пара лувксса рьвяямань сотксть. Мирттненди и рьватненди эряви улемс видекс и арукс фкя-фкянь инголе; вдь Шкайсь судендасыне сятнень, кит усксевихть и васькафнесазь поласнон.

Еврейхненди сёрмась 13:5

Тяда панце ярмакнень мельге, но катк тейнть саты ся, мезенте ули ни. Вдь Сонць Шкайсь мярьгсь: «Аф катте тонь и аф туян эздот».

Иаковонь сёрмац 4:1

Коста ина тинь ётксонт сявондевихть фкя-фкянь лангс врьгятнематне и сялондоматне? Дяряй аф визьксонь мялентень эзда, конат тюрихть ронгсонт.

Пёторонь васенце сёрмац 2:11

Кельгома ялгат, эняльдян тейнть, кода нюрьхкяня пингонди лия масторста сафненди, тяда вятнев ронгть визькс мялензон-арьсеманзон мельге, конат молихть ваймонтень каршек.

Иоаннонди панчф няйфкс 21:8

А пелихнень, кемамать эзда потайхнень, сембе туткоткснень, ломанень шавихнень, усксевихнень, колдувайхнень, аф афкуксонь шкайхненди сюконяйхнень и сембе васькафнихнень вастсна эрьхкса, кона палы толса и палыкандорса. Тя омбоце куломась».

Иоаннонди панчф няйфкс 22:15

А пинетне и колдувайхне, усксевихне и ломанень шавихне, аф афкуксонь шкайхненди сюконяйхне и сембе сят, кит кельгсазь васькафнемать и эряйхть васькафнемаса, – аф повихть ошу.