Павелонь сёрмац Колоссав 3:3 - Од Соткс Новый Завет на мордовском-мокша языке 2016

³ Вдь тинь кулоде тя масторлангти и ташта эряфонте аделавсь. Тяни тинь ули од эряфонте, кона кемоста сотф Христость мархта, но тя од эряфсь нинге аф няеви, сон кяшф Шкайса.

Павелонь сёрмац Колоссав 3:3 ပူးပေါင်းရင်းမြစ်များ

Матфей 11:25

Меле Иисус мярьгсь: «Аляй, менельть и масторть Азороц! Шнате Тонь сянкса, мес Тон кяшить тянь смузюфнень и шарьхкодихнень эзда и панжить тянь ёмла иттненди.

Иоанн 14:19

Ётай аф лама пинге, и масторлангсь ни аф няйсамань Монь; а тинь Монь няйсамасть, сяс мес Мон эрян, тиньге карматада эряма.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 4:14

а кие сими ведьта, конань Мон максса, сянь симомац мзярдовок аф сай. И ведсь, конань Мон максса тейнза, потмосонза тиеви лихтибрякс, конань ведец максы пефтома эряф».

Иоанн 5:21

Вдь кода Алясь вельмафнесыне кулофнень и максы тейст эряф, стане Цёрацка максы эряф сянди, кинди ули мялец максомс.

Иоанн 5:24

Видеста корхтан тейнть: кие кулхцондсы Монь валозень и кемай Монь Кучиезти, сянь ули пефтома эряфоц. Сон аф ули судендаф, сон ни ётась куломать эзда эряфти.

Иоанн 5:40

Но тинь аш мяленте самс Тейне эряфонкса.

Павелонь сёрмац Риму 5:10

Вдь нинге ся пинкнень, мзярда минь улеме каршект Шкайти, Сон минь ладямазь Эсь мархтонза Цёранц куломанц вельде, сяс тяни, мзярда минь ни ладяме Сонь мархтонза, сяда пяк идефтяма Шкаень Цёрать эряманц вельде.

Павелонь сёрмац Риму 5:21

И сяс, кода инголи азорондась пежесь и вятсь куломас, тяфта тяни Шкаень пароказнесь кармай азорондама видексшить вельде и вятьсамазь минь пефтома пингонь эряфти Иисус Христос Азороньконь вельде.

Павелонь сёрмац Риму 6:11

Тяконь лаца тиньге, конат сотфт Иисус Христос Азороньконь мархта, лувость прянтень кулофокс пежети, но шистоннекс Шкайти.

Павелонь сёрмац Риму 6:2

Вдь минь куломе пежети – кода ина тейнек тага эрямс пежеса?

Павелонь сёрмац Риму 8:2

сяс мес Ваймопожфонь койсь, кона кази эряф Иисус Христость эса, мянтьфтемань пежень и куломань койть эзда.

Павелонь васенце сёрмац Коринфу 15:45

Сёрматфксса тяфта и азф: «Васенце ломанць, Адам, арась эрек ваймокс». А мекольце Адамсь арась эряфонь максы ваймопожфокс.

Павелонь васенце сёрмац Коринфу 2:14

Но кинь эса аш Ваймопожфсь, сянь аш виец сявомс сянь, мезе максови Шкаень Ваймопожфть эзда. Тяфтама ломанти ся ёньфтомаши: тейнза аф шарьхкодеви ся, мезть колга эряви судендамс аньцек Ваймопожфть вельде.

Павелонь омбоце сёрмац Коринфу 5:14

Вдь Христость кельгомац кошарды минь эсонк, минь, кит састь тяфтама мяльс: кда фкясь кулось сембонь инкса, эста сембе кулость.

Павелонь омбоце сёрмац Коринфу 5:7

Вдь тяни минь эрятама кемамать коряс, а аф сянь коряс, мезе няйхтяма сельмоса.

Павелонь сёрмац Галатияв 2:20

и эрян ни аф монць, а Христоссь эряй эсон. И мзярс мон эрян тя ронгса, мон эрян кемазь Шкаень Цёрати, кона кельгомань монь и максозе Эсь эряфонц монь инксон.

Павелонь сёрмац Ефесу 3:9

и панжемс сембонди, кода Шкайсь пяшкодьсы Эсь салавань арьсеманц, кона пефтома пинкнень эзда кяшфоль Шкайть эса, конац семботь тиезе Иисус Христость вельде.

Павелонь сёрмац Филиппав 4:7

Эста Шкаень сетьмошись, кона сембе ломанень ёньда сяда оцю, ванфтсыне тинь седиентень и арьсемантень Христос Иисусса.

Павелонь сёрмац Колоссав 1:5

Тинь эсонт ули тя кемамась и кельгомась, сяс мес тинь надиятада сянь лангс, мезе аноклаф тейнть менельса. Тя надиямать колга тинь ни куледе, мзярда тейнть азондозь видешинь валть, лиякс Пара кулять,

Павелонь сёрмац Колоссав 2:20

Кда тинь кулоде Христость мархта и тяни эрятада воляшиса тя масторть вяти виензон эзда, эста мес тинь эрятада кода тя масторонь ломаттне и кирттяда тяфтама кардамада:

Павелонь сёрмац Колоссав 2:3

Сонь эзонза кяшфт сембе смузьшинь и содамошинь козяшитне.

Павелонь сёрмац Колоссав 3:4

Христоссь – тинь эряфонте, и мзярда Сон эвондай, эста тиньге эвондатада Сонь мархтонза иневалдса.

Еврейхненди сёрмась 7:25

Сяс Сонь ули виец фалу идемс сятнень, кит вельденза сашендыхть Шкайти. Вдь Иисус эряй пефтома пингс и озонды синь инксост.

Пёторонь васенце сёрмац 3:4

Улеза тинь мазышинте седипотмонь аф юмай мазышикс, кона няеви сятяв и сетьме ваймоса. Тяфтама мазышись питнидонга питни Шкайть сельминголенза.

Пёторонь васенце сёрмац 4:2

И сяс лядыкс масторлангонь эряфонц сон ётафтсы аф ломанень визькс мяльхнень-арьсематнень коряс, а Шкайть мяленц коряс.

Иоаннонь васенце сёрмац 3:2

Кельгома ялгат! Минь тяни Шкаень иттяма, но кодамкс ульхтяма сай пингть – нинге ашезь панжев. Аньцек содаф: мзярда сай Христоссь, минь тиефтяма Сонь лацонза, сяс мес няйсаськ Сонь тяфтамкс, кодама Сон афкукс ули.

Иоаннонди панчф няйфкс 2:17

Кинь улихть пиленза – кулеза, мезе Ваймопожфсь корхтай кемаень пуромксненди. Сяськити максан ярхцамс салавашинь маннада и максан акша кевня, конань лангса ули сёрматф од лем. Тя лемть кивок аф содасы, ся ломаньда башка, кинди максови кевнясь"».