Павелонь сёрмац Колоссав 3:24 - Од Соткс Новый Завет на мордовском-мокша языке 2016

²⁴ Тинь содасать: тейнть максови надияфтф казнесь, кона аноклаф Азорть ломанензонды. Вдь тинь покоттяда Христос Азорть лангс.

Павелонь сёрмац Колоссав 3:24 ပူးပေါင်းရင်းမြစ်များ

Матфей 10:41

Кие васьфнесы пророкть сянкса, мес сон пророк, сянди ули казне, кода пророконди. Кие васьфнесы видексшинь ломанть сянкса, мес сон видексшинь ломань, сянди ули казне, кода видексшинь ломаненди.

Матфей 5:12

Кеняртькшнеда и пеедеда, сяс мес менельса эсонт учи оцю казне. Тяфта панцезь пророкненьге, конат эрясть тиндедонт инголи».

Матфей 5:46

Кда карматада кельгомост аньцек сятнень, кит тинь кельктядязь, эста мезенкса тинь казендемс? Тяфта вдь тиендихть каяфксонь кочкайхневок!

Матфей 6:16

«Мзярда кирттяда пост, тяда уле сюнерьготфокс, кода шамафксонь каннихне. Синь якайхть сюнерьготфста, сяс мес ёрайхть няфтемс: кирдихть пост. Видеста корхтан тейнть: синь ни сявозь эсь казнеснон.

Матфей 6:5

«И мзярда озонттада, тяда уле, кода шамафксонь каннихне. Синь кельгсазь синагогаса и ошть ульцянзон ужева озондомс, няелезь синь ломаттне. Видеста корхтан тейнть: синь ни сявозь эсь казнеснон.

Лука 14:14

эста улят павазу, сяс мес тейст аф пандови пароце. Тя пандови тейть, мзярда видексшинь ломаттне вельмафтовихть кулофста».

Лука 6:35

Но тинь кельгость душманонтень и тиендеда цебярь; эрти, кие анай кядьстонт пандомда, максода и тяда учсе меки пандома. Эста тейнть ули оцю казне, и тинь ульхтяда Инь Вярденнети идькс, сяс мес Сон цебярь аф пандыхнендинге, кяжихнендинге.

Иоанн 12:26

Кинь мялец Тейне покодемс, молеза мельган. Косан Мон, тоса улеза покодиезевок. И кие Тейне покоди, сянь шнасы Монь Алязе».

Апостолхнень тевсна 20:32

Вов тяни, кемай ялгат, мон каттядязь тинь Шкайти и Сонь пароказнень валонцты, конанди вийс коре сядонга кемокстамс тинь и максомс тейнть сянь, мезе надияфнесь сембонди, кинь иняруяфтозе.

Павелонь сёрмац Риму 1:1

Павел, Иисус Христосонь покодиец, конань Шкайсь тердезе улемс апостолкс и кочказе азондомс Шкаень Пара кулять,

Павелонь сёрмац Риму 14:18

Кие тяфта покоди Христости, ся тушенды Шкайть мяльс и лувови цебярькс ломаттнень ётксовок.

Павелонь васенце сёрмац Коринфу 11:23

Вдь мон Азорть эзда содайне, а сяльде максыне тянь тейнть: Иисус Азорсь ся веня, мзярда Сонь мизь, сявозе кшить,

Павелонь васенце сёрмац Коринфу 3:8

Путысь и валондысь тиихть фкя тев, но казне эрти максови тиф тевонц коряс.

Павелонь васенце сёрмац Коринфу 7:22

Вдь уреть, конань тердезе Азорсь, Азорсь тиезе воляшистоннекс, стане тертьф воляшистоннеське – Христость урец.

Павелонь сёрмац Галатияв 1:10

Мезе мон ёран сатомс: шнама ломаттнень эзда али Шкайть? Пади тинь арьсетяда: мон ёран ваномс ломаттнень мяльснон? Кда мон тянемс ванондолине ломаттнень мяльснон, мон афолень уле Христосонди покодикс.

Павелонь сёрмац Ефесу 6:6

Тяфта тиендеда аф аньцек сельме инголе няфтемать инкса, кода ломанень мялень ваныхне, но кода Христость уренза, седи ваксста тиендеда Шкайть мяленц коряс.

Павелонь сёрмац Ефесу 6:8

Тинь содасасть: Азорсь эрти максы ся цебярть коряс, конань сон тиезе, улендяряй сон урекс али воляшистоннекс.

Павелонь сёрмац Колоссав 2:18

Тясть макссе судендамс эсь прянтень стама ломаттненди, конат атказакшнихть эрь шинь эряфть эзда, сяс мес ёрайхть няфтемс эсь пряснон сятявкс, конат сюконякшнихть ангелхненди и корхнихть аньцек эсь няйфксснон колга. Ня шава мяльхне-арьсематне тиендьсазь тяфтама ломаттнень вярьге прянь кандыкс.

Еврейхненди сёрмась 10:35

Сяс, тясть кадонда аф пелемать, вдь тянкса кармай инь оцю казне.

Еврейхненди сёрмась 11:6

А кемамафтома аш кода тумс Шкайть мяльс. Сяс мес эрти, кие сашенды Тейнза, эряви кемамс: Шкай ули и Сон казьсыне сятнень, кит вешендьсазь Сонь.

Еврейхненди сёрмась 9:15

Сяс Христос тевонь якафтысь од сотксса, вдь Сонь куломац ульсь питнень пандомакс коень коламатнень инкса, конатне ульсть тифт васенце сотксть пингста. Тяфта тертьфненди максовихть пефтома бславаматне, конатнень надияфтозень Шкайсь.

Пёторонь васенце сёрмац 1:4

Шкайть эзда минь учсаськ ся инголькиге аноклаф паршить, кона аф юмай, аф гастяви и аф пужи, и кона тяни кирдеви-ванфтови тейнть менельса.

Пёторонь омбоце сёрмац 1:1

Симон Пётр, Иисус Христосонь покодиец и апостолоц, кучи пара вал сятненди, кинди, кода тейнековок, максф питнидонга питни кемамась – Шкаеньконь и Идить Иисус Христость видексшинц вельде.

Иудань сёрмац 1:1

Иуда, Иисус Христосонь покодиец и Иаковонь брадоц, кучи пара вал тертьфненди, конатнень иняруяфтозень Шкай Алясь и ванфтозень Иисус Христос.