Павелонь сёрмац Колоссав 3:17 - Од Соткс Новый Завет на мордовском-мокша языке 2016

¹⁷ И семботь, мезе тиенттяда валса али тевса, семботь тиендесть Иисус Христос Азорть лемса, сюконязь Сонь вельденза Шкай Аляти.

Павелонь сёрмац Колоссав 3:17 ပူးပေါင်းရင်းမြစ်များ

Матфей 28:19

Сяс арда и тиесть сембе ломаньтналхнень Тейне тонафникс, кстиндасть синь Алять, Цёрать и Иняру Ваймопожфть лемса.

Апостолхнень тевсна 19:17

Тянь колга кармасть содама Ефесса эряй сембе еврейхне и грекне. Сембонь сявозень пелема и синь кармасть шнамонза Иисус Азорть лемонц.

Апостолхнень тевсна 4:30

Венептьк Эсь кядцень, пчказаст сярядихне и катк тиевихть дивань тефт и тяштькст Иняру покодицень Иисусть лемса».

Павелонь сёрмац Риму 1:8

Васендакиге азан сюконяма Иисус Христосонь вельде монь Шкаезти сембонь тинь инксонт, сяс мес тинь кемамантень колга корхтави марнек масторлангса.

Павелонь васенце сёрмац Коринфу 10:31

Эрь вов мезе: ярхцатада али сиптяда, семботь мезе тиенттяда, тиендесть Шкайть шнаманкса.

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 5:20

фалу и сембонкса сюконязь Шкайти и Аляти, Иисус Христос Азороньконь лемса.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 2:11

и эрь кяльсь, Шкай Алять шнаманкса, азсы: «Иисус Христос – Азорсь».

Павелонь сёрмац Колоссав 1:12

Кеняртькс потмоса сюконяда Шкай Аляти, кона макссь тейнек сявомс аноклаф казнеть: улеза миньге пяльксоньке Сонь иняру ломанензон ёткса валдонь Оцязорксшиса.

Павелонь сёрмац Колоссав 2:7

Кемокстасть унксонтень Христосса и касода-кеподеда Сонь эсонза. Катк кемамась, конанди тинь тонафтфтада, виензай эсонт и катк седиенте фалу ули пяшксе сюконямада.

Павелонь сёрмац Колоссав 3:15

И катк азорондай тинь седисонт Шкаень сетьмошись, конанди тинь уледе тертьфт кода фкя ронгонь пялькст. Эрь пингста уледа сюконяйкс!

Павелонь сёрмац Колоссав 3:23

И мезе тинь афоледе тие, тиендесть ся тевть седиень путозь, кода Азорти, а аф кода ломаттненди.

Павелонь васенце сёрмац Фессалоникав 1:1

Павел, Силуан и Тимофей кучихть пара вал Фессалоникань кемаень пуромксти, кона эряй Шкай Алять и Иисус Христос Азорть эса. Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Павелонь васенце сёрмац Фессалоникав 5:18

сембонкса сюконяда, сяс мес тяфтама Шкайть мялец тейнть, Иисус Христости кемайхненди.

Павелонь омбоце сёрмац Фессалоникав 2:17

катк ваймафтсазь тинь седиентень и кемокстатядязь тинь эрь кодама цебярь тевонди-валонди.

Еврейхненди сёрмась 1:5

Вдь Шкайсь мзярдонга фкявок ангелти ашезь мярьге: «Тон Монь Цёразят, тячи Мон шачфтыхтень Тонь» али тяфта: «Мон улян Тейнза алякс, а Сон ули Тейне Цёракс».

Еврейхненди сёрмась 13:15

Сяс, карматама Иисусонь вельде апак лотксек каннема шнамань озксказне Шкайти, лиякс мярьгомс, эсь валоньконь, конат шнасазь Сонь лемонц.

Пёторонь васенце сёрмац 2:5

Тиньге, кода эряй кефне, тиевода ваймопожфонь кудкс. Эста тинь ульхтяда иняру озксвятиень оцюнякс и карматада каннема Шкайти ваймопожфонь озксказнет, конат тушендыхть Сонь мялезонза Иисус Христосонь инкса.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.

Иоаннонь васенце сёрмац 2:23

Кие корхни: «Мон аф кеман Цёрати», – сянь аш Аляцка. А кие аф сёпозь корхни: «Мон кеман Цёрати», – сянь ули Аляцка.

Иоаннонь васенце сёрмац 3:18

Идне, эрьда карматама кельгома фкя-фкянь аф аньцек кяльса-валса, но и пара тевса и видешиса.