Павелонь сёрмац Колоссав 3:16 - Од Соткс Новый Завет на мордовском-мокша языке 2016

¹⁶ Катк Христость валоц козяста эряй тинь эсонт, эрь кодама смузьши мархта. Тонафнеда фкя-фкянь и максседа фкя-фкянди ётть, уледа седи ваксста сюконяйкс Шкайти и морседа Тейнза псалопт, шнамань и ваймопожфонь морхт.

Павелонь сёрмац Колоссав 3:16 ပူးပေါင်းရင်းမြစ်များ

Матфей 26:30

Шкайти шнама моронь морамда меле синь тусть Вайшуфта пандть лангс.

Лука 2:51

Иисус тусь синь мархтост, сась Назарету и сембоса ульсь кулхцондыкс тядянцты-алянцты. А Мария тядяц семботь тянь путозе эсь седизонза.

Иоанн 15:7

Кда тинь ульхтяда эсон и Монь валневок улихть тинь эсонт, эста Алязень кядьста анада, мезе мяленте, и максови тейнть.

Павелонь сёрмац Риму 10:17

Тяфта, кемамась сашенды Кулять марямста, а марясазь сонь тоса, коса азондови Шкайть валоц.

Павелонь сёрмац Риму 15:14

Кемай ялгат, мон лац содаса: тинь пяшкодеде парошида, кочкаде эрь кодама содамоши и машттада фкя-фкянь путома ёньц.

Павелонь васенце сёрмац Коринфу 14:15

Кода ина улемс? Карман озондома ваймопожфсон, карман озондома эсь ёньцонга. Карман моразь шнамонза Шкайть ваймопожфсон, тяконь лаца карман моразь шнамонза Шкайть эсь ёньцонга.

Павелонь васенце сёрмац Коринфу 14:26

Мезе тянь эзда лисенди, кемай ялгат? Мзярда тинь пуромкшнетяда марса, эрть тинь эздонт ули мезецка лиятненди: шнамань мор, тонафтома, Шкайть эзда панжема, лия кяльхнень лангса корхтама али тя корхтамать смузенц панжемац. И сембось тя катк тиеви кемаень пуромксть касоманкса-кемокстаманкса.

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 5:17

Сяс тяда уле ёньфтомокс, но шарьхкодесть, мезьса Азорть мялец.

Павелонь сёрмац Ефесу 5:19

кемокснеда фкя-фкянь псалмаса, шнама и ваймопожфонь морса. Моразь шнасть Азорть седи ваксста,

Павелонь сёрмац Ефесу 5:26

Христос тянь тиезе ва мезенкса: иняруяфтомс сонь, штамок ведьса валть вельде;

Павелонь сёрмац Колоссав 1:28

Минь пачфнесаськ Христость колга Кулять, путнетяма ёньц и тонафттама эрь ломанть эса. Минь нолясаськ тевс сембе смузьшить, сяс мес надиятама тиемс эрть афсатыксфтомокс Христос Иисусса.

Павелонь сёрмац Колоссав 1:9

Вага мес миньге, ушедомок ся шиста, мзярда кулеськ тянь, аф лотксетяма озонкшнемс тинь инксонт. Минь эняльттяма Шкайти пяшкодемс тинь ваймопожфонь шарьхкодемаса и смузьшиса, конатнень вельде тинь крхкаста кармаледе содамонза Шкайть мяленц,

Павелонь сёрмац Колоссав 4:6

Улеза тинь корхтаманте лямбе и туза ломаттнень мяльс, кода салса почетф ярхцамбяльсь. Маштода эрть каршес максомс эрявикс вал.

Павелонь васенце сёрмац Фессалоникав 1:8

Тинь эздонт Азорть валоц кайгозевсь аф аньцек Македонияса и Ахаияса, но кулясь тинь кемамантень колга Шкайти срадсь сембе вастова, сяс тейнек ни мезевок аф эряви корхтамс тинь кемамантень колга.

Павелонь васенце сёрмац Фессалоникав 4:18

Сяс, ваймафнеда-кемокстакшнеда фкя-фкянь ня валхнень вельде.

Павелонь омбоце сёрмац Фессалоникав 3:15

Но тясть лува тя ломанть душманкс, а кода кемай ялганди лездода арамс видексшинь ки лангс.

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Павелонь омбоце сёрмац Тимофеенди 3:15

Тяфта жа тон ни шабакстокиге содасайть иняру Сёрматфкснень, конат маштыхть тиемс тонь смузюкс, и сяс тон Христос Иисусти кемамать вельде кармат идеф.

Павелонь сёрмац Титонди 3:6

Тя Ваймопожфть Сон козяста валозе лангозонк Иисус Христос Идиеньконь вельде,

Иаковонь сёрмац 1:5

А кда киндиге тинь эздонт аф сатни смузьши, ся катк веши Шкайть кядьста, и тейнза максови. Вдь Шкайсь сембонди максси пара мяльса и аф апряказь.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Иаковонь сёрмац 5:13

Кда кивок тинь ёткстонт маятай, ся катк озонды. Кда кие кеняртькс потмоса, ся катк морафты псалопт.

Иоаннонь васенце сёрмац 2:14

Мон сёрмадонь тейнть, сирет, сяс мес тинь содасасть Сянь, кона ульсь ушетксстокиге. Мон сёрмадонь тейнть, отт, сяс мес тинь виихтяда, и тиньцонт эряй Шкаень валсь, и тинь сяськость Кальдявть.

Иоаннонь васенце сёрмац 2:24

Ванфтость седисонт сянь, мезе тинь куледе ушетксста сявомок. Кда эсонт фалу ули ся, мезе тинь куледе ушетксста, эста тинь карматада эряма Цёрать и Алять эса.

Иоаннонь васенце сёрмац 2:27

Но тинь эсонт эряй Ваймопожфонь вадемась, конань тейнть максозе Шкайсь, и сяс тейнть аф эряви лия тонафты. Тя вадемась сонць тонафттядязь тинь семботи; сон афкуксонь и эсонза аш васькафнема. Сяс тиендеда стане, кода Сон тонафтодязь: фалу эряда Христость эса.

Иоаннонь омбоце сёрмац 1:2

Мон кельктядязь тинь ся видешить инкса, кона эряй минь эсонк и кармай улема мархтонк пефтома пингс.

Иоаннонди панчф няйфкс 14:3

Синь морасть бта од мора оцязоронь озама вастть инголе и ниле эряй ваймотнень и атятнень инголе; и киндивок ашезь тонадов тя морсь, ня морайда башка. Нят ульсть сяда нильгемонь нилие тёжянь ломаттне, конат идефт-рамафт масторлангста.

Иоаннонди панчф няйфкс 15:3

и моразь Шкаень покодить Моисеень и Верозть морснон: «Азор Шкай, Семботь Кирдиец, оцюдонга оцюфт и дивандафтыхть Тонь тефне! Иняруфнень Оцязорсна, видет и видексшинь Тонь китне!

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».

Иоаннонди панчф няйфкс 5:9

Синь морасть од мора: «Тонь оцюшицень коряс Тейть сявови книгась и валхтовихть лангстонза пякстамань тяштьксне, сяс мес Тон улеть печкф и Эсь версот рамайть Шкайти ломаттнень эрь юромста, кяльста, ломаньтналста и масторста.