13 Эряда фкя-фкянь мархта ладязь и нолнеда пежет, кда фкя-фкянь обжатада. Кода Христос нолдазень тинь пежентень, тяфта тиньге тиендеда.
А Мон корхтан тейнть: кельгость душманонтень, бславакшнесть сюдыентень, тиендеда цебярь аф кельгиентенди и озондода сялдыентень инкса и сятнень инкса, кие панци эсонт.
нолдайть тейнек минь пеженьконь, кода миньге нолясаськ тейнек шумуяфненди.
Мзярда озонттада и киньге лангс кирттяда кяж, нолдасть тейст синь пежеснон, эста Алянтевок, кона менельса, нолдасыне тинь пежентень.
Нолдайть тейнек минь пеженьконь, вдь миньге нолясаськ эрти, кие тейнек шумуясь. Тямасть вятфне варчсемас, но Кальдявть эзда идемасть».
Иисус корхтась: «Аляй! Нолдайть пежеснон, сяс мес синь аф содасазь, мезе тиихть». Ушматтне, жерьбань ёрдазь, явозь Иисусонь щамонзон.
Сяс, Шкаень лемть шнаманкса, сявода фкя-фкянь эсь седизонт, кода Христоска сяводязь тинь Эсь седизонза.
А кинь шумонц тинь нолдасасть, сянь шумонц монга нолдаса. Вдь кинь шумонц мон нолдайне, кда ульсь мезе тейнза нолдамс, ся шумоть мон нолдайне тинь инксонт Христость шамаликонц инголе,
Минь эсь афкуксшиньконь няфнесаськ арушиса, содамошиса, куватьс кирдемшкаса, парошиса, Иняру Ваймопожфса, афкуксонь кельгомаса,
Лездода фкя-фкянди стакашиса, тяфта тинь пяшкодьсасть Христость коенц.
Уледа фалу сятявкс, лямбе седикс, улеза куватьс кирдемшканте. Кельгозь кирдеда фкя-фкянь.
Уледа фкя-фкянди ляпе седикс, лиянь сярятьфонь маряйкс, нолнесть фкя-фкянди пежентень, кода и Шкайсь Христосса нолдазень тинь пежентень.
Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.
Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.
Вдь аф ужяльдеви судса ся, кие сонць киньге аф ужяльдьсы, а ужяльдись сяськи судса.
Тинь тянди уледе тертьфт, сяс мес Христосовок минь инксонк маятась, и тянь эса няфтсь тейнек кепотькс: миньге молелеме Сонь мельганза.