Павелонь сёрмац Колоссав 3:12 - Од Соткс Новый Завет на мордовском-мокша языке 2016

¹² Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.

Павелонь сёрмац Колоссав 3:12 ပူးပေါင်းရင်းမြစ်များ

Матфей 24:22

И кда афольхть кирьфтав ся шитне, эста кивок афоль идев, но кочкафнень инкса кирьфтавихть ся шитне.

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Матфей 24:31

И торамань кайги вайгяльса Сон кучсыне ангелонзон пуроптома Эсь кочкафонзон сембе масторста – фкя менель песта сявомок омбоцети молемс.

Марк 13:20

Кда Азорсь афолезень кирьфта ся шитнень, эста кивок афоль идев; но ломаттнень инкса, конатнень Сон кочказень, кирьфтазе ся пингть.

Марк 13:22

Сяс мес сайхть аф афкуксонь христост и аф афкуксонь пророкт, конат кармайхть тиендема тяштькст и дивань тефт кочкафнень васькафтоманкса, кда васькафтовольхть.

Марк 13:27

Эста Сон кучсыне Эсь ангелонзон и кочкафтсыне масторть нилецьке ширденза Эсь кочкафонзон, модать песта менельть пес.

Лука 1:78

Кельги и ужяльди седи Шкаеньке кучи тейнек менельста шинь стямань валда,

Лука 18:7

Кали Шкайсь аф араласыне Эсь кочкафонзон, Тейнза шинек-венек эняльдихнень? Кали Сон аф эряскоды араламост?

Павелонь сёрмац Риму 1:7

Мон кучан пара вал сембе ся римэряйхненди, конатнень кельгсыне Шкайсь и конатнень Сон тердезень улемс иняру ломанькс. Мон арьсян тейнть пароказне и сетьмоши Шкай Аляньконь и Иисус Христос Азороньконь эзда.

Павелонь сёрмац Риму 13:14

Катк араламань щамкс тейнть арай Иисус Христос Азороньке! Пяк тяк ванонда ронгцень мяленц: афольхть сргозе сонь визьксонь вешфксонза.

Павелонь сёрмац Риму 9:11

Мзярда иттне нинге афи шачендсть и мезевок ашесть кенере тиемс, аф цебярь, аф кальдяв, Шкайсь ни мярьгсь Ревекканди: «Оцюсь кармай ёмлать лангс покодема». Тяфта Шкайсь няфтезе: Сон кочкась Эсь мяльсонза, аньцек тердеманц коряс, аф ломанень тевть коряс.

Павелонь васенце сёрмац Коринфу 13:4

Кельгомась куватьс кирди, сон седи ваксста паронь тии. Кельгомась сельме аф каяй, кельгомась прянц аф шнасы, аф няйсы,

Павелонь омбоце сёрмац Коринфу 6:6

Минь эсь афкуксшиньконь няфнесаськ арушиса, содамошиса, куватьс кирдемшкаса, парошиса, Иняру Ваймопожфса, афкуксонь кельгомаса,

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Павелонь сёрмац Ефесу 1:4

Нинге масторлангть тиемдонза инголе Сон минь кочкамазь сембонь ёткста Христость эса улемать вельде. Тяфта минь ульхтяма инярукс и афсатыксфтомокс Сонь инголенза, и эрятама кельгомаса.

Павелонь сёрмац Ефесу 4:2

Уледа фалу сятявкс, лямбе седикс, улеза куватьс кирдемшканте. Кельгозь кирдеда фкя-фкянь.

Павелонь сёрмац Ефесу 4:24

и щамс эсь лангозонт од ломань, кона тиф Шкайть коряс, афкуксонь видексшиса и инярушиса.

Павелонь сёрмац Ефесу 4:32

Уледа фкя-фкянди ляпе седикс, лиянь сярятьфонь маряйкс, нолнесть фкя-фкянди пежентень, кода и Шкайсь Христосса нолдазень тинь пежентень.

Павелонь сёрмац Филиппав 1:8

Шкайсь тянь няйсы-содасы, конашкава монь оцю мялезе няемс тинь и конашкава мон кельктядязь тинь Иисус Христость кельгомаса.

Павелонь сёрмац Колоссав 3:10

и щафтоде эсь лангозонт од ломань, кона шиста-шис одкстомкшни. Тянь вельде тейнть сяда лац шарьхкодеви-содави Шкайсь, минь Тииеньке, и тинь аратада Сонь лацонза.

Павелонь васенце сёрмац Фессалоникав 5:15

Ванода, кивок тинь ёткстонт афоль панда кяж кяженкса, меколанкт, фалу эряскодода тиемс пара – кода фкя-фкянди, стане сембе лядыхнендивок.

Павелонь омбоце сёрмац Тимофеенди 1:9

Шкайсь идемазь минь и тердемазь иняру тердемаса, аф минь тевоньконь коряс, а эсь мяленц-арьсеманц и пароказненц коряс. Тя пароказнеть Сон максозе тейнек Христос Иисусса нинге пингть ушедомда инголе,

Павелонь омбоце сёрмац Тимофеенди 2:10

Сяс мон анокан кирдемс сембе сталмотнень Шкаень кочкафнень инкса, катк синьге идевихть Христос Иисусса и сатсазь пефтома эряфонь иневалдть.

Павелонь сёрмац Титонди 1:1

Павел, Шкайть покодиец и Иисус Христосонь апостолоц, кучи пара вал Титонди, марстонь кемамать коряс афкуксонь цёранцты. Улеза тейть пароказне, кельгозь ужяльдема и сетьмоши Шкай Алять и Иисус Христос Азорть, минь Идиеньконь эзда! Мон кучфан кемокстамс Шкаень кочкафнень кемамаснон и шарьхкодемаснон тя видешить колга, кона Шкайть мяленц коряс и кона максы надияма пефтома эрямати. Шкайсь надияфтозе тянь нинге пингть ушедомда инголе, и Сон аф васькафни. Мзярда сась виде пингсь, Сон эвондазе Эсь валонц Пара кулянь азондомазень вельде. Тя тевсь максфоль тейне Шкайть, Минь Идиеньконь кошардоманц коряс.

Пёторонь васенце сёрмац 1:2

Шкай Аляньке Эсь содаманц-няеманц коряс инголькиге ни кочкадязь тинь и тиедязь Эсь Ваймопожфонц вельде Эстейнза иняру ломанькс. Тяфта тинь тиефтяда кулхцондыкс Иисус Христости и ульхтяда штафт Сонь версонза. Сяда лама пароказнеда и сетьмошида максовоза тейнть!

Пёторонь омбоце сёрмац 1:10

Сяс, кемай ялгат, нинге сяда лама вийда путода эсь тердемантень и кочкамантень кемокстаманкса. Кда карматада тяфта тиендема, мзярдонга аф пупордатада.

Иоаннонь васенце сёрмац 4:19

Минь кельгсаськ Шкайть, сяс мес васенда Шкайсь кельгомазь минь.

Иоаннонь омбоце сёрмац 1:13

Шкайса кочкаф сазорцень иденза кучихть тейть пара валхт. Аминь.

Иоаннонди панчф няйфкс 17:14

Синь кармайхть тюрема Верозть каршес, и Верозсь сяськсыне синь, сяс мес Сон азорхнень Азорсна и оцязорхнень Оцязорсна, и марса Сонь мархтонза улихть тертьфне, кочкафне и Тейнза кемайхне».