Павелонь сёрмац Колоссав 3:11 - Од Соткс Новый Завет на мордовском-мокша языке 2016

¹¹ И тя од эряфсонт аш явома: грек тя али еврей, керф али апак керхт, варвар, скиф, уре али воляшистонь. Ули аньцек Христоссь – Сон сембось и семботь эса.

Павелонь сёрмац Колоссав 3:11 ပူးပေါင်းရင်းမြစ်များ

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Иоанн 15:5

Мон – виноградонь почксь, а тинь – тараткятне. Кие Монь эсон и Монга эсонзан, ся максы лама иможда. Моньфтомон тейнть мезевок аф тиеви.

Иоанн 17:23

Мон синь эсостан, и Тон Монь эсонат. Катк синь марнек улихть фкя седиса-ваймоса. Эста масторлангсь шарьхкодьсы: Тон кучемайть Монь и кельгсайть синь, кода Монь кельгсамак.

Апостолхнень тевсна 15:17

Эста сембе лядыкс ломаттне, сембе лия тналонь ломаттне кармайхть вешемонза Азорть, вдь Мон тердине синь арамс ломаньтналкс, кона каннесы Монь лемозень. Тяфта корхтай Азорсь, кона тисы тянь семботь.

Апостолхнень тевсна 28:2

Тостонь эряйхне пара мяльса и седишкава васьфтемазь минь. Синь крьвястсть оцю толмар и тердемазь ваксозонза эжема, сяс мес мольсь пизем и ушеса пяк кельмоль.

Апостолхнень тевсна 28:4

Мзярда тостонь эряйхне няезь Павелонь кядьса нюрьги равжа пря куйть, кармасть корхтама фкя-фкянди: «Тя алясь, улема, ломанень шави! Няк, идевсь оцюведьса юмамада, но кяжень пантфты шкайавась аф ёрай кадомдонза шиса».

Павелонь сёрмац Риму 1:14

Мон шумуван грекнень и варвархнень, смузюфнень и аф содайхнень инголе.

Павелонь сёрмац Риму 10:12

Тя азф сембонди, и еврейти, и лия ломаньтналоннети. Азорсь сембонди фкя, и козяста казьсыне сембонь, кие тердьсы Сонь.

Павелонь сёрмац Риму 3:22

И тя видексшить Шкайсь макссы ломаттненди Иисус Христости кемамать инкса. Сон максови сембонди, кит кемайхть, кикс синь афольхть уле,

Павелонь сёрмац Риму 3:29

Кали Шкайсь аньцек еврейхненди Шкай, а лия ломаньтналхненди аф? Тяфта, Сон – лия ломаньтналхнендинге Шкай,

Павелонь васенце сёрмац Коринфу 12:13

Тяфта миньге сембе: еврейхне и грекне, уретне и воляшистотне улеме кстиндафт фкя ронгс фкя Ваймопожфса. И сембонди тейнек максфоль симомс фкя-тяка Ваймопожфта.

Павелонь васенце сёрмац Коринфу 14:11

Но кда мон аф содасайне валхнень смузьснон, эста мон корхтайти лия мастороннян, сонга тейне лия масторонь.

Павелонь васенце сёрмац Коринфу 7:19

Керомась тя мезевок аш, аф керомаське мезевок аш. Но инь эрявикссь – тя Шкаень кошардомвалхнень ванфтомасна.

Павелонь сёрмац Галатияв 2:20

и эрян ни аф монць, а Христоссь эряй эсон. И мзярс мон эрян тя ронгса, мон эрян кемазь Шкаень Цёрати, кона кельгомань монь и максозе Эсь эряфонц монь инксон.

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Павелонь сёрмац Ефесу 1:23

Кемаень пуромкссь – тя Христость ронгоц и пяшксешиц, Христость, конац пяшкотькшнесы семботь сембоса.

Павелонь сёрмац Ефесу 2:14

Сон минь сетьмошиньке. Сон тись кафттнень эзда фкя и срафтозе ётксост ащи перяфксть ся пингста,

Павелонь сёрмац Ефесу 2:15

мзярда Эсь куломанц вельде машфтозень вийда койть кошардоманзон и кяжть, кона ульсь ётксост. Тяфта, Сон Эсьсонза кафттнень эзда тись фкя од ломань, ладямок ётксост сетьмоши,

Павелонь сёрмац Ефесу 3:17

и кемамать вельде седисонт кармай улема Христоссь.

Павелонь сёрмац Ефесу 3:6

Тя салавашись вага мезьса: лия ломаньтналхнень ули еврейхнень мархта пялькссна сембе ся паротнень эзда, конат максовихть Шкаень ломаньтналти. Синь арасть фкя-тяка ронгонь, и Пара кулять вельде тейстка максовихть Шкайть надияфтоманза Христос Иисусса.

Павелонь сёрмац Ефесу 6:8

Тинь содасасть: Азорсь эрти максы ся цебярть коряс, конань сон тиезе, улендяряй сон урекс али воляшистоннекс.

Павелонь сёрмац Колоссав 2:10

Тиньге ули пяшксешинте Христость эса, кона сембе оцюнятнень и азорксшитнень лангса прясь.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.

Иоаннонь омбоце сёрмац 1:9

Эрсь, кие шарфты Христость тонафтоманц эзда и туй лия киге, ся Шкайфтома. А ся, кие эряй Христость тонафтоманц коряс, сянь эса ули Шкай Алясь и Сонь Цёрац.