Павелонь сёрмац Колоссав 2:8 - Од Соткс Новый Завет на мордовском-мокша языке 2016

⁸ Ванода, кивок афоледязь вяте тинь кундамас ломанень эрь кодама тонафтоматнень и шава васькафнематень вельде, конатнень юрсна ащихть аф Христосса, а ломанень кунардонь обуцятнень эса и тя масторонь вяти вийхнень эса.

Павелонь сёрмац Колоссав 2:8 ပူးပေါင်းရင်းမြစ်များ

Матфей 10:17

Ванфтода пря ломаньда: синь кармайхть макссемонт судс и кармайхть пикссемонт синагогасост.

Матфей 16:6

Иисус мярьгсь тейст: «Ванода, ванфтода пря фарисейхнень и саддукейхнень шапафтомадост».

Матфей 7:15

«Пеледа прорококс прянь тиендида, конат сашендыхть тейнть учань кедьса, а потмоваст синь – пяляз врьгаст.

Апостолхнень тевсна 17:18

Весть сонь мархтонза срхкафтсть пялькстома философт – эпикуреецт и стоикт. Финцне кизефнесть: «Мезе мялец азомс тя лама валонь шотнайть?» Омбонцне: «Афоли сон азонды лия масторонь шкайхнень колга». Тя сянкса, мес Павел пачфнесь Пара куля Иисусонь колга и кулофста вельмамать колга.

Апостолхнень тевсна 17:32

Мзярда синь кульсть кулофста вельмамать колга, кой-конатне ёткстост кармасть пеетькшнема, омбонцне мярьгсть: «Тянь колга тонь кулхцонттядязь оду».

Павелонь сёрмац Риму 16:17

Мон эняльдян, кемай ялгат, ванфтода пря сятнень эзда, конат шорсемок ётконтень, явфнетядязь тинь. Синь ускихть эсонт ся тонафтомать эзда, кона максф тейнть. Аеркшнеда тяфтапнень эзда.

Павелонь васенце сёрмац Коринфу 10:12

Сяс эрсь, кие арьси: сон кемоста ащи пильге лангса, катк ваны, афоль пра.

Павелонь васенце сёрмац Коринфу 8:9

Ванода, аньцек афоль ара тяфтама воляшинте пупордама кевкс лафчненди.

Павелонь омбоце сёрмац Коринфу 10:5

и эрь кодама прянь няематнень, конат аф нолнесазь ломаттнень содамс Шкайть. Минь сявсаськ полонц эрь арьсемать и тиендьсаськ сонь Христости кулхцондыкс.

Павелонь сёрмац Галатияв 1:14

Эсь ломаньтналсон фкя кизонь ялганень ёткса мон улень сембода инголе евреень кемамаса. Мон вельф псиста аралань-пяшкодень койхнень, конатнень тейнек кадозь кунардонь пингонь аляньке.

Павелонь сёрмац Галатияв 4:3

Тяфта миньге, мзярс ашеме ара кемайкс, улеме шаба лаца, и улеме урекс тя масторонь вяти вийхненди.

Павелонь сёрмац Галатияв 4:9

Ина тяни, мзярда тинь содасть Шкайть, сяда лац азомс, мзярда Шкайсь содадязь тинь, кали тинь меки ёратада мрдамс ня лафча и асуфтома вийхненди? Кали меки ёратада арамс тейст урекс?

Павелонь сёрмац Галатияв 5:15

А кда порьхтяда и сивозь сифтяда фкя-фкянь, эста ванода, афоледе машфта фкя-фкянь.

Павелонь сёрмац Ефесу 2:2

Синь эсост тинь эряде тя масторлангонь кяжи обуцятнень коряс, максседе пря менель алдонь азорти, ваймопожфти, кона тянивок азорондай сятнень лангса, кие аф кулхцондсы Шкайть.

Павелонь сёрмац Ефесу 4:20

Но тейнть максфоль прокс аф тяфтама тонафтома Христость колга.

Павелонь сёрмац Ефесу 5:6

Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.

Павелонь сёрмац Филиппав 3:2

Ванфтода пря пинеда, ся васькафни тонафтыда, конат тиендихть кальдяв тефт и киськопень керфтомать вельде керсесазь-гаснесазь алятнень ронгснон!

Павелонь сёрмац Колоссав 2:18

Тясть макссе судендамс эсь прянтень стама ломаттненди, конат атказакшнихть эрь шинь эряфть эзда, сяс мес ёрайхть няфтемс эсь пряснон сятявкс, конат сюконякшнихть ангелхненди и корхнихть аньцек эсь няйфксснон колга. Ня шава мяльхне-арьсематне тиендьсазь тяфтама ломаттнень вярьге прянь кандыкс.

Павелонь сёрмац Колоссав 2:20

Кда тинь кулоде Христость мархта и тяни эрятада воляшиса тя масторть вяти виензон эзда, эста мес тинь эрятада кода тя масторонь ломаттне и кирттяда тяфтама кардамада:

Павелонь сёрмац Колоссав 2:22

Нят аньцек ломанень кардамат и тонафтомат. Эсост корхтави сянь колга, мезсь юмай тевс нолдамада меле.

Павелонь сёрмац Колоссав 2:23

Тя кардаматне аньцек няевихть смузюкс. Синь вятихть аф афкуксонь сюконямас Шкайти, шама лангонь сятявшис и ронгонь маятафтомас, но мезьсонга аф лездыхть. Синь аньцек вятихть ронгть топафтоманцты.

Павелонь васенце сёрмац Тимофеенди 6:20

Тимофей! Лацкас ванфтк сянь, мезе путф лангозт. Тушентт шири шкайфтома и шава корхнематнень и каршек молематнень эзда, конат эвондасть аф виде содамошиста. Тя аф виде содамошить лемдезь афкуксонь содамошикс,

Павелонь омбоце сёрмац Тимофеенди 3:13

А кяжи ломаттне и васькафнихне кармайхть тиендема сядонга лама кальдявда, васькафнемок лиятнень и эсь пряснонга.

Еврейхненди сёрмась 13:9

Тясть макса шарфтомс прянтень виде ки лангста эрь кодама и ширде саф тонафнематненди. Пара, кда седись кемокстай Шкаень пароказнеть эзда, а аф ярхцамань койхнень мельге молемать эзда. Ня койхнень мельге молемась нинге киндиге ашезь канда лезкс.

Еврейхненди сёрмась 3:12

Ванода, кемай ялгат, катк киньге эздонт аф ули кяжи и аф кемай седиец, и тяфта афоледе пота эряй Шкайть эзда.

Пёторонь васенце сёрмац 1:18

Содасть: тона шава эряфть эзда, конань тейнть кадондозь кунардонь пингонь алянте, тинь рамадязь аф кодамовок юмай-арай сияса али зрняса,

Пёторонь омбоце сёрмац 3:17

Кельгома ялгане, тейнть инголькиге содаф тя. Сяс ванфтода пря: афоледязь уска эсь мельгаст шкайфтомотнень васькафты-эрьготьфти валсна и афоледе пра кеме юронтень лангста.

Иоаннонь омбоце сёрмац 1:8

Ванода эсь мельгант, тясть юмафта-арафта сянь, мезень лангса минь покодеме, но путода вий сатомс марнек казнеть, кона аноклаф тейнть.