Павелонь сёрмац Колоссав 2:4 - Од Соткс Новый Завет на мордовском-мокша языке 2016

⁴ Тянь корхтаса сянь инкса: кивок афоледязь васькафта тинь лестяй вал вельде.

Павелонь сёрмац Колоссав 2:4 ပူးပေါင်းရင်းမြစ်များ

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Матфей 24:4

Иисус каршезост корхтай: «Ванода, кивок афоледязь васькафта.

Марк 13:22

Сяс мес сайхть аф афкуксонь христост и аф афкуксонь пророкт, конат кармайхть тиендема тяштькст и дивань тефт кочкафнень васькафтоманкса, кда васькафтовольхть.

Апостолхнень тевсна 20:30

Тинценьге ёткстонт эвондайхть ломатть, конат кармайхть кяльготнезь корхнема эсь мельгаст тонафнихнень ускоманкса.

Павелонь васенце сёрмац Коринфу 2:4

Монь валозе и монь тонафтомазе ульсть аф ломанень смузьшить кемафты валсонза, но Шкаень Ваймопожфть виенц эвондамаса.

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Павелонь сёрмац Галатияв 2:4

А керфтомань кизефксть кеподезь аф афкуксонь кемайхне, конат салава эцесть минь ёткозонк. Синь яксесть-ванондсть минь мельганк и ся воляшить мельге, конань тейнек максозь Христос Иисусонь вельде. Синь ёрасть меки сувафтомс минь Моисеень койть урексшинц алу.

Павелонь сёрмац Ефесу 4:14

Эста минь ни аф ульхтяма пиже иднякс, конатнень кодама-повсь тонафтомась ведькомболкс и варма лаца усксыне эсь мельганза, и конатнень ёжу ломаттне васькафнесазь-эрьготьфнесазь.

Павелонь сёрмац Ефесу 4:17

Сяс, мон корхтан и Азорть лемсонза кардан: оду тяда эря стане, кода лия ломаньтналхне эряйхть эсь шава мяльснон коряс.

Павелонь сёрмац Ефесу 5:6

Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.

Павелонь сёрмац Колоссав 2:18

Тясть макссе судендамс эсь прянтень стама ломаттненди, конат атказакшнихть эрь шинь эряфть эзда, сяс мес ёрайхть няфтемс эсь пряснон сятявкс, конат сюконякшнихть ангелхненди и корхнихть аньцек эсь няйфксснон колга. Ня шава мяльхне-арьсематне тиендьсазь тяфтама ломаттнень вярьге прянь кандыкс.

Павелонь сёрмац Колоссав 2:8

Ванода, кивок афоледязь вяте тинь кундамас ломанень эрь кодама тонафтоматнень и шава васькафнематень вельде, конатнень юрсна ащихть аф Христосса, а ломанень кунардонь обуцятнень эса и тя масторонь вяти вийхнень эса.

Павелонь омбоце сёрмац Тимофеенди 2:16

Кирдефт шкайфтома шава корхнематнень эзда, сяс мес синь аерфтыхть сяда ичкози и ичкози Шкайть эзда.

Павелонь омбоце сёрмац Тимофеенди 3:13

А кяжи ломаттне и васькафнихне кармайхть тиендема сядонга лама кальдявда, васькафнемок лиятнень и эсь пряснонга.

Иоаннонь васенце сёрмац 2:18

Идне, сась мекольдень пингсь. Тинь кулесть: сай антихристсь, и вов, сась ни лама антихристта. Тянь эзда минь шарьхкодьсаськ: сась мекольдень пингсь.

Иоаннонь васенце сёрмац 2:26

Тянь мон сёрмадыне тейнть сятнень колга, конат ёрайхть пувордафтомс тинь виде киста.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Иоаннонь омбоце сёрмац 1:7

Вдь масторлангса эвондась лама васькафнида, конат аф кемайхть Иисус Христость ломанень ронгса саманцты. Тяфта корхтайхне – васькафни ломатть и антихристт.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоаннонди панчф няйфкс 13:8

И комайхть инголенза масторлангонь сембе эряйхне, конатнень лемсна, ушедомок менельть-масторть тиемста, апак сёрматт эряфонь книгати. Тя книгась Верозть кядьса, кона печкфоль озксказненди.

Иоаннонди панчф няйфкс 20:3

ёрдазе потмаксфтома томбати. Томбать пякстазе панжемаса и лангозонза путсь тяштькс, тязалезень васькафне куйсь ломаньтналхнень, мзярс аф ётайхть тёжянь кизотне. Сяльде сонь эряви нолдамс аф лама пингс.

Иоаннонди панчф няйфкс 20:8

Синь вельхтязь марнек модать и перязь Шкаень ломаттнень ащема вастснон и Шкайть кельгома ошенц.