Павелонь сёрмац Колоссав 2:23 - Од Соткс Новый Завет на мордовском-мокша языке 2016

²³ Тя кардаматне аньцек няевихть смузюкс. Синь вятихть аф афкуксонь сюконямас Шкайти, шама лангонь сятявшис и ронгонь маятафтомас, но мезьсонга аф лездыхть. Синь аньцек вятихть ронгть топафтоманцты.

Павелонь сёрмац Колоссав 2:23 ပူးပေါင်းရင်းမြစ်များ

Павелонь сёрмац Риму 13:14

Катк араламань щамкс тейнть арай Иисус Христос Азороньке! Пяк тяк ванонда ронгцень мяленц: афольхть сргозе сонь визьксонь вешфксонза.

Павелонь сёрмац Ефесу 5:29

Вдь мзярдонга ашель стама ломань, конац афолезе кельге эсь ронгонц, но эрсь аннесы и эжнесы сонь, кода и Азорсь кемаень пуромксть.

Павелонь сёрмац Колоссав 2:18

Тясть макссе судендамс эсь прянтень стама ломаттненди, конат атказакшнихть эрь шинь эряфть эзда, сяс мес ёрайхть няфтемс эсь пряснон сятявкс, конат сюконякшнихть ангелхненди и корхнихть аньцек эсь няйфксснон колга. Ня шава мяльхне-арьсематне тиендьсазь тяфтама ломаттнень вярьге прянь кандыкс.

Павелонь сёрмац Колоссав 2:22

Нят аньцек ломанень кардамат и тонафтомат. Эсост корхтави сянь колга, мезсь юмай тевс нолдамада меле.

Павелонь сёрмац Колоссав 2:8

Ванода, кивок афоледязь вяте тинь кундамас ломанень эрь кодама тонафтоматнень и шава васькафнематень вельде, конатнень юрсна ащихть аф Христосса, а ломанень кунардонь обуцятнень эса и тя масторонь вяти вийхнень эса.

Павелонь васенце сёрмац Тимофеенди 4:3

Синь аф мярьгихть рьвяямс и ярхцамс сяда, мезть Шкайсь тиезе. Вдь Шкайсь тиезе тя ярхцамбяльть тянкса: катк сят, кит кемайхть и содасазь видешить, ярхцайхть сюконяма мархта.

Павелонь васенце сёрмац Тимофеенди 4:8

Вдь ронгонь-виень кемокстамать ёмла лезксоц, а вана Шкаень мяльть ваномац лезды эрь мезьса, сяс мес сонь мархтонза сотфт тяниень и сай эряфонь надияфтоматне.