Павелонь сёрмац Колоссав 2:18 - Од Соткс Новый Завет на мордовском-мокша языке 2016

¹⁸ Тясть макссе судендамс эсь прянтень стама ломаттненди, конат атказакшнихть эрь шинь эряфть эзда, сяс мес ёрайхть няфтемс эсь пряснон сятявкс, конат сюконякшнихть ангелхненди и корхнихть аньцек эсь няйфксснон колга. Ня шава мяльхне-арьсематне тиендьсазь тяфтама ломаттнень вярьге прянь кандыкс.

Павелонь сёрмац Колоссав 2:18 ပူးပေါင်းရင်းမြစ်များ

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Павелонь сёрмац Риму 1:25

Шкаень видешить синь полафтозь кяльготнемать лангс. Синь сюконякшнихть и покодихть Шкаень тифти, а аф Сембонь Тии Шкайти, кона шнаф-бславаф пефтома пингс. Аминь.

Павелонь сёрмац Риму 16:18

Ня ломаттне покодихть аф Иисус Христос Азороньконди, а эсь пекснонды. Синь ламбама и кяльготнемань кяльсост васькафнесазь сятнень седиснон, кит тёждяста кемайхть мезьс повсь.

Павелонь васенце сёрмац Коринфу 13:4

Кельгомась куватьс кирди, сон седи ваксста паронь тии. Кельгомась сельме аф каяй, кельгомась прянц аф шнасы, аф няйсы,

Павелонь васенце сёрмац Коринфу 3:3

сяс мес тянемс эрятада пежу мялентень-арьсемантень коряс. Кда тинь ётксонт ули сельмонь каяма, пялькстома и фкя-фкянь каршес молема, эста тинь ляткшнетяда стама ломанькс, конат эряйхть пежу мяльснон-арьсемаснон коряс, и тиенттяда тя масторлангонь ломаттнень лаца.

Павелонь васенце сёрмац Коринфу 4:18

Конат-конат ёткстонт кепсесазь пряснон, синь арьсихть мон аф саян ширезонт.

Павелонь васенце сёрмац Коринфу 4:6

Кемай ялгат, мон семботь тянь азондыне Аполлосонь и эсь колган ва мезенкса: лангозонк ванозь, тинь тонадолесть кошардомать: «Катк тейнть саты ся, мезе сёрматф». Эста тинь аф карматада прянь няезь ащема фкять ширеса и улемс каршек омбоцети.

Павелонь васенце сёрмац Коринфу 8:1

Тяни карман корхтама сивольть колга, конань каннесазь озксказнекс аф афкуксонь шкайхненди. Шарьхкотьф, минь сембонь улихть содамошиньке тянь колга. Но содамошись тиендьсы ломанть прянь няикс, а кельгомась ломанть касфтсы.

Павелонь васенце сёрмац Коринфу 9:24

Тинь содасасть, ласькомань пялькстомаса ласькихть сембе, но казне максови аньцек фкяти. Ласькода стане, сатоль казнесь тейнть.

Павелонь омбоце сёрмац Коринфу 11:3

Но мон пелян: кода куйсь ёжушисонза васькафтозе Евань, тяконь лаца тиньге ёненте афоль салав седиваксстонь и ару кельгомантень эзда Христосонди.

Павелонь омбоце сёрмац Коринфу 12:20

Тейнть самста пелян няйхтядязь тинь аф стамкс, кодамкс мялезе няемс. И тиньге няйсамасть монь аф стамкс, кодамкс мяленте. Мон пелян няемс тинь ширесонт сялондомат, сельмонь каямат, кяжиямат, пялькстомат-явомат, фкя-фкянь лангс васькафнемат, корхтафтомат, прянь няемат, аф ладямат.

Павелонь сёрмац Ефесу 4:17

Сяс, мон корхтан и Азорть лемсонза кардан: оду тяда эря стане, кода лия ломаньтналхне эряйхть эсь шава мяльснон коряс.

Павелонь сёрмац Ефесу 5:6

Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.

Павелонь сёрмац Филиппав 3:14

Мон сембе вийсон ласькан ся вастти, коса аделави монь ласькомазе и коса тейне максови казне. Тя казнесь – менелень эряф, конанди тердемазь Шкайсь Христос Иисусть вельде.

Павелонь сёрмац Колоссав 2:23

Тя кардаматне аньцек няевихть смузюкс. Синь вятихть аф афкуксонь сюконямас Шкайти, шама лангонь сятявшис и ронгонь маятафтомас, но мезьсонга аф лездыхть. Синь аньцек вятихть ронгть топафтоманцты.

Павелонь сёрмац Колоссав 2:4

Тянь корхтаса сянь инкса: кивок афоледязь васькафта тинь лестяй вал вельде.

Павелонь сёрмац Колоссав 2:8

Ванода, кивок афоледязь вяте тинь кундамас ломанень эрь кодама тонафтоматнень и шава васькафнематень вельде, конатнень юрсна ащихть аф Христосса, а ломанень кунардонь обуцятнень эса и тя масторонь вяти вийхнень эса.

Павелонь васенце сёрмац Тимофеенди 1:7

Синь ёрайхть улемс койти тонафтыкс, аньцек синць аф шарьхкодьсазь сянь, мезень колга корхтайхть, и сянь, мезе вииста кемокстайхть валсост.

Павелонь васенце сёрмац Тимофеенди 4:1

Иняру Ваймопожфсь шарьхкодевиста корхтай тейнек: мекольдень пинкнень кой-кит потайхть кемамать эзда, и кармайхть молема васькафни ваймопожфнень мельге и кяжи ваймопожфнень тонафтомаснон мельге.

Пёторонь омбоце сёрмац 2:14

Авань няемста синь сельмосна палыхть визьксонь мяльса, и мзярдовок синь аф топафтовихть пежеса. Синь васькафнесазь-кунцесазь лафча ваймотнень, седисна тонатфт аньцек мезень-мезень сявома. Синь сюдоф итть!

Иоаннонь васенце сёрмац 2:26

Тянь мон сёрмадыне тейнть сятнень колга, конат ёрайхть пувордафтомс тинь виде киста.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 13:8

И комайхть инголенза масторлангонь сембе эряйхне, конатнень лемсна, ушедомок менельть-масторть тиемста, апак сёрматт эряфонь книгати. Тя книгась Верозть кядьса, кона печкфоль озксказненди.

Иоаннонди панчф няйфкс 19:10

Эста мон прань сонь пильгозонза тейнза сюконязь, но сон мярьгсь тейне: «Ватт, тяк тиенде тянь! Монга Шкаень покодиян, кодамат тон и тонь ялгатне, конат азондыхть Иисусонь колга. Шкайти сюконяк! И содак: Иисусонь колга азондомась – тя пророчендамань ваймопожф».

Иоаннонди панчф няйфкс 3:11

Мон курок саян – тон ина кемоста киртть сянди, мезце тонь ули, кивок тязазе сяв сяськиень каштазцень.