Павелонь сёрмац Колоссав 2:15 - Од Соткс Новый Завет на мордовском-мокша языке 2016

¹⁵ Шкайсь сявозе вийть оцюнятнень и азорхнень кядьста, эрь кодама ваймопожфнень эзда, и сембонь ингольде сувафтозень синь визьксс, мзярда Христос няфтезе Эсь сяськоманц синь лангсост.

Павелонь сёрмац Колоссав 2:15 ပူးပေါင်းရင်းမြစ်များ

Еврейхненди сёрмась 2:14

Ня иттне ащихть ронгста и верста, сяс Иисусовок арась синь лацост. И тяфта, куломать вельде Сон машфтозе вийда сянь, конань ули азорксшиц куломать лангса, лиякс мярьгомс, идемэвозть,

Павелонь сёрмац Ефесу 4:8

Сяс Сёрматфксса корхтави: «Сон кеподсь вяри и вятезень Эсь мархтонза пленц повфнень, и макссь ломаттненди казнет».

Матфей 12:29

Али, кие сувави вии ломанть кудс и саласы уликс-паронц, кда васенда аф сотнесы сонь? Аньцек эста салави сонь кудботмоц.

Павелонь сёрмац Ефесу 6:12

Сяс мес минь тюреманьке аф ломаттнень каршек, а кяжи ваймопожфонь оцюнятнень и азорхнень каршек, шобда вийхнень каршек, конат азорондайхть тя шобда пингонь масторлангса, и вярдень кяжи ваймопожфнень каршек.

Иоанн 16:11

а судендамась тоса: тя масторлангть азороц судендаф ни.

Лука 10:18

Сон мярьгсь тейст: «Мон няине Сатанать ёндолкс менельста праманц.

Иоаннонди панчф няйфкс 20:10

А идемэвозсь, кона васькафнезень синь, ёрдафоль толонь и палыкандоронь эрьхкти, косольхть ни кяжи жуватась и аф афкуксонь пророксь. Кармайхть тоса синь маятафтомост шинек-венек и пефтома пингс.

Павелонь сёрмац Колоссав 1:16

Сонь вельденза тиф сембось, мезе менельса и мода лангса, мезе няеви и мезе аф няеви, лиякс мярьгомс, сембе аф няеви ваймопожфонь оцязорхнень и оцязоронь озама васттнень, оцюнятнень и вийхнень – сембось Сонь вельденза и Тейнза тиф.

Лука 11:22

Но кда сондедонза вии ломань врьгяти лангозонза и сяськсы сонь, эста нельгсы тюрембяленц, конань лангс сон надиякшнесь, и явсы нелькф уликс-паронц.

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоанн 19:30

Мзярда Иисус варжазе шапама винать, мярьгсь: «Тиевсь!» Комафтозе прянц и ваймоц лиссь.

Павелонь васенце сёрмац Коринфу 15:24

Тяда меле сай песь. Эста Христоссь машфтсыне вийда сембе оцюнятнень, азорксшитнень и вийхнень и макссы Оцязорксшить Шкай Аляти.

Павелонь омбоце сёрмац Коринфу 2:14

Сюконяма Шкайти, кона фалу вятьсамазь минь Христость мельге – Сонь сяськиень молемасонза, и эрь вастова пачфнесы минь вельденк Христость колга содамошить, кона танцти шине лаца.

Павелонь сёрмац Ефесу 3:10

Шкайть мялецоль кемаень пуромксть вельде панжемс сембе ширде Эсь смузьшинц вярдень кяжи оцюнятненди и азорхненди.

Павелонь сёрмац Колоссав 2:10

Тиньге ули пяшксешинте Христость эса, кона сембе оцюнятнень и азорксшитнень лангса прясь.