Павелонь сёрмац Колоссав 2:14 - Од Соткс Новый Завет на мордовском-мокша языке 2016

¹⁴ Минь повоме шумос коень аф топафтоманкса, но Шкайсь нардазень минь шумоньконь. Сон сявозе минь шумоньконь мархта кагодть, кона ульсь тейнек каршек, и крёз лангс эськодемать вельде тя кагодсь юмафтозе эсь виенц.

Павелонь сёрмац Колоссав 2:14 ပူးပေါင်းရင်းမြစ်များ

Лука 1:6

Синь кафцьке видексшинь ломаттельхть Шкайть инголе, седишкава пяшкотькшнезь Азорть сембе кошардоманзон и мярьгоманзон.

Апостолхнень тевсна 3:19

Сяс каендада и шарфтода Шкайти эсь пежентень нолдаманкса! Кда тяфта тихтяда,

Павелонь сёрмац Колоссав 2:20

Кда тинь кулоде Христость мархта и тяни эрятада воляшиса тя масторть вяти виензон эзда, эста мес тинь эрятада кода тя масторонь ломаттне и кирттяда тяфтама кардамада:

Павелонь омбоце сёрмац Фессалоникав 2:7

Тя койфтомошинь вийсь салава ни тиендьсы эсь тевонц. Аньцек сонь кистонза эряви сявомс ся, кие персесы кинц.

Еврейхненди сёрмась 7:18

Ингольдень кошардомвалть полафтозь, сяс мес сон ульсь лафча и ашезь канне кодамовок лезкс.

Еврейхненди сёрмась 8:13

Мзярда Сон корхтай «од соткс», тяфта няфнесы васенце сотксть таштомоманц. Ся, мезсь эрязе эсь пингонц и таштомсь, курок юмай.

Пёторонь васенце сёрмац 2:24

Сон Сонць Эсь ронгсонза кеподезень минь пеженьконь крёз лангс вов мезенкса: кадомок пеженьконь, эрялеме видексшить коряс. Сонь сярятьфксонзон-аржензон вельде тинь уледе пчкафтфт.