Павелонь сёрмац Колоссав 1:6 - Од Соткс Новый Завет на мордовском-мокша языке 2016

⁶ кона тяни пачкодсь тейнть. Тя кулясь келеми и канды цебярь имошт сембе масторга. Сон тинь ётксонтка касы и канды имошт ушедомок ся шиста, мзярда тинь кулесть сонь и шарьхкодесть Шкаень пароказнеть тяфтамкс, кодама сон афкукс ули.

Павелонь сёрмац Колоссав 1:6 ပူးပေါင်းရင်းမြစ်များ

Матфей 24:14

И тя Пара кулясь Оцязорксшить колга ули пачфтьф марнек масторть келес сембе ломаньтналхненди азондоманкса, и аньцек эста сай пингонь песь».

Матфей 28:19

Сяс арда и тиесть сембе ломаньтналхнень Тейне тонафникс, кстиндасть синь Алять, Цёрать и Иняру Ваймопожфть лемса.

Марк 16:15

Сон мярьгсь тейст: «Ётада сембе масторть ланга и азонкшнесть Пара кулять эрь ломанти.

Марк 4:8

А кона-кона видьмотне прасть пара мода лангс, нолдасть лисьфкат, лисьфкятне кассть и эрь нетькскять эзда шачсь колмогемонь, кодгемонь и нльне сядонь видьмоня».

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 17:19

Мон инксост максса Эсь прязень иняру озксказнекс, катк синьге иняруяфтовихть видешить вельде».

Иоанн 4:23

Но сай пинге, сась ни, мзярда афкуксонь сюконякшнихне кармайхть озондома Аляти Ваймопожфса и видешиса; вдь тяфтама сюконякшнихнень Алясь вешендьсыне Эстейнза.

Апостолхнень тевсна 11:18

Ня валдонза меле синь седисна озасть и кармасть шнамонза Шкайть, корхтамок: «Лисенди, Шкайсь макссь лия тналонь ломаттнендиге шарфтомс Тейнза и сатомс пефтома эряфть».

Апостолхнень тевсна 12:24

А Шкаень валсь кассь и сраткшнесь келес.

Апостолхнень тевсна 16:14

Кулхцондыхнень ёткса ульсь Фиатир ошста Шкайда пели ава, конац мишендсь шобда-якстерь котфт. Сонь лемоцоль Лидия. Шкайсь панжезе сонь седиенц сянди, мезе корхтась Павел.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Павелонь сёрмац Риму 1:13

Содасть, кемай ялгат, мон ламоксть срхксень молемс тейнть, но тянемс тефне-перяфксне шорясть тейне молемс ширезонт и кочкамс ётксонтка имошт, кода мон тиендень ни лия ломаньтналхненьге ёткса.

Павелонь сёрмац Риму 15:19

тяштькснень и дивань тефнень вийса, и Шкаень Ваймопожфть вийса. Иерусалимста сявомок Иллирикти молемс мон азондыне Христость колга Пара кулять.

Павелонь сёрмац Риму 15:28

Мзярда мон пяшкодьса тянь и педа-пес пачфтьса тейст кочкафть, туян Испанияв и ётамбачк суван варжамонт.

Павелонь омбоце сёрмац Коринфу 10:14

Лисенди, тинь ширесонт минь аф ётнесаськ тейнек путф ункстамать. Тя вдь минь васенцекс саме тейнть Христость колга Пара кулять мархта.

Павелонь омбоце сёрмац Коринфу 6:1

Минь, кода Шкайть мархта покодихне, эняльттяма тейнть: афоль ара шавокс Шкаень пароказнесь, кона максфоль тейнть.

Павелонь сёрмац Ефесу 3:2

Вдь тинь куледе ся тевть колга, кона максф тейне Шкайть арьсефонц коряс тейнть лездоманкса: пачфтемс лия ломаньтналхненди Шкаень пароказнеть.

Павелонь сёрмац Ефесу 4:21

Тинь афкукс куледе Сонь колганза и Сонь эздонза тонадоде, вдь видешись Иисусть эса.

Павелонь сёрмац Ефесу 4:23

Тейнть эряви одкстоптомс ваймопожфонтень и ёнентень

Павелонь сёрмац Ефесу 5:9

Ваймопожфсь шачфты-канды эрь кодама пароши, видексши и видеши.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 4:17

Мон тянь колга корхтан аф эстейне анамать инкса. Монь мялезе фкя: тя лездомантень вельде кочкаледе эстейнть сяда лама пара сай пингти.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь васенце сёрмац Фессалоникав 1:5

Вдь минь азондоськ тейнть тя Пара кулять аф аньцек валса, но Иняру Ваймопожфть вийсовок, крхкаста кемазь сонь видешинцты. Тинь тинцьке лац содасасть, кодамкс минь улеме тинь ётксонт, тейнть паронь кандомга.

Павелонь васенце сёрмац Фессалоникав 2:13

Минь апак лотксек азонттама сюконяма Шкайти сянкса, мес эздонк кульф Шкаень валть тинь сявость аф кода ломанень вал, а кода Шкаень вал, кодамкс сон афкукс и ули. Сон и тии тев тинь эсонт, кит кемайхть.

Павелонь омбоце сёрмац Фессалоникав 2:13

Кемай ялгане, конатнень кельгсыне Шкайсь, тейнек фалу азонкшнема сюконяма тинь инксонт Шкайти, сяс мес Сон ушетксстокиге, Ваймопожфса иняруяфтомать вельде и видешити кемамать вельде, кочкадязь тинь идемати.

Пёторонь васенце сёрмац 5:12

Тя нюрьхкяня сёрмать мон сёрмадыне Силуанонь, кемай ялгазень вельде, конань лангс ули кода надиямс. Монь мялезе кеподемс тинь мялентень и кемокстамс тинь: ся пароказнесь, конаса тинь ащетяда, афкукс Шкайть эзда.