Павелонь сёрмац Колоссав 1:10 - Од Соткс Новый Завет на мордовском-мокша языке 2016

¹⁰ эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь сёрмац Колоссав 1:10 ပူးပေါင်းရင်းမြစ်များ

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 15:8

Алязень иневалдоц няфтеви сянь эса: кда тинь канттада лама иможда и ульхтяда Тейне тонафникс.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Павелонь сёрмац Риму 1:13

Содасть, кемай ялгат, мон ламоксть срхксень молемс тейнть, но тянемс тефне-перяфксне шорясть тейне молемс ширезонт и кочкамс ётксонтка имошт, кода мон тиендень ни лия ломаньтналхненьге ёткса.

Павелонь сёрмац Риму 4:12

Тяфта Авраам арась алякс ся керфнендинге, конат мольсть киганза аф аньцек керфтомать сюнеда, а сяка кемамать, кона ульсь минь Авраам аляньконь киськопенц керфтомада инголе.

Павелонь сёрмац Риму 6:4

Тяфта, кстиндамста минь куломе Сонь мархтонза и улеме калмафт мархтонза ва мес: кода Христос вельмафтфоль кулофста Алянц инь оцюшинц вийса, тяка лаца миньге карматама эряма од эряфса.

Павелонь омбоце сёрмац Коринфу 2:14

Сюконяма Шкайти, кона фалу вятьсамазь минь Христость мельге – Сонь сяськиень молемасонза, и эрь вастова пачфнесы минь вельденк Христость колга содамошить, кона танцти шине лаца.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь омбоце сёрмац Коринфу 5:9

Сяс, аф ваномок сянь лангс, кудсотама ни минь али нинге ширесотама, минь ёратама тумс Шкайть мяльс.

Павелонь омбоце сёрмац Коринфу 9:8

Сонь ули виец вельф каземс тинь эрь кодама пароказнеса. Эста тейнть фалу и сембоса кармай улема сембе эрявикссь, и тяконь лангс нинге вельф саты эрь кодама пара тевонди.

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь сёрмац Ефесу 4:1

Тяфта мон, Азорть инкса пякстафсь, эняльдян тейнть: эряда тердемать питненц коряс, конаса тинь тердедязь Шкайсь.

Павелонь сёрмац Ефесу 4:13

мзярс минь сембе аф пачкоттяма фкя-сяка кемамати и Шкаень Цёрать крхкаста шарьхкодеманцты, и мзярс аф аратама Христость лаца кенерьф и афсатыксфтома ломанькс.

Павелонь сёрмац Ефесу 5:10

И ёрасть содамс, мезе Азорть мялезонза.

Павелонь сёрмац Ефесу 5:15

Сяс лац ванода эсь прянь вятемантень мельге. Тиендеда аф кода пряфтомотне, а кода смузюфне.

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Филиппав 4:18

Епафродит максозе тейне семботь, мезе тинь кучеде. И тяни монь ули сембозе, мянь эрявикста лама. Тинь казненте – тя кода танцти шинень нолдама, кода озксказне, кона Шкайть мялезонза.

Павелонь сёрмац Колоссав 2:19

Синь аш соткссна Христость мархта, Прять мархта, конань эзда сембе ронгсь сотови и кемокстави эзнетнень и саттнень вельде, и касы Шкайть мяленц коряс.

Павелонь сёрмац Колоссав 2:6

Тинь куледе Христос Иисус Азорть колга и нолдасть Сонь эсь седиезонт, сяс эряда мархтонза марса.

Павелонь сёрмац Колоссав 3:20

Итть, сембоса уледа кулхцондыкс эсь алянтенди-тядянтенди, вдь тя Шкайть мялезонза.

Павелонь сёрмац Колоссав 4:5

Вятесть прянтень смузюста аф кемайхнень мархта, нолдасть тевс эрь цебярь пингть.

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь васенце сёрмац Фессалоникав 4:1

И нинге, кемай ялгат, тинь тонадоде минь эздонк, кода эрямс и улемс Шкаень мялень ваныкс, и тинь тяфта эрятада. Христос Иисусонь лемса эняльттяма тейнть и терттяма эсонт: касода тянь эса сяда товга.

Павелонь омбоце сёрмац Тимофеенди 2:4

Кодамовок ушманць аф сотнесы эсь прянц кудъётконь эрямань-ащемань тевса, сяс мес ёрай тумс сянь мяльс, кие сонь сиводезе ушманкс.

Павелонь сёрмац Титонди 3:1

Лятфнек Критонь кемайхненди: катк улихть кулхцондыкс эсь масторонь оцюнятненди и азорхненди и анокт тиемс эрь кодама пара тев.

Павелонь сёрмац Титонди 3:14

Катк и Критонь кемайхневок тонафнихть тиендемс пара тефт сятненди, кинди тя афкукс эряви, эста синь аф илядыхть иможфтома.

Еврейхненди сёрмась 11:5

Кемамать вельде Енох сявфоль менели куломань апак содак. И ашезь му сонь, сяс мес Шкайсь сявозе сонь Эстейнза. Нинге менели сявомдонза инголи тейнза кемоста азфоль: сон тусь Шкайть мяльс.

Еврейхненди сёрмась 13:16

Тясть юксне паронь тиемать и фкя-фкянди лездомать, сяс мес тяфтама озксказнетне мялезонза Шкайти.

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Пёторонь омбоце сёрмац 1:8

Кда сембе тя эсонт ули и ламолгоды, эста тинь аф шавоста содасасть Иисус Христос Азороньконь, и тинь эряфонте канды лезкс.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.

Иоаннонь васенце сёрмац 3:22

и мезе ба афолеме веше Сонь кядьстонза, Сон макссы тейнек. Вдь минь эрятама Сонь кошардоманзон коряс и тиенттяма сянь, мезе тушенды Сонь мялезонза.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.

Иоаннонь колмоце сёрмац 1:6

Кемаень пуромксть ингольде синь корхтасть тонь кельгомацень колга. И улель пяк пара, кда тон лездолеть тейст синь якамасост стане, кода ладяй тиендемс Шкаень ломаттненди.