Павелонь сёрмац Галатияв 4:5 - Од Соткс Новый Завет на мордовском-мокша языке 2016

⁵ нолдамс минь воляшис койть азорксшинц алда и тиемс минь Шкаень идькс.

Павелонь сёрмац Галатияв 4:5 ပူးပေါင်းရင်းမြစ်များ

Еврейхненди сёрмась 9:15

Сяс Христос тевонь якафтысь од сотксса, вдь Сонь куломац ульсь питнень пандомакс коень коламатнень инкса, конатне ульсть тифт васенце сотксть пингста. Тяфта тертьфненди максовихть пефтома бславаматне, конатнень надияфтозень Шкайсь.

Павелонь сёрмац Ефесу 1:5

Сон Иисус Христость вельде минь инголькиге ладямазь Эстейнза идькс. Тя Сонь пара мялец.

Павелонь сёрмац Ефесу 1:7

И Цёрать эса улемать вельде минь идефтяма Сонь версонза, лиякс, тейнек нолдафт пеженьке. Тяфтама козя Шкайть пароказнец!

Иоаннонди панчф няйфкс 5:9

Синь морасть од мора: «Тонь оцюшицень коряс Тейть сявови книгась и валхтовихть лангстонза пякстамань тяштьксне, сяс мес Тон улеть печкф и Эсь версот рамайть Шкайти ломаттнень эрь юромста, кяльста, ломаньтналста и масторста.

Еврейхненди сёрмась 9:12

Сон сувась иняруда-иняру пяльксти аф сяватнень и вазнятнень верснон вельде, а Эсь веронц вельде. Сон весть и сембе пинкненди кандозе ломаттненди идемать пефтома пингс.

Павелонь сёрмац Галатияв 3:13

Христос минь нолдамазь койть сюдоманц эзда. Сон минь вастозонк сявозе тя сюдомать Эсь лангозонза. Тя азф Сёрматфксса: «Сюдоф эрсь, кие повфтаф шуфтти».

Павелонь сёрмац Риму 8:23

И аф аньцек сон, но и миньге, кинди максф Ваймопожфсь, кода Шкайть эзда васенце казнесь. Минь потмова куфцетяма, учсемок идькс арамать и ронгоньконь идеманц.

Павелонь сёрмац Галатияв 4:7

Тяфта, тон тяни аф урят, а Шкаень идят; а кда идят, эста Иисус Христосонь инкса тейть максови уликс-парось, конань Шкайсь надияфтозе Эсь идензонды.

Павелонь сёрмац Галатияв 3:26

Тяфта, сембе тинь араде Шкаень идькс Христос Иисусонди кемамать вельде.

Павелонь сёрмац Риму 9:4

Синь Израилень ломатть: Шкайсь тиезень синь Эстейнза идькс и няфтезе тейст Эсь иневалдонц. Синь мархтост Сон ладясь соткст и макссь тейст кой, тяка лангс макссь тейст озксвятема и Шкаень надияфтомат.

Иоанн 1:12

А конат васьфтезь и кемасть Тейнза, сятненди макссь вий арамс Шкаень идькс,

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Павелонь сёрмац Риму 8:19

Марнек тифсь аф азовомшка пяк учи, мзярда Шкайсь эвондасыне-панчсыне Эсь идензон.

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Павелонь сёрмац Галатияв 4:21

Сят тинь эздонт, конатнень мяльсна эрямс койть азорксшинц ала, азость тейне, кали тинь аф кульсасть, мезе корхтай койсь?

Лука 1:68

«Шнама Азорти, Израилень Шкайти, сяс мес Сон сась и идезе Эсь ломаньтналонц.

Еврейхненди сёрмась 1:3

Цёрась – Шкаень иневалдть вандолфоц и Сон Эсьсонза няфнесы афкукс кодама Шкайсь, и Сон семботь кирдьсы Эсь валонц виенц вельде. Сон аруяфтомазь минь пеженьконь эзда и тяда меле озась менельса инь оцю Шкайть озама вастонц види ширезонза.

Матфей 20:28

Ломанень Цёраське сась аф Эсь лангозонза лиятнень покотьфтома, меколанкт Сон сась покодема лиятненди и максомс Эсь эряфонц ламотнень идемаснон инкса».

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонди панчф няйфкс 14:3

Синь морасть бта од мора оцязоронь озама вастть инголе и ниле эряй ваймотнень и атятнень инголе; и киндивок ашезь тонадов тя морсь, ня морайда башка. Нят ульсть сяда нильгемонь нилие тёжянь ломаттне, конат идефт-рамафт масторлангста.

Павелонь сёрмац Риму 8:14

Сембе сят, конатнень вятьсыне Шкаень Ваймопожфсь – сембе синь Шкаень итть.

Павелонь сёрмац Риму 8:15

Вдь тейнть максф Ваймопожфсь – тя аф урексшинь ваймопожф, кона кошардодязь одукс пелезь эряма. Меколанкт, тейнть максф Ваймопожф, кона тиедязь тинь Шкаень идькс! Тя Сон мярьги тердемонза Шкайть: «Авва! Аляй!»

Павелонь сёрмац Риму 10:4

А вдь Христос педа-пес пяшкодезе койть, сяс тяни эрсь, кие кемай Тейнза, ули лувф видексшинь ломанькс Шкайть инголе.