Павелонь сёрмац Галатияв 2:9 - Од Соткс Новый Завет на мордовском-мокша языке 2016

⁹ Иаков, Кифа и Иоанн, конатне лувовсть кемаень пуромксонь юркс-нежекс, содазь тевть, кона тейне максфоль Шкайть пароказненц коряс. Эста синь венептезь кядьснон тейне и Варнаванди, кода марстонь тевонь тии ялганди. Минь саме фкя мяльс: тейнек молема лия ломаньтналхненди, а тейст молема еврейхненди.

Павелонь сёрмац Галатияв 2:9 ပူးပေါင်းရင်းမြစ်များ

Матфей 16:18

Мон корхтан тейть: тон Пёторат, и тя кевть лангс Мон путса Эсь кемаень пуромксозень, и куломань вийхне аф сяськсазь сонь.

Лука 22:8

Иисус кучезень Пёторонь и Иоаннонь, мярьгсь: «Арда, аноклада тейнек очижинь ярхцама».

Иоанн 1:42

И Андрей вятезе Симононь Иисусти. Иисус варжакстсь лангозонза и мярьгсь: «Тон – Симонат, Ионань цёрацат; тон лемдеват Кифакс» – тя валть смузец: кев, Пётр.

Апостолхнень тевсна 12:17

Пётр няфтсь кядьса, кле, сетьмода, и азондозе тейст, кода Азорсь лихтезе сонь пякстамгудста, мярьгсь: «Азондость тянь Иаковонди и лядыкс кемай ялгатненди». Сяльде сон лиссь и тусь лия вастс.

Апостолхнень тевсна 15:13

Мзярда синь аделазь азондомаснон, ушедсь корхтама Иаков: «Кемай ялгат, кулхцондомасть монь!

Апостолхнень тевсна 15:7

Ламос корхтамада меле Пётр стясь и мярьгсь: «Кемай ялгат! Тинь содасасть, Шкайсь васень шистокиге кочкамань монь ёткстонк сянкса – кулезазь лия тналонь ломаттне монь кургстон Пара кулянь валхнень и кармальхть кемама.

Апостолхнень тевсна 4:36

Тяфта Иосиявок, Кипраста Левиень юромста алясь, конань Апостолхне лемдезь Варнавакс – лемонц смузец: лиянди лезды,

Павелонь сёрмац Риму 1:5

Сонь вельденза тейнек максфоль пароказнесь и апостолонь тевсь: вятелеськ сембе ломаньтналхнень Иисусонь лемс кемамати.

Павелонь сёрмац Риму 12:3

Шкайть эзда максф пароказнеть коряс мон корхтан эрти эздонт: тяда арьсе эсь колгант эрявикста вельф; но арьседа эсь колгант прянь аф оцюлгофнезь, ся кемамать коряс, конань Шкайсь максозе эрти эздонт.

Павелонь сёрмац Риму 15:15

И сяка мон сёрмадан тейнть, васток-васток вельф отькорьста, сяс мес ёран лятфтамс тейнть кона-кона тефнень. Шкайсь Эсь пароказненц коряс макссь тейне

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь омбоце сёрмац Коринфу 11:5

Аньцек мон мезьсовок аф лувса эсь прязень сяда кальдявкс тона пефтома цебярь апостолонтень коряс.

Павелонь омбоце сёрмац Коринфу 12:11

Мон ёньда лисень прянь шнамаса, но тя тинь монь тянди пачфтемасть! Тя тейнть эряволь монь шнакшнемс! Виде, мон кивок ашан, но мон мезьсонга аф сяда кальдяван ся пефтома цебярь апостолонтень коряс.

Павелонь омбоце сёрмац Коринфу 8:4

синь синць пшкядсть тейнек и пяк эняльдезь корхтасть: синьге ули мяльсна лездомс лия кемайхнень мархта Иерусалимонь кемайхненди.

Павелонь сёрмац Галатияв 1:16

панжемс тейне Эсь Цёранц и кучемс монь лия ломаньтналхненди: азондолине тейст Пара кулять Цёранц колга. Эста мон ашень веше ёнь ломаттнень кядьста,

Павелонь сёрмац Галатияв 1:18

Меле, колма кизонь ётазь, мон молень Иерусалиму Пёторонь мархта васедема, и улень пялонза кеветиешка ши.

Павелонь сёрмац Галатияв 2:1

Сяльде, кемнилие кизода меле, мон тага якань Иерусалиму Варнавань мархта. Мархтонк сявоськ Титоньге.

Павелонь сёрмац Галатияв 2:2

А молень сяс, мес тейне панжезе Шкайсь: эряви молемс тов. Тоса сятненди, конат лувовсть содавикс оцюнякс, мон башка васедемста азондыне ся Пара кулять, конань пачфнеса лия ломаньтналхненди. Мон тяфта тиень сянкса: стак афоль юма ингольдень и тяниень покодемазе.

Павелонь сёрмац Галатияв 6:3

Кда кивок эсь прянц путнесы кати мезькс, а сонць мезевок аш, ся васькафнесы эсь прянц.

Павелонь сёрмац Ефесу 2:20

и тиньге путфтада кудъюрть лангс, конань маразь апостолхне и пророкне, и Сонць Иисус Христоссь ащи тоса кудужень кевкс.

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь васенце сёрмац Тимофеенди 3:15

кда курок аф саван, тя сёрмастон тон содалить, кода эряви вятемс эсь пряцень Шкаень кудса, конац эряй Шкайть пуромксоц, и конань Сон тиезе нежекс и видешинь юркс.

Иоаннонь васенце сёрмац 1:3

Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.

Иоаннонди панчф няйфкс 3:12

Сяськить Мон тиса вельхксонь кирди нежекс Шкаезень кудса, и сон иляды тоса пефтома пингс. Мон сёрмадса сонь лангозонза Шкаезень лемонц и Шкаезень ошенц лемонц – од Иерусалимть, кона валгонды менельста Шкаезень эзда, сёрмадса и Эсь од лемозень.