Павелонь сёрмац Галатияв 2:4 - Од Соткс Новый Завет на мордовском-мокша языке 2016

⁴ А керфтомань кизефксть кеподезь аф афкуксонь кемайхне, конат салава эцесть минь ёткозонк. Синь яксесть-ванондсть минь мельганк и ся воляшить мельге, конань тейнек максозь Христос Иисусонь вельде. Синь ёрасть меки сувафтомс минь Моисеень койть урексшинц алу.

Павелонь сёрмац Галатияв 2:4 ပူးပေါင်းရင်းမြစ်များ

Лука 5:38

Од винась кайсема од кяскавга.

Апостолхнень тевсна 15:1

Иудеяста сась мзярошка ломань и синь кармасть тонафтомост кемайхнень: «Аф керфтондярясасть киськопентень, кода кошардсь Моисей, тинь аф идефтяда».

Апостолхнень тевсна 15:24

Кода содаськ, конат-конат минь ёткстонкне абонтфнетядязь и колсесазь мялентень эсь кошардомаснон мархта, корхтайхть, кле, эряви керфнемс киськопентень и ванфтомс койть. Но минь ашеме макссе тейст азорксши тяфта корхтамс.

Апостолхнень тевсна 20:30

Тинценьге ёткстонт эвондайхть ломатть, конат кармайхть кяльготнезь корхнема эсь мельгаст тонафнихнень ускоманкса.

Павелонь сёрмац Риму 8:15

Вдь тейнть максф Ваймопожфсь – тя аф урексшинь ваймопожф, кона кошардодязь одукс пелезь эряма. Меколанкт, тейнть максф Ваймопожф, кона тиедязь тинь Шкаень идькс! Тя Сон мярьги тердемонза Шкайть: «Авва! Аляй!»

Павелонь омбоце сёрмац Коринфу 11:13

Ня ломаттне – аф афкуксонь апостолхт, синь васькафни покодихть, конат аньцек няфнесазь эсь пряснон Христосонь апостолкс.

Павелонь омбоце сёрмац Коринфу 11:17

Мезе тяни азан, азса аф Азорть мяленц коряс. Тяфтама аф пелезь прянь шнамаса мон карман корхтама кода ёньфтома ломань.

Павелонь омбоце сёрмац Коринфу 11:20

Тинь кирттяда, мзярда эздонт тиихть урет али норгихть-ваткайхть кядьстонт, мзярда арнихть лангсонт али кепсесазь питнеснон инголент, и мзярда эрьхнетядязь шамати.

Павелонь омбоце сёрмац Коринфу 11:26

Мон сидеста улендень оцю киса, ламоксть улень пелькс паласа ляйти ваямда, пелькс паласа нельгихнень-шавихнень эзда, пелькс паласа эсь тналонь ломаттнень эзда и тяконь лаца лия ломаньтналоннетнень эзда. Улень пелькс паласа ошса, ломаньфтома вастса и оцюведьса, и тяконь лаца аф афкуксонь кемайхнень ёткса.

Павелонь омбоце сёрмац Коринфу 3:17

Азорсь – тя Ваймопожф, а коса Азорть Ваймопожфоц, тоса воляши.

Павелонь сёрмац Галатияв 1:7

Аш лия пара куля! Но улихть ломатть, конат шорсесазь прянтень, ёрайхть тапарямс-гастямс Христость Пара кулянц смузенц.

Павелонь сёрмац Галатияв 4:25

Агарь – тя Синай пандсь, кона Аравияса. Сон тяниень пингонь Иерусалимсь, кона эсь идензон мархта эряй урексшиса,

Павелонь сёрмац Галатияв 4:3

Тяфта миньге, мзярс ашеме ара кемайкс, улеме шаба лаца, и улеме урекс тя масторонь вяти вийхненди.

Павелонь сёрмац Галатияв 5:1

Христос минь нолдамазь воляшис. Сяс, ащеда кемоста и оду тясть эцекшне прянтень урексшис.

Павелонь сёрмац Галатияв 5:10

Мон Азорть лангс нежедезь кеман, тинь аф карматада лиякс арьсема. А ся, кие тапаряй эсонт, кие сон тяза уле, ули судендаф.

Павелонь омбоце сёрмац Тимофеенди 3:6

Ётксост улихть тяфтапт, конат салава сувсихть кудга и васькафнесазь аватнень, конат вайсихть пеже потмоса и вятневихть эрь кодама визькс мяльса.

Иаковонь сёрмац 1:25

Но ся, кие ваны афсатыксфтома койть лангс, кона максы воляши, и ляды эсонза, и аф юкснесы кульф Валть, а эряй и тии кульфть корява, ся ули павазу эсь тевсонза.

Пёторонь васенце сёрмац 2:16

Эряда воляшиса, аньцек тяза уле тя воляшись тейнть кальдяв тевонь кяшема вастокс, а меколанкт, эряда кода Шкайть покодиенза.

Пёторонь омбоце сёрмац 2:19

Ня аф виде тонафтыхне надияфтыхть тейст воляши, хуш синць урет сянди, мезсь вяти юмамати-арамати. Вдь эрь ломанць уре сянди, кие сонь сяськозе.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.

Иудань сёрмац 1:4

Тевсь ва мезьса: тинь ёткозонт салава эцесть ломатть, конат кунаркиге аноклафт Шкаень судс. Ня шкайфтомотне Шкайть пароказненц шарфнесазь эсь визькс мяльснон пяшкодеманкса, и туйхть-потайхть фкя-тяка Инь Оцю Шкайть и Иисус Христос Азороньконь эзда.