Павелонь сёрмац Филиппав 4:8 - Од Соткс Новый Завет на мордовском-мокша языке 2016

⁸ И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Павелонь сёрмац Филиппав 4:8 ပူးပေါင်းရင်းမြစ်များ

Матфей 22:16

Синь кучсесазь Тейнза эсь тонафниснон и Иродонь ломанензон. Сят мярьгсть Иисусонди: «Тонафты, минь содасаськ: Тон видешинь кельгият и видеста тонафтат Шкайть коряс эряма, аф арьсят мяльс тумать колга и киньге лангс аф ванат.

Марк 6:20

сяс мес Ирод пельсь Иоаннонь эзда. Ирод содазе: Иоанн видексшинь и иняру ломань, и сяс ванфнезе сонь. Ирод кулхцонкшнезе Иоаннонь тонафтоманц и лама тиендсь сонь валонзон коряс. Сон оцю мяльса кулхцондозень Иоаннонь валонзон.

Лука 16:15

Иисус мярьгсь тейст: «Ломаттнень инголе тинь ёратада няфтемс прянтень видексшиса эряй ломанькс, но Шкайти содафт седиенте. Ся, мезсь питни ломаттненди – нильготькс Шкайти.

Лука 2:25

Ся пингть Иерусалимса ульсь ломань, лемоцоль Симеон. Сон ульсь видексшинь и Шкаень коень ванфты аля, кона учендозе Израильти Шкайть лездоманц; и Иняру Ваймопожфсь ульсь сонь лангсонза.

Лука 23:50

Фкя ломанць, лемоцоль Иосиф, сувсесь Оцю пуромксть лувксс. Сон ульсь пара вайме и видексшинь ломань,

Иоанн 7:18

Эсьстонза корхтайсь вешенди эстейнза шнама. А кие вешенди шнама эсь кучиенцты, ся виде ломань, и аш эсонза аф видеши.

Апостолхнень тевсна 10:22

Синь корхтайхть: «Корнилий сядонь оцюнясь кучемазь минь. Сон коень ванфты и Шкайда пели ломань, конань пара лувксс путнесазь сембе еврейхне. Иняру ангелсь кошардозе Корнилиень тердемс тонь кудозонза и кулхцондомс тонь, мезе азат».

Апостолхнень тевсна 22:12

И вов сась тейне фкя аля, лемоц Анания; сон пяк кемоста ванфтозе койть и пяк пара лувксса ульсь Дамасконь сембе еврейхнень инголе.

Апостолхнень тевсна 6:3

Сяс, кемай ялгат, кочкада эсь ёткстонт сисем ломатть, конатнень лемсна пара лувкссот и конат пяшксет Иняру Ваймопожфта и смузьшида. Тейст макссаськ тя тевть,

Павелонь сёрмац Риму 13:13

Эрьда, карматама эряма видеста, кода эряйхть шинь валдса: аф макстама пря аф топафтомашити и симомати, визькс мяльс прамати и усксевомати, тюремати-сялондомати и сельмонь каямати.

Павелонь сёрмац Риму 13:3

Оцюнятне паронь тиихненди аф пелькст, а пелькст кальдявонь тиихненди. Мяльце аф пелемс оцюняда – тиентть пара, и синь тонь шнатядязь.

Павелонь сёрмац Риму 14:18

Кие тяфта покоди Христости, ся тушенды Шкайть мяльс и лувови цебярькс ломаттнень ётксовок.

Павелонь сёрмац Риму 2:29

Афкуксонь еврейсь ся, кие еврей ваймоса, и афкуксонь керфтомась ся, кона седиса. И тя Ваймопожфонь тев, а аф койста буквать. Тяфтама еврейти шнама максови аф ломаттнень эзда, а Шкайть.

Павелонь васенце сёрмац Коринфу 4:5

Сяс пингта инголе киньге тясть суденда, мзярс аф сай Азорсь. Сон валдти лихтьсы семботь, мезе кяшф шобдаса, и тисыне няевиксокс салавань мяльхнень-арьсематнень. Эста эрти максови шнама Шкайть эзда.

Павелонь омбоце сёрмац Коринфу 13:7

Минь озонттама инксонт Шкайти, афоледе тие кодамавок кальдяв. Минь озонттама тяфта прокс аф прянь няфтеманкса, кода варчсемань кирдихне, а сянь инкса: тиенделеде тинь цебярьста. А ломаттнень сельмоса катк минь ульхтяма мянь кода варчсемань аф кирдихть.

Павелонь омбоце сёрмац Коринфу 6:8

Минь кирдьсамазь пара лувксса и мезькска аф лувсамазь; минь сялдсамазь и шнасамазь; минь лувсамазь васькафникс, но минь корхтасаськ видеть;

Павелонь омбоце сёрмац Коринфу 8:18

Сонь мархтонза минь кучсаськ кемай ялганьконь, кона сембе кемаень пуромксова шнави Пара кулянь кандоманкса.

Павелонь омбоце сёрмац Коринфу 8:21

Вдь минь ваттама сянь мельге: сембось улель кода эряви аф аньцек Азорть сельминголенза, но ломаттнень сельминголестка.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Ефесу 4:25

Сяс лоткада васькафнемда и эрсь корхнеза видеть эсь маластоненцты, вдь сембе минь – фкя ронгть пяльксонза.

Павелонь сёрмац Ефесу 5:9

Ваймопожфсь шачфты-канды эрь кодама пароши, видексши и видеши.

Павелонь сёрмац Ефесу 6:14

Сяс ащеда кемоста: каркстасть перьфонтень видешинь карксса и щасть лангозонт видексшить, бта ваксарщам.

Павелонь сёрмац Филиппав 3:1

Нинге, кемай ялгане, кеняртькшнеда Азорса! Тейне аф стака тяконь колга тага весть тяштемс, а тинь тянь вельде ульхтяда аралафт лама зиянда.

Павелонь сёрмац Колоссав 4:5

Вятесть прянтень смузюста аф кемайхнень мархта, нолдасть тевс эрь цебярь пингть.

Павелонь васенце сёрмац Фессалоникав 4:12

Эста аф кемайхневок кармайхть лувомонт тинь видеста эряйкс и тинь мезьсовок аф карматада содама афсатыкс.

Павелонь васенце сёрмац Тимофеенди 2:2

оцязорхнень и сембе оцюнятнень инкса. Тя максы тейнек сетьме эряф и ладяма, и карматама эряма Шкаень мялень ванозь и пара лувксса.

Павелонь васенце сёрмац Тимофеенди 3:11

Тяфта жа аватненди эряви улемс пара лувксса, аф васькафникс ломанень лангс, кятавкс, сембоса валонь кирдикс.

Павелонь васенце сёрмац Тимофеенди 3:4

Тейнза эряви улемс цебярь кудазоркс, кона пара лувксса касфтсыне-трясыне шабанзон кулхцондыкс.

Павелонь васенце сёрмац Тимофеенди 4:12

Катк кивок аф ваны лангозт вярде алу сянкса, мес тон одат. Ульхть кепотьксокс кемайхненди корхтамаса, прянь вятемаса, кельгомаса, кемамаса и арушиса.

Павелонь васенце сёрмац Тимофеенди 5:10

и конац содаф, кода цебярь тевонь тии: сон касфтсь-трясь шабат, васьфнесь инжихть, шнись пилькт Шкаень ломаттненди, лезнесь сятненди, конат повсть люпштамас, и мяль вельде тиендсь эрь кодама цебярь тефт.

Павелонь васенце сёрмац Тимофеенди 5:2

сире аватнень, кода тядяцень, а од стирьхнень – кода сазорхнень, эрь кодама ару мяльса.

Павелонь сёрмац Титонди 1:8

Меколанкт, тейнза улема инжиень кельгикс, паронь кельгикс, шумбраста-аруста арьсикс, виде тевонь кельгикс, Шкаень мялень ваныкс и эсь прянь кирдикс.

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Павелонь сёрмац Титонди 2:2

Тонафтт сире алятненди улемс кятавкс сембоса, ащемс пара лувксса ломаттнень инголе, шумбра-ару мяльса эряйкс, шумбраста кемайкс, кельгикс и сталмонь кирдикс.

Павелонь сёрмац Титонди 2:7

И тонць ульхть кепотьксокс эрь кодама пара тевса. Катк тонь тонафтомаце ули ару, шнаф и аф гастяф,

Павелонь сёрмац Титонди 3:14

Катк и Критонь кемайхневок тонафнихть тиендемс пара тефт сятненди, кинди тя афкукс эряви, эста синь аф илядыхть иможфтома.

Еврейхненди сёрмась 11:2

Шкайсь шназень кунардонь пингонь ломаттнень кемамаснон инкса.

Еврейхненди сёрмась 13:18

Озондода минь инксонк. Минь кемоста содасаськ: ваймовайгяленьке аруфт, вдь минь сембоса ёратама эрямс видеста.

Иаковонь сёрмац 1:27

А вага кда минь пичеттяма-канзеттяма стакашис повф уроснень и удаватнень инкса, кда ванфнесаськ эсь пряньконь масторлангонь рдазда, эста покодеманьке ули Шкай Аляньконь инголе арукс и афсатыксфтомокс.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Пёторонь васенце сёрмац 1:22

Тяни тинь араде кулхцондыкс видешити, и тянь вельде Ваймопожфсь аруяфтозень тинь ваймонтень и макссь тейнть вий кельгомс эсь кемай ялгантень. Тяфта тиендеда сяда товга: фалу кельгода фкя-фкянь ару седиса.

Пёторонь васенце сёрмац 2:12

Шкаень аф содайхнень ёткса эряда цебярь тевонь тиендезь. Эста сятка, конат сялдыхть эсонт, кода кальдяв тевонь тиихнень, няемок тинь пара тевонтень, шнасазь Шкайть ся шиста, мзярда Сон эвондасы тейст Эсь прянц.

Пёторонь васенце сёрмац 4:8

Васенда, седи ваксста кельгода фкя-фкянь, сяс мес кельгомась вельхтяй лама пеже.

Пёторонь омбоце сёрмац 3:1

Кельгома ялгане, мон сёрмадса тейнть ни омбоце сёрмать. Мон ёран ня сёрматнень эса лятфтаматнень вельде сргозьфтемс прясонт ару мяльхть-арьсемат:

Иоаннонь васенце сёрмац 3:18

Идне, эрьда карматама кельгома фкя-фкянь аф аньцек кяльса-валса, но и пара тевса и видешиса.

Иоаннонь васенце сёрмац 3:3

Эрь ломанць, конань ули тяфтама надиямац Шкайть лангс, тисы эсь прянц стама арукс, кодама ару Христоссь.

Иоаннонь васенце сёрмац 4:1

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта.