Павелонь сёрмац Филиппав 3:12 - Од Соткс Новый Завет на мордовском-мокша языке 2016

¹² Тяфта корхтан аф сяс, бта мон ни сатыне тянь семботь али арань афсатыксфтомокс. Но мон сембе вийсон ласькан, ёран сатомс сянь, мезенкса Христос Иисусовок сатомань монь.

Павелонь сёрмац Филиппав 3:12 ပူးပေါင်းရင်းမြစ်များ

Павелонь омбоце сёрмац Коринфу 7:1

Кельгома ялгане, ванода, кодама надияфтомат тейнек максфт! Сяс, эрьда аруяфтсаськ пряньконь семботь сянь эзда, мезсь гаснесы ронгоньконь и ваймоньконь, и карматама сембоса эряма иняруста, кулхцондозь и пелезь Шкайда!

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Павелонь сёрмац Ефесу 1:4

Нинге масторлангть тиемдонза инголе Сон минь кочкамазь сембонь ёткста Христость эса улемать вельде. Тяфта минь ульхтяма инярукс и афсатыксфтомокс Сонь инголенза, и эрятама кельгомаса.

Павелонь сёрмац Филиппав 3:16

Сяс мезенди минь пачкодеме кемамасонк, сянь коряс сяда товга карматама эряма.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.

Иаковонь сёрмац 3:2

Минь сембе тиенттяма лама пежеда. А кие корхтамста аф тии пеже, ся сембе ширде цебярь ломань, конанди овстави марнек ронгоцка.

Еврейхненди сёрмась 12:14

Сатнеда сетьмоши сембонь мархта и эряда инярушиса, конафтома кивок аф няйсы Азорть.

Павелонь сёрмац Галатияв 5:17

Пежу обуцянте кепси Ваймопожфть каршес, а Ваймопожфсь – пежу обуцянтень каршес. Синь фалу каршект фкя-фкянди. Сяс тинь тиендьсасть аф сянь, мезе мяленте тиемс.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Павелонь омбоце сёрмац Фессалоникав 2:13

Кемай ялгане, конатнень кельгсыне Шкайсь, тейнек фалу азонкшнема сюконяма тинь инксонт Шкайти, сяс мес Сон ушетксстокиге, Ваймопожфса иняруяфтомать вельде и видешити кемамать вельде, кочкадязь тинь идемати.

Павелонь сёрмац Ефесу 4:12

Тянь вельде Сон анокласыне иняруфнень лездомс ломаттненди Христость ронгонц касфтоманц-кемокстаманц инкса,

Павелонь омбоце сёрмац Коринфу 13:9

Минь кеняртькшнетяма, мзярда минь лафчтама, а тинь виихтяда. Сяс минь и озонттама тинь эряфонтень петеманкса.

Павелонь васенце сёрмац Коринфу 13:10

Мзярда сай афсатыксфтомось, эста сембе афсатыкс мархтось юмай.

Павелонь васенце сёрмац Фессалоникав 5:15

Ванода, кивок тинь ёткстонт афоль панда кяж кяженкса, меколанкт, фалу эряскодода тиемс пара – кода фкя-фкянди, стане сембе лядыхнендивок.

Павелонь васенце сёрмац Тимофеенди 6:19

Тяфта синь кочкайхть эстейст козяши, кона арай юркс сай пингти, и сатсазь афкуксонь эряфть.

Апостолхнень тевсна 9:15

Но Азорсь мярьгсь тейнза: «Архт! Сон Монь кочкаф кядьгозе, кона пачфтьсы Монь лемозень ломаньтналхненди, оцязорхненди и Израилень ломаттненди.

Павелонь васенце сёрмац Тимофеенди 5:10

и конац содаф, кода цебярь тевонь тии: сон касфтсь-трясь шабат, васьфнесь инжихть, шнись пилькт Шкаень ломаттненди, лезнесь сятненди, конат повсть люпштамас, и мяль вельде тиендсь эрь кодама цебярь тефт.

Еврейхненди сёрмась 12:23

Тинь саде кеняртькшни пуромксти васень шачфнень мархта, конатнень лемсна сёрматфт менельса. Тоса Шкайсь, конац сембонь судьясна, и тоса жа видексшинь ваймопожфне, конатненди ни максовсь афсатыксфтомашись.

Матфей 5:48

Сяс, уледа сембе ширде цебярькс, кода сембе ширде цебярь тинь Менелень Алянте».

Павелонь сёрмац Риму 8:39

аф вярдень вийхне, аф алдонь вийхне – аф явфтсамазь минь Шкаень кельгомать эзда, конань Сон няфтезе Иисус Христос Азороньконь вельде!

Павелонь васенце сёрмац Коринфу 9:24

Тинь содасасть, ласькомань пялькстомаса ласькихть сембе, но казне максови аньцек фкяти. Ласькода стане, сатоль казнесь тейнть.

Павелонь васенце сёрмац Коринфу 13:12

Тяни минь няйхтяма аф лац, кода олаф ваномань пачк, но эста минь карматама няема шамада шамас. Тяни монь содамошизе афсатыкс мархта, а эста мон карман содамонза семботь педа-пес, кода монь содасамань Шкайсь.

Павелонь сёрмац Филиппав 1:1

Павел и Тимофей, Христос Иисусонь покодиенза, кучихть пара вал сембе иняру ломаттненди, конат Христос Иисуссот и эряйхть Филиппа ошса, тяфта жа кемаень пуромксть мельге ваныхненди и кемаень пуромксонь лездыхненди.

Павелонь сёрмац Филиппав 3:3

Вдь афкуксонь керфне – тя минь, сяс мес минь сюконятама-покоттяма Шкайти Иняру Ваймопожфса, шнафттама пря Христос Иисусса и аф надиятама ломанень обуцятнень лангс.

Павелонь сёрмац Филиппав 3:8

Мон афкукс семботь лувса шавокс, сяс мес Христос Иисус Азорозень содаманц мон лувса сембодонга питникс. Сонь инксонза мон юмафтыне семботь – и тянь семботь мон лувса прокс аф эрявиксокс, сяс мес мялезе сатомс Христость.