Павелонь сёрмац Филиппав 2:5 - Од Соткс Новый Завет на мордовском-мокша языке 2016

⁵ Катк тинь мяленте-арьсеманте улихть Христос Иисусть мялензон-арьсеманзон лаца:

Павелонь сёрмац Филиппав 2:5 ပူးပေါင်းရင်းမြစ်များ

Матфей 11:29

Щафтость Монь ашкозень эсь лангозонт и тонадода эздон, сяс мес Мон сятяван и ляпе седиян. Тяфта мутада ваймонтенди ваймама васта.

Лука 22:27

Кие сяда оцю: шра ваксса озадось али мельганза якай покодись? Афоли шра ваксстось? Но Мон тинь ётксонт покоди лацан.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 20:35

Тянь вельде мон няфтине: тейнтьке эряви тяфта покодезь лездомс лафчненди и кирдемс мяльса Иисус Азорть валонзон. Вдь Сон Сонць мярьгсь: "Сяда пара максомс, аф сявомс"».

Павелонь сёрмац Риму 14:15

Кда тонь кемай ялгацень колави мялец сянкса, мезьда тон ярхцат, эста тон аф кельгомас коре тиендят. Тяк вяте юмамас-арамас ярхцамбяльцень мархта сянь, кинь инкса кулось Христос.

Павелонь сёрмац Риму 15:3

Вдь Христосовок аф Эсь мяленц ванондозе, но кода азф Сёрматфксса: «Тонь сялдыхнень сялдомасна прасть Монь лангозон».

Павелонь сёрмац Риму 15:5

Катк Шкайсь, кона максси вийхть кирдемс сталмот и лястясы седить, лезды тейнть эрямс фкя мяльса-ёньца эсь ётковант Христос Иисусть тонафтоманц коряс.

Павелонь васенце сёрмац Коринфу 10:33

Тиендеда монь лацон: мон тяряфнян ваномс сембонь мяльснон, мон аф вешендян эстейне цебярь, а вешендян цебярь лиятненди, синь идемаснон инкса.

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Павелонь сёрмац Филиппав 1:1

Павел и Тимофей, Христос Иисусонь покодиенза, кучихть пара вал сембе иняру ломаттненди, конат Христос Иисуссот и эряйхть Филиппа ошса, тяфта жа кемаень пуромксть мельге ваныхненди и кемаень пуромксонь лездыхненди.

Пёторонь васенце сёрмац 2:21

Тинь тянди уледе тертьфт, сяс мес Христосовок минь инксонк маятась, и тянь эса няфтсь тейнек кепотькс: миньге молелеме Сонь мельганза.

Пёторонь васенце сёрмац 4:1

Кода Христоссь кирдсь ронгонь маятамат, стане тиньге уледа анокт тянди, вдь ся, кие кирди маятамат эсь ронгонц лангса, лоткай пежень тиендемда.

Иоаннонь васенце сёрмац 2:6

Кие корхтай: «Мон эрян Шкайть эса», – ся катк эряй-якай стане, кода эрясь-якась Христоссь.