Павелонь сёрмац Филиппав 2:3 - Од Соткс Новый Завет на мордовском-мокша языке 2016

³ Мезевок тяда тиенде эсь прянь кельгоманкса али стакащемда прянь няфтеманкса. Катк эрсь сятявста лувсы омбоцеть эстедонза оцюкс.

Павелонь сёрмац Филиппав 2:3 ပူးပေါင်းရင်းမြစ်များ

Лука 18:14

Азса тейнть, каяфксонь кочкайсь тусь кудозонза видексшинь ломанькс, но аф фарисейсь. Вдь эрсь, кие оцюлгофнесы эсь прянц, ёмлалгофтови, а кие ёмлалгофтсы эсь прянц, ся оцюлгофтови».

Павелонь сёрмац Риму 12:10

Кельгода фкя-фкянь сембе седиса кода братт-сазорхт и путнеда фкя-фкянь пара лувксс.

Павелонь сёрмац Риму 13:13

Эрьда, карматама эряма видеста, кода эряйхть шинь валдса: аф макстама пря аф топафтомашити и симомати, визькс мяльс прамати и усксевомати, тюремати-сялондомати и сельмонь каямати.

Павелонь сёрмац Риму 2:8

а конат аньцек эсь пряснон кельгсазь и аф кулхцондсазь видешить, но прафтыхть кяжти, сятненди Шкайсь няфтьсы Эсь оцю кяженц.

Павелонь васенце сёрмац Коринфу 15:9

Мон вдь апостолхнень ёткста инь ёмласян, и мянь аф кондястян лемневомс апостолкс, сяс мес инголи панцине Шкаень кемаень пуромксть.

Павелонь васенце сёрмац Коринфу 3:3

сяс мес тянемс эрятада пежу мялентень-арьсемантень коряс. Кда тинь ётксонт ули сельмонь каяма, пялькстома и фкя-фкянь каршес молема, эста тинь ляткшнетяда стама ломанькс, конат эряйхть пежу мяльснон-арьсемаснон коряс, и тиенттяда тя масторлангонь ломаттнень лаца.

Павелонь омбоце сёрмац Коринфу 12:20

Тейнть самста пелян няйхтядязь тинь аф стамкс, кодамкс мялезе няемс. И тиньге няйсамасть монь аф стамкс, кодамкс мяленте. Мон пелян няемс тинь ширесонт сялондомат, сельмонь каямат, кяжиямат, пялькстомат-явомат, фкя-фкянь лангс васькафнемат, корхтафтомат, прянь няемат, аф ладямат.

Павелонь сёрмац Галатияв 5:15

А кда порьхтяда и сивозь сифтяда фкя-фкянь, эста ванода, афоледе машфта фкя-фкянь.

Павелонь сёрмац Галатияв 5:26

Сяс эрьда, аф карматама эсь прянь оцюлгофнема, фкя-фкянь лангс кяжень сафнема и сельмонь каяма.

Павелонь сёрмац Ефесу 4:2

Уледа фалу сятявкс, лямбе седикс, улеза куватьс кирдемшканте. Кельгозь кирдеда фкя-фкянь.

Павелонь сёрмац Ефесу 5:21

Уледа анокт кулхцондомс фкя-фкянь Шкайть мяленц ваноманкса.

Павелонь сёрмац Филиппав 2:14

Семботь тиендесть аф кропцязь и шава кизефксонь аф макссезь.

Павелонь сёрмац Колоссав 3:12

Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.

Павелонь сёрмац Колоссав 3:8

А тяни тейнть эряви кадомс семботь тянь: кяжть, пялязшить, кальдявшить и рдазу валса сялдомать.

Павелонь васенце сёрмац Тимофеенди 6:4

ся прянь няи и мезевок аф шарьхкоди. Тейнза педсь валса пялькстомань и тюремань урма. Сембось тя вяти сельмонь каямас, сялондомас, ломанень сялдомас, лиятнень колга кальдявста арьсемас,

Пёторонь васенце сёрмац 3:8

И мекольцесь, уледа сембе фкя мяльса, марясть лиятнень седиень сярятьфснон, сембе седиса кельгода фкя-фкянь, ванфнесть ялгаксшить эсь ётковант и уледа сетьме ваймокс.

Пёторонь васенце сёрмац 5:5

Тиньге, од ломатть, уледа кулхцондыкс кемаень пуромксонь оцюнянтенди. И тинь сембе, кулхцондомок фкя-фкянь, киньге инголе тяда оцюлгофне пря, сяс мес Шкайсь ащи каршек прянь няихненди, а сятяв ваймотненди максси пароказне.