Павелонь сёрмац Филиппав 2:11 - Од Соткс Новый Завет на мордовском-мокша языке 2016

¹¹ и эрь кяльсь, Шкай Алять шнаманкса, азсы: «Иисус Христос – Азорсь».

Павелонь сёрмац Филиппав 2:11 ပူးပေါင်းရင်းမြစ်များ

Матфей 10:32

«Эрть, кие ломаттнень инголе лувсы и лемдьсы эсь прянц Моннекс, сянь Монга Менелень Алязень инголе лувса и лемдьса Монценнекс.

Лука 2:11

тячи Давидонь ошса шачсь тейнть Идись, Сон Христос Азорсь.

Иоанн 12:42

Оцюнятнень эздовок ламотне кармасть кемама Иисусти; аньцек фарисейхнень инголе ашесть виденця, сяс мес пельсть синагогаста панемада.

Иоанн 13:13

Тинь Монь лемнесамасть Тонафтыкс и Азоркс и видеста корхтатада, сяс мес афкукс Мон стаман.

Иоанн 13:14

Стане, кда Мон, Азорсь и Тонафтысь, штайне тинь пильгонтень, эста тейнтьке эряви штакшнемс фкя-фкянь пилькт.

Иоанн 14:13

И кда мезевок анатада Алязень кядьста Монь лемсон, сянь тиса, улель няфтьф Алять оцюшиц Цёрасонза.

Иоанн 14:23

Иисус каршезонза мярьгсь: «Кие Монь кельгсамань, ся тиенди Монь валнень коряс; Алязе кармай кельгомонза сонь, и Минь сатама тейнза и ульхтяма мархтонза.

Иоанн 17:1

Ня валда меле Иисус кеподезе сельмованфонц вяри менели и мярьгсь: «Аляй! Пингсь сась, няфтьк Эсь Цёрацень иневалдонц, Цёрацевок няфтелезе Тонь иневалдцень.

Иоанн 20:28

Фома мярьгсь Сонь каршезонза: «Монь Азорозе и Шкаезе!»

Иоанн 5:23

сембе ванондолезь Цёрать мяленц, кода ванондсазь Алятьке мяленц. Кие аф ванцы Цёрать мяленц, ся аф ванцы Алятьке мяленц, кона Сонь кучезе.

Иоанн 9:22

Тядянза-алянза мярьгсть тяфта, сяс мес пельсть еврейхнень оцюняснон эзда. Вдь сят ни корхнесть эсь ётковаст: «Кие лувсы Иисусть Христоскс, сянь панемс синагогаста».

Апостолхнень тевсна 10:36

Шкайсь кучсь Израилень ломаттненди вал, пачфтезе Пара кулять сетьмошить колга, кона максови Иисус Христость вельде, тя Сон сембе ломаттнень Азорсна.

Апостолхнень тевсна 2:36

Марнек Израилень ломаньтналсь, содак тянь кемоста: Шкайсь тиезе Азоркс и Мессиякс ся Иисусть, конань тинь эськодесть!»

Павелонь сёрмац Риму 14:11

Вдь Сёрматфксса азф: «Кода виде тя: Мон эрян, – корхтай Азорсь, – тяфта виде тявок: Монь инголен комафтсы плманжанц эрь ломанць, и эрь кяльсь шнасы Шкайть».

Павелонь сёрмац Риму 14:9

Вчёк тянкса Христос кулось и вельмась – кулофнень и шистотнень лангса Азоркс араманкса.

Павелонь сёрмац Риму 15:9

А лия ломаньтналхненди арась покодикс кельгозь ужяльдеманц инкса, лия ломаньтналхневок шналезь Шкайть, кода корхтави тянь колга Сёрматфксса: «Сяс карман шнамот Тонь лия ломаньтналхнень ёткса и карман морама Тейть шнамань мор».

Павелонь васенце сёрмац Коринфу 12:3

Сяс мялезе тинь шарьхкотьфтемс: кда ломанть вятьсы Шкаень Ваймопожфсь, сон мзярдонга аф мярьгови: «Ульхть сюдоф Иисус!» И кивок аф мярьгови Иисусонди: «Тон Азорат», кда ся ломанць аф вятневи Иняру Ваймопожфса.

Павелонь васенце сёрмац Коринфу 15:47

Васенце ломанць ульсь мода лангста, тиф пульста, омбоце Ломанць – Азорсь менельста.

Павелонь васенце сёрмац Коринфу 8:6

но тейнек ули аньцек фкя Шкай – Аляньке, кона семботь тиезе и конань инкса минь эрятама; Азордонга фкя – Иисус Христоссь, кинь вельде сембось тиф и кинь вельде минь эрятама.

Пёторонь васенце сёрмац 1:21

Христость вельде тинь кармаде кемама Шкайти, кона вельмафтозе Сонь кулофнень эзда и макссь Тейнза оцюши. Сяс тяни тиньге кематада и надиятада Шкайть лангс.

Иоаннонь васенце сёрмац 4:15

Кие кемай Иисусонди и аф сёпозь азсы: «Иисус – Шкайть Цёрац», – сянь эса эряй Шкайсь и сонць тя ломанць эряй Шкайть эса.

Иоаннонь васенце сёрмац 4:2

Шкаень Ваймопожфть содасть тяфта: эрь ваймопожфсь, кона сембонь инголе аф сёпозь азсы: «Иисус Христоссь сась ломанень ронгса», – тя Ваймопожфсь Шкайть эзда.

Иоаннонь омбоце сёрмац 1:7

Вдь масторлангса эвондась лама васькафнида, конат аф кемайхть Иисус Христость ломанень ронгса саманцты. Тяфта корхтайхне – васькафни ломатть и антихристт.

Иоаннонди панчф няйфкс 3:5

Кие сяськи, сянь щасазь акша щамса, и Мон аф нардаса сонь лемонц эрямань книгаста. Мон лувса сонь Монценнекс Алязень и Сонь ангелонзон инголе.