Павелонь сёрмац Филиппав 2:1 - Од Соткс Новый Завет на мордовском-мокша языке 2016

¹ Тяфта, сяс мес Христосса кемокставихть тинь ваймонте, сяс мес Сонь кельгомац канды тейнть седиень петема, сяс мес тинь ули Ваймопожфонц мархта корхтаманте-ладяманте, ули фкя-фкянди кельгозь ужяльдеманте и фкя-фкянь сярятьфонь маряманте,

Павелонь сёрмац Филиппав 2:1 ပူးပေါင်းရင်းမြစ်များ

Лука 2:25

Ся пингть Иерусалимса ульсь ломань, лемоцоль Симеон. Сон ульсь видексшинь и Шкаень коень ванфты аля, кона учендозе Израильти Шкайть лездоманц; и Иняру Ваймопожфсь ульсь сонь лангсонза.

Иоанн 14:18

Мон аф каттядязь тинь урозкс; мрдан тейнть.

Иоанн 14:27

Кадан тейнть сетьмоши. Монцень сетьмошизень максса тейнть; максса аф стане, кода максси масторлангсь. Тяза коле и тяза пеле седиенте.

Иоанн 17:13

Тяни молян Тейть, и сембонь тянь корхтаса масторлангса: синь седисна пяшкодельхть Монь кенярдемасон.

Апостолхнень тевсна 2:46

Эрь шиня синь фкя ваймоса кочксевсть Шкаень кудса, и эсь кудгаваст кшинь синнезь, ярхцесть марса кеняртькс потмоса и панжада седиса,

Апостолхнень тевсна 4:32

Сембе кемайхнень ульсь фкя седисна и фкя ваймосна. Фкявок ломань эсь уликс-паронц эзда мезнятьке ашезе лемне сонценнекс, синь сембосна марстоннель.

Павелонь сёрмац Риму 5:5

А надиямась аф васькафты, сяс мес Шкайсь Эсь кельгоманц валозе минь седиезонк Иняру Ваймопожфть вельде, кона максф тейнек.

Павелонь сёрмац Риму 8:26

Ваймопожфське сашенды лездома тейнек: вдь минь лафчтама и аф содасаськ, мезень кувалма тейнек эряви озондомс. Но Сонць Ваймопожфсь эняльди минь инксонк куфцемаса, конат аф азовихть валса.

Павелонь васенце сёрмац Коринфу 12:13

Тяфта миньге сембе: еврейхне и грекне, уретне и воляшистотне улеме кстиндафт фкя ронгс фкя Ваймопожфса. И сембонди тейнек максфоль симомс фкя-тяка Ваймопожфта.

Павелонь васенце сёрмац Коринфу 15:31

Кемай ялгат, кода виде тя: тинь монь шнама вастозе Иисус Христос Азороньконь инголе, тяфта виде тявок: мон эрь шиня ванан куломать сельмос.

Павелонь васенце сёрмац Коринфу 3:16

Кали тинь аф содасасть – тинь Шкаень куттада и Шкаень Ваймопожфсь эряй тинь эсонт?

Павелонь омбоце сёрмац Коринфу 2:14

Сюконяма Шкайти, кона фалу вятьсамазь минь Христость мельге – Сонь сяськиень молемасонза, и эрь вастова пачфнесы минь вельденк Христость колга содамошить, кона танцти шине лаца.

Павелонь сёрмац Галатияв 4:6

Тяни ни тиньге Шкаень иттяда. Тянь няфтеманкса Шкайсь кучезе тинь седиезонт Эсь Цёранц Ваймопожфонц, кона тердьсы Шкайть: «Авва! Аляй!»

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Ефесу 4:4

Ули аньцек фкя ронга и фкя Ваймопожф, кода ули и фкя-тяка надияма, конанди тердедязь Шкайсь;

Павелонь сёрмац Филиппав 1:8

Шкайсь тянь няйсы-содасы, конашкава монь оцю мялезе няемс тинь и конашкава мон кельктядязь тинь Иисус Христость кельгомаса.

Павелонь сёрмац Филиппав 3:3

Вдь афкуксонь керфне – тя минь, сяс мес минь сюконятама-покоттяма Шкайти Иняру Ваймопожфса, шнафттама пря Христос Иисусса и аф надиятама ломанень обуцятнень лангс.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь сёрмац Колоссав 3:12

Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.

Еврейхненди сёрмась 6:18

Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.

Пёторонь васенце сёрмац 1:2

Шкай Аляньке Эсь содаманц-няеманц коряс инголькиге ни кочкадязь тинь и тиедязь Эсь Ваймопожфонц вельде Эстейнза иняру ломанькс. Тяфта тинь тиефтяда кулхцондыкс Иисус Христости и ульхтяда штафт Сонь версонза. Сяда лама пароказнеда и сетьмошида максовоза тейнть!

Иоаннонь васенце сёрмац 3:24

Кие ванфтсыне Шкайть кошардоманзон, ся эряй Шкайть эса, а Шкайсь эсонза. Сон афкукс эряй минь эсонк, тянь минь содасаськ ся Ваймопожфть коряс, конань Сон максозе тейнек.

Иоаннонь васенце сёрмац 4:12

Шкайть кивок мзярдовок ашезе няенде. Но кда минь фкя-фкянь кельктяма, эста эсонк эряй Шкайсь, и Сонь кельгомац афкукс пяшкодемазь минь.

Иоаннонь васенце сёрмац 4:16

Тяфта минь кармаме содама и кемама: Шкайсь минь кельгсамазь. Шкайсь – тя кельгома, и ся, кие эряй-ащи кельгомаса, эряй Шкайть эса, и Шкайсь эряй ся ломанть эса.