Павелонь сёрмац Ефесу 5:3 - Од Соткс Новый Завет на мордовском-мокша языке 2016

³ А усксевомать, аф арушить, аф топафтовиксшить колга тинь ётксонт корхтаматка тяст кепсев. Аф ладяй тя иняру ломаттненди.

Павелонь сёрмац Ефесу 5:3 ပူးပေါင်းရင်းမြစ်များ

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Лука 12:15

Сяльде пшкядсь сембонди: «Ванода, ванфтода пря козяшити прафтомада, сяс мес ломанть эряфоц ащи аф козяшить эзда, кодама оцю сон афоль уле».

Лука 16:14

Фарисейхне, конат ульсть ярмаконь кельгихть, кулезь тянь семботь и пеетькшнесть Иисусонь лангса.

Апостолхнень тевсна 15:20

Меколанкт, тейнек эряви кучемс тейст сёрма, конань эса азондоволь мезе аф мярьгондеви тиендемс: аф ярхцамс аф афкуксонь шкайхненди озксказнекс кантф ярхцамбяльда, кона тяфта тиевсь аф арукс; аф усксевомс; аф ярхцамс верда али поваф жуватань сивольда; и тязаст тиенде лиятненди сянь, мезе аф ёрайхть эстейст.

Апостолхнень тевсна 20:33

Мон ашень анце кядьстонт аф сия, аф зрня, аф щамбяль.

Павелонь сёрмац Риму 1:29

Синь пяшкодсть кодама-повсь аф видешида, усксевомада, кальдявда, аф топафневишида, кяжда. Синь эряфсна пяшкодсь сельмонь каямада, шавондомада, сялондомада, васькафнемада, кальдявонь арьсемада.

Павелонь сёрмац Риму 16:2

Васьфтесть сонь Азорть лемса, кода ладяй Шкаень ломаттненди, и лездода сембоса, мезе тейнза эряви, сяс мес сон ламонди лезнесь, тянь лувксса тейненьге.

Павелонь сёрмац Риму 6:13

Тясть макссе пежети ронгонь кодамонга пяльксонтень кярьмодемакс кальдявонь тиеманди. Тянь вастс максость прянтень Шкайти, кода ломатть, конат ётасть куломаста эряфти. Эсь ронгонь пяльксонтеньге максость Шкайти кярьмодемакс пара тевонь тиеманди.

Павелонь васенце сёрмац Коринфу 10:8

Аф карматама прашендома усксевомас, кода тись мзярошкась синь эздост. Синь прасть усксевомас – и фкя шиста синь эздост шавовсь комсь колмува тёжянь.

Павелонь васенце сёрмац Коринфу 5:1

Пилезон прасть афкуксонь корхнемат: тинь ётксонт тиендевихть усксевомань тефт, мянь стама усксевомат, кодапт ашесть кулендев нльне Шкаень аф содайхнень ётксовок. Фкясь тинь эздонт эряй-утци алянц од рьванц мархта.

Павелонь васенце сёрмац Коринфу 6:13

«Ярхцамбяльсь пекти и пексь ярхцамбяльти». Но Шкайсь машфтсы тяньге, тонаньге. Ронгсь максф аф усксевоманди, а Азорти, и Азорсь ронгти.

Павелонь васенце сёрмац Коринфу 6:18

Ворьгодеда усксевомать эзда. Эрь лия пежесь, конань тисы ломанць, аф токсесы ронгонц. Усксевись тии пеже эсь ронгонц каршес.

Павелонь омбоце сёрмац Коринфу 12:21

Пелян, кода ба оду самстон Шкаезе тага афолемань прафта монь визькс шамас тинь инксонт, и эста кода ба афоль сав тейне авардемс ламотнень инкса, конат прасть пежес и тянемс ашесть каенда эсь аф арушисост, усксевомасост и ронгонь туткотксснон топафнемасост.

Павелонь сёрмац Ефесу 5:12

Ломаттнень тяфтама салавань тевснон колга нльне визькс корхтамска.

Павелонь сёрмац Ефесу 5:5

Вдь тинь содасасть: фкявок усксевить али аф аруть аш пялькссна Христость и Шкайть Оцязорксшисонза, тяфта жа мезьса-бди топафксонь аф содайтьке, сяс мес сон моли аф афкуксонь шкайть мельге.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Колоссав 3:5

Сяс, кулофтость эсь эсонт сянь, мезсь масторлангонне: усксевомать, аф арушить, визькс мяльхнень, кяжи ёраматнень и ярмаконь кельгомать, кона фкя сяка аф афкуксонь шкаенди сюконямать-покодемать мархта.

Павелонь васенце сёрмац Фессалоникав 4:3

Шкайть мялец тяфтама: эряледе тинь инярушиса и ванфтолесть прянтень усксевомада.

Павелонь васенце сёрмац Фессалоникав 4:7

Шкайсь тердемазь минь эрямс инярушиса, а аф рдазса.

Павелонь васенце сёрмац Тимофеенди 2:10

а пара тевса, кода ладяй аватненди, конат максозь эсь пряснон Шкайти и тиендихть Сонь мяленц коряс.

Павелонь васенце сёрмац Тимофеенди 3:3

аф симикс, аф тюрикс, аф изгордыкс, аньцек эстейнза паронь аф вешендикс, но сетьмокс, лиянь мархта ладяйкс, ярмаконь мельге аф панцикс.

Павелонь васенце сёрмац Тимофеенди 6:10

Сяс мес ярмаконь кельгомась – эрь кодама кальдявть юроц. Улихть ломатть, конатнень ярмаконь кельгомась шарфтозень кемамать эзда и кандсь тейст лама ризф-сталма.

Павелонь омбоце сёрмац Тимофеенди 3:2

Ломаттне улихть эсь прянь и ярмаконь кельгихть, эсь прянь шнафтыхть, прянь няихть, ломанень сялдыхть, тядянь-алянь аф кулхцондыхть, цебярень аф мяляфтыхть, ваймосост аф ули иняруши и ломаттненди кельгома.

Павелонь сёрмац Титонди 1:11

Тяфтапнень кургсна эрявихть пякстамс, сяс мес синь вятнихть тапарямас марнек кутт, тонафтомок сянди, мезенди аф эряви. Синь ярмаконь сюнеда аф виздезь тиендьсазь тянь.

Павелонь сёрмац Титонди 1:7

Вдь кемаень пуромксть мельге ваныти, кода Шкаень кудть тевонзон вятиенцты, эряви улемс аф муворукс, прянь вярьге аф кепсикс, вишкста кяжс аф сувайкс, аф симикс, аф тюрикс и ярмакнень мельге аф панцикс.

Павелонь сёрмац Титонди 2:3

Тяфта жа сире аватнендивок прясна эряви вятемс кода ладяй иняруфненди, аф васькафнемс ломанень лангс, аф прафтомс симомати, а тонафнемс парошити.

Еврейхненди сёрмась 12:16

Тяконь лаца тяза уле ётксонт кодамовок усксеви али шкайфтома, кода Исав. Сон фкя лям шаванянкса мизень ся паротнень, конат макссевихть шачемань коряс васень цёратненди.

Пёторонь васенце сёрмац 5:2

ванода Шкайть стаданц мельге, кона максф тейнть. Ванода сонь мельганза седи ваксста, оцю мяльса, кода кельгсы Шкайсь, но аф сянкса, мес тинь кошардодязь тянди, и аф казненкса.

Пёторонь омбоце сёрмац 2:10

а сембода пяк сятнень, конат якайхть ронгть аф ару мялензон-арьсеманзон мельге и мезькска аф лувсазь Шкайть азорксшинц. Синь аш визькссна, синь тиендихть стане, кода синцень мяльсна, и синь аф пелихть сялдомс менелень вийхнень,

Пёторонь омбоце сёрмац 2:14

Авань няемста синь сельмосна палыхть визьксонь мяльса, и мзярдовок синь аф топафтовихть пежеса. Синь васькафнесазь-кунцесазь лафча ваймотнень, седисна тонатфт аньцек мезень-мезень сявома. Синь сюдоф итть!

Пёторонь омбоце сёрмац 2:3

Ня топафксонь аф содай ломаттне, васькафнемок тинь ёжу валса-корхтамаса, кармайхть козякодома тинь вельдент. Но Шкаень судсь аноклаф ни тейст, и юмамась-арамась учи эсост.

Иоаннонди панчф няйфкс 2:14

Но вов Монь мезе-бди ули тонь каршезт: тоса, тинь ётксонт улихть Валаамонь тонафтоманц коряс эряйхть. А Валаам тонафтозе Валаконь, кода Израилень эряйхнень сувафтомс пежес: ярхцамс сивольда, кона кантф озксказнекс аф афкуксонь шкайхненди, и усксевозь эрямс.

Иоаннонди панчф няйфкс 2:21

Мон максонь тейнза пинге каендамс эсь усксевомасонза, но сонь аш мялец тянь тиемс.

Иоаннонди панчф няйфкс 21:8

А пелихнень, кемамать эзда потайхнень, сембе туткоткснень, ломанень шавихнень, усксевихнень, колдувайхнень, аф афкуксонь шкайхненди сюконяйхнень и сембе васькафнихнень вастсна эрьхкса, кона палы толса и палыкандорса. Тя омбоце куломась».

Иоаннонди панчф няйфкс 22:15

А пинетне и колдувайхне, усксевихне и ломанень шавихне, аф афкуксонь шкайхненди сюконяйхне и сембе сят, кит кельгсазь васькафнемать и эряйхть васькафнемаса, – аф повихть ошу.

Иоаннонди панчф няйфкс 9:21

И синь ашесть каенда аф шавондомаснон инкса, аф колдавамаснон, аф усксевомаснон, аф саламаснон инкса.