Павелонь сёрмац Ефесу 5:18 - Од Соткс Новый Завет на мордовском-мокша языке 2016

¹⁸ И тяда симе винада иредемас, сяс мес сонь эздонза лисихть аньцек визьксонь тефт-мяльхть. Меколанкт, пяшкодеда Иняру Ваймопожфса:

Павелонь сёрмац Ефесу 5:18 ပူးပေါင်းရင်းမြစ်များ

Матфей 23:25

Кальдяв тейнть, койти тонафтыхть и фарисейхть! Шамафксонь каннихть! Тинь аруяфнесасть кядьготнень и шаватнень лангснон, а потмосна пяшксет сяда, мезе тинь сатоде салазь и васькафнезь.

Матфей 24:49

и ушеды пикссемост эсь покоди ялганзон, ярхцема и симондема симилатнень мархта.

Лука 1:15

сяс мес сон ули пяк оцю Азорть инголе. Сон аф кармай симома винада и лия иретьфтида и тядянц потмостокиге пяшкоди Иняру Ваймопожфта.

Лука 11:13

Тяфта, кда тинь, кяжи ломатть, машттада идентенди макссемс цебярь казнет, эста сядонга Менелень Алясь максы Иняру Ваймопожф сятненди, кит анайхть Сонь кядьстонза!»

Лука 12:45

Мярьгондяряй сяка покодись седиге: "Аф курок сай азорозе", и ушеды пикссемост покодихнень, аванек-алянек, кармай ярхцама, симома иредемозонза,

Лука 21:34

«Ванода эсь мельгант, тясть стакалгофта седиентень топафксонь аф содамаса, симондемаса и эрь шинь тевонкса лажнамаса, афоледязь сата ся шись аф анокста.

Иоанн 2:10

и корхтай тейнза: «Эрь ломанць васенда канды цебярь вина, а мзярда инжихне иредихть – сяда кальдявня; а тон тнярс ванфтыть цебярь винать».

Апостолхнень тевсна 11:24

Варнава пяк цебярель алясь, пяшксель Иняру Ваймопожфта и кемамада. И Азорти сась нинге пяк лама ломань.

Павелонь сёрмац Риму 13:13

Эрьда, карматама эряма видеста, кода эряйхть шинь валдса: аф макстама пря аф топафтомашити и симомати, визькс мяльс прамати и усксевомати, тюремати-сялондомати и сельмонь каямати.

Павелонь васенце сёрмац Коринфу 11:21

сяс мес эрсь тинь эздонт куроконе уроми эсь ярхцамбяленцты. И вов фкясь эздонт кадови вачеда, а омбоцесь туй ирецта.

Павелонь васенце сёрмац Коринфу 5:11

Но вага мезень колга мон корхтань тейнть сёрмасон: афоледе латце соткс сянь мархта, кинь лемнесазь кемай ялгакс, а сон усксеви, топафкста аф содай, аф афкуксонь шкайхненди сюконяй, сюци-сялды, симила али нельги-салай. Тяфтамть мархта нльне тяда озсе фкя шра ваксска.

Павелонь васенце сёрмац Коринфу 6:10

салайхне, топафкста аф содайхне, симилатне, сюцихне-сялдыхне, ломанень васькафнихне – кивок эздост аф сувави Шкаень Оцязорксшити!

Павелонь васенце сёрмац Фессалоникав 5:7

Вдь удыхне удыхть веть, и симилатне симондихть веть.

Павелонь сёрмац Титонди 1:6

Тейст эряви улемс аф муворукс, аньцек фкя аванди мирдекс, шабанзонды эряви улемс кемайкс и лац прянь вятикс: киндиге афольхть муворгофтов синь визьксонь тевонь тиемаса и аф кулхцондомаса.