Павелонь сёрмац Ефесу 5:14 - Од Соткс Новый Завет на мордовском-мокша языке 2016

¹⁴ Сяс и корхтави: «Сргость, уды! Вельмак кулофнень эзда, и тонь валдопттанза Христоссь!»

Павелонь сёрмац Ефесу 5:14 ပူးပေါင်းရင်းမြစ်များ

Лука 1:78

Кельги и ужяльди седи Шкаеньке кучи тейнек менельста шинь стямань валда,

Лука 15:24

Вдь тя цёразе кулофоль, тяни вельмась, сон юмсесь и мувсь". И синь тисть каванямань ила.

Иоанн 8:12

Иисус тага корхтась ломаттненди и мярьгсь: «Мон валдсь масторлангти. Кие моли мельган, ся аф якай шобдашиса, но сянь ули эряфонь максы валдоц».

Иоанн 9:5

Мзярс Мон масторлангсан, Мон – масторлангти валдсь».

Апостолхнень тевсна 13:47

Сяс мес тяфта кошардомазь Азорсь: "Мон тиихтень Тонь валдокс лия ломаньтналхненди, кандозат Тон идема масторлангть пес"».

Павелонь сёрмац Риму 6:13

Тясть макссе пежети ронгонь кодамонга пяльксонтень кярьмодемакс кальдявонь тиеманди. Тянь вастс максость прянтень Шкайти, кода ломатть, конат ётасть куломаста эряфти. Эсь ронгонь пяльксонтеньге максость Шкайти кярьмодемакс пара тевонь тиеманди.

Павелонь васенце сёрмац Коринфу 15:34

Сргозеда видешинь эряфти и лоткада пежень тиендемда. Вдь тинь ётксонт улихть стапт, конат аф содасазь Шкайть. Кода тейнть аф визькс!

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Ефесу 2:1

Тяда инголе тинь уледе кулофт коень коламать инкса и пежентень инкса.

Павелонь сёрмац Ефесу 2:5

и минь, коень коламать инкса кулофнень, эреклафтомазь Христость мархта. Сонь пароказненц вельде тинь идефтяда.

Павелонь сёрмац Колоссав 3:1

Тяфта, сяс мес тинь уледе вельмафтфт Христость мархта, вешендеда сянь, мезе менельса, коса Христоссь озаф Шкайть види кяденц ширеса.

Павелонь васенце сёрмац Фессалоникав 5:6

сяс, эрьда аф карматама удома, кода лиятне! Ульхтяма сргозьфт и анокт!

Павелонь омбоце сёрмац Тимофеенди 1:10

и тяни тя пароказнесь панжевсь тейнек минь Идиеньконь Христос Иисусть саманц вельде. Сон срафтозе-калафтозе куломать и Пара кулять вельде панжезе тейнек эряфть и аф куломать.

Павелонь омбоце сёрмац Тимофеенди 2:26

и эста ёнияхть и лисевихть идемэвозть кядялда, кона кундазень синь топафнемс эсь мяленц.