1 Тяфта, ваномок Шкайть лангс, тиендеда Сонь лацонза, сяс мес тинь Сонь кельгома иденза.
Аньцек эста ульхтяда шабакс Менелень Алянтенди, сяс мес Сон шити мярьгонди лисендемс кальдяфнень и цебярьхнень вельхксс, кучси пизем видексшинь ломаттнень лангс и пежуфнень лангс.
Сяс, уледа сембе ширде цебярькс, кода сембе ширде цебярь тинь Менелень Алянте».
А конат васьфтезь и кемасть Тейнза, сятненди макссь вий арамс Шкаень идькс,
Уледа фкя-фкянди ляпе седикс, лиянь сярятьфонь маряйкс, нолнесть фкя-фкянди пежентень, кода и Шкайсь Христосса нолдазень тинь пежентень.
Эста тинь ульхтяда аф муворукс и арукс, Шкаень афсатыксфтома идькс, конат эряйхть тяниень пингонь гастяф и виде киста шарфтф ломаттнень ёткса. Тинь валдопттада синь ётксост кода менелень тяштть,
Тинь Шкаень кочкафне, Сонь иняру и кельгома ломаненза. Сяс уледа кельгозь ужяльдикс, лиянди паронь тиикс, сятявкс, ляпе седикс и куватьс кирдикс.
Кельгома ялгат, кда Шкайсь минь тяфта кельгомазь, эста тейнековок эряви кельгомс фкя-фкянь.