Павелонь сёрмац Ефесу 4:13 - Од Соткс Новый Завет на мордовском-мокша языке 2016

¹³ мзярс минь сембе аф пачкоттяма фкя-сяка кемамати и Шкаень Цёрать крхкаста шарьхкодеманцты, и мзярс аф аратама Христость лаца кенерьф и афсатыксфтома ломанькс.

Павелонь сёрмац Ефесу 4:13 ပူးပေါင်းရင်းမြစ်များ

Матфей 11:27

Алязе семботь максозе Монь кядялон. Кивок аф содасы Цёрать Аляда башка, и кивок аф содасы Алять Цёрада башка и сяда башка, кинди Цёрась ёрасы панжемс Сонь».

Иоанн 1:16

И Сонь пяшксешинц эзда тейнек сембонди максовсь пароказнеть лангс пароказне.

Иоанн 16:3

Тяфта кармайхть тиендема, сяс мес ашезь сода аф Алязень, аф Монь.

Иоанн 17:21

Эняльдян, синь сембе улельхть фкя седиса-ваймоса: кода Тон, Аляй, Монь эсонат, и Мон – Тонь эсотан, катк стане синьге улихть Минь эсонк фкя седиса-ваймоса. И масторлангсь кармай кемама: Тон кучемайть Монь.

Иоанн 17:3

Вага пефтома эряфсь: содамс Тонь, фкя-тяка виде Шкайть, содамс Тонь кучфценьге Иисус Христость.

Иоанн 6:69

И минь кармаме кемама и лац шарьхкодеськ: Тон Христоссят, эряй Шкайть Цёрацат».

Апостолхнень тевсна 4:32

Сембе кемайхнень ульсь фкя седисна и фкя ваймосна. Фкявок ломань эсь уликс-паронц эзда мезнятьке ашезе лемне сонценнекс, синь сембосна марстоннель.

Павелонь васенце сёрмац Коринфу 1:10

Мон эняльдян тейнть, кемай ялгат, Иисус Христос Азороньконь лемса: ладяда сембе эсь ётковант, афольхть уле ётксонт явомат, но улеледе сотфт фкя-фкянь мархта фкя ёньца-мяльса.

Павелонь васенце сёрмац Коринфу 14:20

Кемай ялгат, тяда уле ёньц коряс иднякс. Кяжса уледа аф машты идькс, а ёнь коряс – кенерьф ломанькс.

Павелонь васенце сёрмац Коринфу 2:6

Минь азондсаськ смузьшить сятненди, кит кенерсть тянди, но тя аф масторлангонь смузьши и аф тя масторлангонь азорхнень смузьшисна, конатнень шисна ни лувфт.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Галатияв 4:19

Идне монь, тинь инксонт мон тага кирдян маятамат, кодапт кирди авась шачфтомста, мзярс тинь аф тиефтяда Христость лаца.

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 1:23

Кемаень пуромкссь – тя Христость ронгоц и пяшксешиц, Христость, конац пяшкотькшнесы семботь сембоса.

Павелонь сёрмац Ефесу 2:15

мзярда Эсь куломанц вельде машфтозень вийда койть кошардоманзон и кяжть, кона ульсь ётксост. Тяфта, Сон Эсьсонза кафттнень эзда тись фкя од ломань, ладямок ётксост сетьмоши,

Павелонь сёрмац Ефесу 4:12

Тянь вельде Сон анокласыне иняруфнень лездомс ломаттненди Христость ронгонц касфтоманц-кемокстаманц инкса,

Павелонь сёрмац Ефесу 4:3

Сембе вийса, ладямань сотксть вельде, варжасть ванфтомс Ваймопожфть марстоньшинц.

Павелонь сёрмац Ефесу 4:5

ули фкя Азор, фкя кемама, фкя кстиндама,

Павелонь сёрмац Филиппав 3:10

Монь мялезе содамс Христость и ся вийть, кона вельмафтозе Сонь кулофнень эзда; и мялезе явомс мархтонза маятаманзон и арамс лацонза Сонь куломасонза.

Павелонь сёрмац Филиппав 3:8

Мон афкукс семботь лувса шавокс, сяс мес Христос Иисус Азорозень содаманц мон лувса сембодонга питникс. Сонь инксонза мон юмафтыне семботь – и тянь семботь мон лувса прокс аф эрявиксокс, сяс мес мялезе сатомс Христость.

Павелонь сёрмац Колоссав 1:28

Минь пачфнесаськ Христость колга Кулять, путнетяма ёньц и тонафттама эрь ломанть эса. Минь нолясаськ тевс сембе смузьшить, сяс мес надиятама тиемс эрть афсатыксфтомокс Христос Иисусса.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Еврейхненди сёрмась 5:14

А вага калгода ярхцамбяльсь максови сятненди, конат кассть. Синь потмонь марямасна эряфонь тевснон вельде тонадсть явомонза сянь, мезсь пара и мезсь кальдяв.

Пёторонь омбоце сёрмац 1:4

Синь вельдест Сон макссь тейнек оцюдонга оцю и питнидонга питни надияфтомат. Ня надияфтоматне лездыхть тейнть сотовомс Шкайть коронц мархта и ворьгодевомс юмаф-араф эряфть эзда, кона аф пара мяльхнень сюнеда азорондай масторлангса.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.