Павелонь сёрмац Ефесу 4:11 - Од Соткс Новый Завет на мордовском-мокша языке 2016

¹¹ Сон макссь улемс кинди апостолкс, кинди прорококс, кинди Пара кулянь кандыкс, кинди кемаень пуромксть мельге ваныкс и тонафтыкс.

Павелонь сёрмац Ефесу 4:11 ပူးပေါင်းရင်းမြစ်များ

Матфей 28:20

Тонафтость синь ванфтомс семботь, мезе Мон мярьгонь тейнть. Содасть, Мон улян мархтонт сембе шитнень, пингть пенц самс». Аминь.

Апостолхнень тевсна 13:1

Антиохияса, тостонь кемаень пуромксса ульсть пророкт и тонафтыхть: Варнава, Симеон, кона лемневсь Нигеркс, Киринеяста Луций, Манаил, кона марса кассь Ирод оцюнять мархта, и Савл.

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Апостолхнень тевсна 21:8

Омбоце шиня минь Павелонь мархта туме кис, и Кесарияв пачкодемста суваме Пара кулянь азонкшнить, Филиппонь кудс. Тя алясь ульсь кемаень пуромксса сисем лездыхнень эзда фкясь. И вов минь лоткаме пялонза.

Павелонь сёрмац Риму 12:7

кинь ули казнец лездомс лиятненди, ся катк лезды; кинь ули тонафтомань казнец, катк тонафты;

Павелонь васенце сёрмац Коринфу 12:4

Улихть эрь кодама казнет, но сембе синь фкя-тяка Ваймопожфть эзда.

Павелонь сёрмац Ефесу 2:20

и тиньге путфтада кудъюрть лангс, конань маразь апостолхне и пророкне, и Сонць Иисус Христоссь ащи тоса кудужень кевкс.

Павелонь сёрмац Ефесу 3:5

Сяда ингольдень эряйхненди апак макстоль содамс тя салавашить, но тяни Иняру Ваймопожфсь панжезе сонь Шкаень иняру апостолхненди и пророкненди.

Павелонь сёрмац Ефесу 4:8

Сяс Сёрматфксса корхтави: «Сон кеподсь вяри и вятезень Эсь мархтонза пленц повфнень, и макссь ломаттненди казнет».

Павелонь омбоце сёрмац Тимофеенди 4:5

Но тон ульхть кятавкс сембоса, кирдить сталмотнень, пачфнек Пара кулять и максф тевть тик афсатыксфтома.

Еврейхненди сёрмась 5:12

Тейнть кунаркиге эряволь улемс лия ломанень тонафтыкс, аньцек вага, тинь тинцень эряви тага тонафтомс васенце содамошитненди Шкаень валса. Тейнть эряви лофца, а аф калгода ярхцамбяль.

Иудань сёрмац 1:17

А тейнть, кельгомне, эрявихть мяляфтомс валхне, конатнень аноконди азозь минь Иисус Христос Азороньконь апостолонза.

Иоаннонди панчф няйфкс 18:20

«А тон, менель, кеняртькшнек! Тиньге, Шкаень сембе ломаттне, апостолхне и пророкне, кеняртькшнеда! Шкайсь судендазе сонь сембонкса сянкса, мезе сон тиендсь тейнть!»

Иоаннонди панчф няйфкс 21:14

Ошть перяфксоц ащесь кемгафтува кевонь юр лангса, и сятнень лангса – Верозть кемгафтува апостолонзон лемсна, фкя лем эрь кевть лангса.