Павелонь сёрмац Ефесу 4:10 - Од Соткс Новый Завет на мордовском-мокша языке 2016

¹⁰ Ся, кона валгсь, тяфта жа и кеподсь сембе менельда вяри и сяс Сон маштоль пяшкодемс Эсь мархтонза семботь.

Павелонь сёрмац Ефесу 4:10 ပူးပေါင်းရင်းမြစ်များ

Матфей 24:34

Видеста корхтан тейнть: тяниень пингонь эряйхне аф кенерихть юмамс, кода сембось тя ули.

Лука 24:44

Иисус мярьгсь тейст: «Вага кодама смузьсна ся валхнень, конатнень Мон азондыне тейнть нинге мархтонт улемста. Пяшкодевома семботи, мезе тяштьф колган Моисеень койса, пророкнень книгасост и Псалтирьса».

Иоанн 1:16

И Сонь пяшксешинц эзда тейнек сембонди максовсь пароказнеть лангс пароказне.

Иоанн 19:24

Ушматтне мярьгсть фкя-фкянди: «Аф карматама сязендемонза, а каятама жерьба, кинди саты». Вдь эрявсь пяшкодевомс Сёрматфксса азфти: «Явозь Монь щамнень эсь ётковаст, Монь щамнень инкса кайсесть жерьба». Вов тяфта тисть ушматтне.

Иоанн 19:28

Иисус тяни содазе: сембось тиевсь. Сяс мярьгсь Сёрматфксть пяшкодевоманц инкса: «Симомазе сась».

Иоанн 19:36

Вдь тяфта лиссь, пяшкодеволь Сёрматфксть валоц: «Сонь фкявок пакарец аф ули тапаф».

Апостолхнень тевсна 1:11

и мярьгсть: «Галилеянь эряйхть! Мезе тинь ащетяда и ваттада менели? Тя Иисуссь, кона кепотьф тинь эздонт менели, мрдай тяконь лаца, кода тусь тинь ингольдент менели!»

Апостолхнень тевсна 1:9

Ня валда меле синь сельме ингольдест Иисус кармась кеподема менели, и коволсь кяшезе Сонь ингольдест.

Апостолхнень тевсна 2:33

Шкайсь кеподезе Сонь види кядь ширезонза и максозе Тейнза надияфтф Иняру Ваймопожфть, конань Сон сяльде каязе минь лангозонк. И тинь тяни няйсасть тянь и кульсасть.

Апостолхнень тевсна 3:18

Но тяфта Шкайсь пяшкодезе сянь, мезе кунаркиге азондсь сембе пророконзон вельде: Христости сави кирдемс оцю маятамат.

Павелонь омбоце сёрмац Коринфу 12:2

Содан Христости кемай ломань, кона кемнилие кизода инголи кепотьфоль инь вяри, мянь колмоце менельть самс. Кодамкс сон тоза повсь: ронгса али ронгфтома – аф содаса, Шкайсь тянь содасы.

Павелонь сёрмац Ефесу 3:19

и содамонза Христость кельгоманц, конань серец ётнесы эрь кодама шарьхкодемать. И тяфта тинь эряфонте пяшкоди Шкаень пяшксешиса.

Павелонь сёрмац Колоссав 1:19

Вдь Шкайть мялецоль: эряль-ащель Шкаень сембе пяшксешись Цёрать эса.

Павелонь сёрмац Колоссав 2:9

Вдь Христость ронгсонза Шкайть сембе пяшксешиц.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Еврейхненди сёрмась 4:14

Сяс мес минь ули инь оцю Озксвятиень оцюняньке – Иисус, Шкаень Цёрась, кона ётась менельхнень пачк, эрьда карматама кемоста кирдема ся кемамати, конань азонкшнесаськ ломаттнень ингольде.

Еврейхненди сёрмась 7:26

Самай тяфтама Озксвятиень оцюня тейнек и эрявсь: иняру, аф мувору и ару. Сонь явфтозь пежуфнень эзда и кеподезь менельда вяри.

Еврейхненди сёрмась 8:1

Минь азфоньконь эзда инь оцюсь тя: минь ули тяфтама Озксвятиень оцюняньке, кона озась менельса инь оцю Шкайть оцязоронь озама вастонц види ширесонза.