Павелонь сёрмац Ефесу 4:1 - Од Соткс Новый Завет на мордовском-мокша языке 2016

¹ Тяфта мон, Азорть инкса пякстафсь, эняльдян тейнть: эряда тердемать питненц коряс, конаса тинь тердедязь Шкайсь.

Павелонь сёрмац Ефесу 4:1 ပူးပေါင်းရင်းမြစ်များ

Апостолхнень тевсна 9:31

Тя ёткть Иудеянь, Галилеянь, Самариянь кемаень пуромксненди сась сетьме эряф. Кемаень пуромксне кемокснесть и эрясть Шкайда пелезь, и Иняру Ваймопожфть лездоманц вельде тонафнихнень лувкссна касондсь.

Павелонь сёрмац Риму 11:29

Шкайсь меки аф сявондьсыне Эсь казнензон и аф полафнесы мяленц ломанть тердемста.

Павелонь сёрмац Риму 12:1

Сяс эняльдян тейнть, кемай ялгат, Шкайть кельгозь ужяльдеманц инкса максость марнек прянтень Шкайти, кода эряй озксказне, кона лемтьф Тейнза и тушенды мялезонза. Тя ули Шкайти тинь афкуксонь и ваймопожфонь покодеманте.

Павелонь васенце сёрмац Коринфу 4:16

Сяс эняльдян тейнть: тиендеда монь лацон, кода мон тиендян Христость лаца.

Павелонь омбоце сёрмац Коринфу 10:1

Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.

Павелонь омбоце сёрмац Коринфу 5:20

Тяфта минь – Христость кучфонза, и Шкайсь Сонць минь вельденк пшкяди-серьгяди тейнть. Христость лемса эняльттяма тейнть: «Ладяда Шкайть мархта!»

Павелонь омбоце сёрмац Коринфу 6:1

Минь, кода Шкайть мархта покодихне, эняльттяма тейнть: афоль ара шавокс Шкаень пароказнесь, кона максфоль тейнть.

Павелонь сёрмац Галатияв 4:12

Эняльдян тейнть, кемай ялгат, тиеда монь лацон – лиседа койть азорксшинц алда, сяс мес монга арань тинь лацонт. Тинь монь мезьсонга ашемасть обжа.

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь сёрмац Ефесу 3:1

Вага мес мон озондан Шкайти, мон Павелсь, кона тинь, лия ломаньтналоннетнень инкса и Иисус Христосонь инкса, ащан пякстафста.

Павелонь сёрмац Ефесу 4:17

Сяс, мон корхтан и Азорть лемсонза кардан: оду тяда эря стане, кода лия ломаньтналхне эряйхть эсь шава мяльснон коряс.

Павелонь сёрмац Ефесу 4:4

Ули аньцек фкя ронга и фкя Ваймопожф, кода ули и фкя-тяка надияма, конанди тердедязь Шкайсь;

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Филиппав 3:14

Мон сембе вийсон ласькан ся вастти, коса аделави монь ласькомазе и коса тейне максови казне. Тя казнесь – менелень эряф, конанди тердемазь Шкайсь Христос Иисусть вельде.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь сёрмац Колоссав 2:6

Тинь куледе Христос Иисус Азорть колга и нолдасть Сонь эсь седиезонт, сяс эряда мархтонза марса.

Павелонь сёрмац Колоссав 4:12

Кучи тейнть пара вал тинцень Епафрасонте. Сон Иисус Христость покодиец, кона эсь озондомасонза апак лотксек вяти тюрема тинь инксонт. Сонь мялец тяфтама: илядоледе тинь афсатыксфтомокс и педа-пес содалесть, мезе Шкайть мяленц коряс.

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь омбоце сёрмац Фессалоникав 1:11

Вов мес минь фалу озонттама инксонт: катк Шкаеньке тихтядязь тинь кондястикс ся эряфти, конанди тердедязь, и катк Эсь вийсонза кемокстасыне тинь мялентень паронь тиеманди, и педа-пес пяшкодьсыне ся тефнень, конатненди тинь саде кемамантень вельде.

Павелонь омбоце сёрмац Тимофеенди 1:9

Шкайсь идемазь минь и тердемазь иняру тердемаса, аф минь тевоньконь коряс, а эсь мяленц-арьсеманц и пароказненц коряс. Тя пароказнеть Сон максозе тейнек Христос Иисусса нинге пингть ушедомда инголе,

Павелонь сёрмац Титонди 2:10

и аф салсемс. Меколанкт, катк сембоса няфнесазь эсь пряснон цебярь и валонь кирди урекс. Катк семботь тиендьсазь тянь лаца, эста синь тевснон вельде мазолгофтови Шкайть, минь Идиеньконь, тонафтомац.

Еврейхненди сёрмась 13:21

катк аноклатядязь тинь эрь кодама пара тевонди, и тяфта тинь карматада тиендема Сонь мяленц коряс. И катк Сон Иисус Христосонь вельде тисы эсонт сянь, мезе Сонь мялезонза. Улеза Христости иневалда пефтома пингс! Аминь.

Еврейхненди сёрмась 3:1

Сяс, иняру кемай ялгат, конатненди минь мархтонк марса максовсь менелень тердемась, шарфтость сельмованфонтень Иисус Христосонь лангс. Минь сембонь инголе лемнесаськ Сонь Шкаень Кучфокс и Озксвятиень оцюнякс.

Пёторонь васенце сёрмац 2:11

Кельгома ялгат, эняльдян тейнть, кода нюрьхкяня пингонди лия масторста сафненди, тяда вятнев ронгть визькс мялензон-арьсеманзон мельге, конат молихть ваймонтень каршек.

Пёторонь васенце сёрмац 3:9

Тяда панда кяжть инкса кяжса али сялдомать инкса сялдомаса. Меколанкт, бславасть сянь, кие тинь обжадязь. Тинь содасать: тяфта тиендема тердедязь Шкайсь. Эста Сон тиньге бславатядязь.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Пёторонь омбоце сёрмац 1:3

Иисусонь эса Шкаень вийсь максозе тейнек семботь, мезе эряви эряфонди Шкайть мяленц коряс. Минь вдь содаськ Сянь, кие тердемазь Эсь иневалдсонза и цебярьшисонза.

Иоаннонь омбоце сёрмац 1:5

И тяни, азорава, эняльдян тейть: карматама кельгома фкя-фкянь. Мон сёрмадан тейть аф од кошардома, но сянь, конац максфоль тейнек нинге ушетксста сявомок.