Павелонь сёрмац Ефесу 3:20 - Од Соткс Новый Завет на мордовском-мокша языке 2016

²⁰ Шкайсь, минь эсонк покоди вийть коряс, машты тиемс ламодонга лама сянь коряс, мезе минь анатама али мезень колга арьсетяма.

Павелонь сёрмац Ефесу 3:20 ပူးပေါင်းရင်းမြစ်များ

Матфей 3:9

и тяда арьсе идемс прянтень валса: "Минь аляньке – Авраам". Корхтан тейнть: Шкайсь машты тиемс ня кефнень эзда Авраамонди итть.

Иоанн 10:10

Салайсь сашенды аньцек салама, шавома и юмафтома-арафтома. Мон сань тейст эряфонь максома, парса пяшкотьф эряфонь максома».

Павелонь сёрмац Риму 4:21

Вдь сон пяк кемась: Шкайти вийс коре пяшкодемс надияфтоманц.

Павелонь васенце сёрмац Коринфу 2:9

Кода азф Сёрматфксса: «Сельмось сянь ашезе няе, и пилесь ашезе куле, и ашезь сашенда ломанть пряс ся, мезе Шкайсь аноклась Эсь кельгиензонды».

Павелонь омбоце сёрмац Коринфу 9:8

Сонь ули виец вельф каземс тинь эрь кодама пароказнеса. Эста тейнть фалу и сембоса кармай улема сембе эрявикссь, и тяконь лангс нинге вельф саты эрь кодама пара тевонди.

Павелонь сёрмац Ефесу 1:19

и конашкава аф ункстави Сонь виец, кона покоди минь, Христости кемайхнень эса. Тя сяка инь оцю вийсь,

Павелонь сёрмац Ефесу 3:7

Тя Пара куляти покодикс мон арань Шкаень пароказнеть коряс, ся казнеть коряс, конань Сон тейне максозе монь эсон эряй-покоди Виенц вельде.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь васенце сёрмац Тимофеенди 1:14

Минь Азороньке козяста валозе лангозон Эсь пароказненц кемама и кельгома мархта Христос Иисусть вельде.

Еврейхненди сёрмась 11:19

Авраам арьсесь: Шкайсь машты мянь кулофнень эзда вельмафтомс. Сяс, мзярда Шкайсь мрдафтозе Авраамонди Исааконь – тя ульсь кода кулофнень эзда вельмама.

Еврейхненди сёрмась 7:25

Сяс Сонь ули виец фалу идемс сятнень, кит вельденза сашендыхть Шкайти. Вдь Иисус эряй пефтома пингс и озонды синь инксост.

Иаковонь сёрмац 4:12

Ули аньцек фкя Коень Максы и Судья, конань ули виец идемс минь али юмафтомс-арафтомс. А тон кият стамсь, лиянь судендайсь?

Пёторонь омбоце сёрмац 1:11

И эста тейнть келеста панжевихть кенкшне минь Азороньконь и Иисус Христос Идиеньконь пефтома Оцязорксшизонза.

Иудань сёрмац 1:24

Но Шкайть ули виец ванфтомс тинь кальдявс прамада и путомс тинь кенярдемаса афсатыксфтомокс Эсь иневалдонц инголи.