Павелонь сёрмац Ефесу 2:2 - Од Соткс Новый Завет на мордовском-мокша языке 2016

² Синь эсост тинь эряде тя масторлангонь кяжи обуцятнень коряс, максседе пря менель алдонь азорти, ваймопожфти, кона тянивок азорондай сятнень лангса, кие аф кулхцондсы Шкайть.

Павелонь сёрмац Ефесу 2:2 ပူးပေါင်းရင်းမြစ်များ

Матфей 11:19

Сась Ломанень Цёрась, ярхцай и сими, синь корхтайхть колганза: "Ванода, вов тетькись и симилась, каяфксонь кочкайхнень и лия пежуфнень ялгасна". Но Шкаень смузьшить видешиц няфтеви тевса».

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Матфей 13:38

Паксясь – тя масторлангсь, цебярь видьмотне – Оцязорксшить ломаненза, а сордишетне – Кальдявть ломаненза.

Марк 4:19

но эрь шинь тефне, козякодомати прафтомась и лия тевонь кувалма мяльхне сувайхть потмозост и опаптсазь валть, и валсь аф канды раштафкс.

Лука 16:8

И шназе азорсь аф виде кудвятиенц ёжушинц инкса. Афкукс, тя масторлангонь ломаттне эсь лацостотнень мархта тевонь тиемста сяда ёжуфт валдть идензон коряс.

Лука 22:31

Азорсь мярьгсь: «Симон, Симон, ватт! Сатанати максовсь варжамс тинь и понжафтомс, кода тозерть.

Иоанн 12:31

Тяни сась масторлангть судендама пингоц; тяни тя масторлангть азороц ули паньф тяста.

Иоанн 13:2

Иисус и тонафниенза ётафтозь илядень ярхцамаснон-симомаснон. И идемэвозсь сувафтсь ни Иудать, Симон Искариотонь цёранц седис мяль мимс Иисусть.

Иоанн 13:27

И тя кши сускомть сявомда меле Иудань потмос сувась Сатанась. Эста Иисус мярьгсь Иудати: «Мезе срхксят тиемс, тик ни куроконе».

Иоанн 14:30

Аф лама ни Тейне корхнемс мархтонт, сяс мес сай тя масторлангть азороц. Монь лангсон сонь азорксшиц аш,

Иоанн 15:19

Кда тинь улеледе тя масторлангонь ломаттнень лаца, тя масторлангсь кельголедязь тинь, кода эсензон. Но тинь ни аф синь лацостада – Мон тинь кочкадязь тя масторлангста, сяс масторлангсь прокс аф кельктядязь.

Иоанн 16:11

а судендамась тоса: тя масторлангть азороц судендаф ни.

Иоанн 7:7

Тя масторлангонь ломаттне тинь лангозонт кальдявста аф вановихть, а Монь сельмосостка афолемазь няе; сяс мес Мон няфнеса: синь тевсна кальдяфт.

Иоанн 8:23

Иисус мярьгсь тейст: «Тинь тяста, алдоннетнень эзда, а Мон вярденнетнень; тинь тя масторлангста, Мон аф тя масторлангонь.

Иоанн 8:44

Тинь алянте идемэвозсь; и тинь мяленте тиендемс алянтень лаца визькс тефт. Сон ушетксстокиге ульсь ломанень шавонды и ашезь ащев видешиса; сяс мес аш эсонза видеши. Мзярда сон кяльготни, корхтай эсенц; сяс мес сон – кяльготнись и кяльготнемать аляц.

Апостолхнень тевсна 19:35

Меколи фкясь ошень оцюнятнень эзда сетьмофтезень ломаттнень. Сон мярьгсь: «Ефесонь ломатть, кие тянь аф содасы: Ефес ошсь ванфнесы инь оцю Артемида шкайавать шкайгудонц и менельста праф шамаликонц?

Апостолхнень тевсна 5:3

Эста Пётр мярьгсь: «Анания, мес тон нолдайть Сатанать путомс седиезт мяльхть васькафтомс Иняру Ваймопожфть и сёпомс ярмакнень пяльксснон миф паксяцень инкса?

Павелонь сёрмац Риму 12:2

Тяда эря стане, кода эряйхть тяни тя масторлангса, но эсь ёнентень-мялентень одкстоптоманц вельде полафтость седиентень. Эста тейнть шарьхкодеви Шкайть мялец: мезсь пара, мезсь Сонь мялезонза и мезсь афсатыксфтома.

Павелонь васенце сёрмац Коринфу 5:10

Но тяфта сёрмадомста мон ашень корхта сембе усксевихнень колга, конат улихть тя масторлангса, али топафксонь аф содайхнень, али нельгихнень-салайхнень, али аф афкуксонь шкайхненди сюконяйхнень колга. Афток тейнть саволь прокс тумс тя масторлангста.

Павелонь васенце сёрмац Коринфу 6:11

Тинь эздонтка конат-конат ульсть тяфтапт! Но тяни тинь штадязь, тинь иняруяфтодязь, тинь луводязь видексшинь ломанькс Иисус Христос Азороньконь лемса и Шкаеньконь Ваймопожфса.

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь сёрмац Галатияв 1:4

Сон максозе Эсь прянц минь пеженьконь инкса, сяс мес Сонь мялец идемс минь кяжи вийть эзда, кона азорондай тяни масторлангса. Тя ульсь Шкайть, минь Аляньконь, мяленц коряс,

Павелонь сёрмац Ефесу 1:21

и путозе Сонь семботь коряс сяда вяри: эрь кодама ваймопожфонь оцюняда и азорксшида, вийда и вятида, и эрь кодама лемда, кона лятфневи аф аньцек тя пингонь эряфса, но и сай пингонь.

Павелонь сёрмац Ефесу 2:11

Сяс мяляфтость, кикс тинь уледе инголи. Тинь шачема коряс уледе лия ломаньтналоннет и тинь лемнедезь «апак керфокс» сят, конат кядьса тиф ронгонь киськопень керомать вельде лемдевихть «керфокс».

Павелонь сёрмац Ефесу 2:13

А тяни Христос Иисусса, тинь, конат уледе ичкозденнекс, араде маластоннекс Христость веронц вельде.

Павелонь сёрмац Ефесу 2:3

Синь ётксост сембе миньге инголи эряме эсь ронгонь пежу мяленьконь-арьсеманьконь коряс, топафнемок ронгоньконь и мяленьконь. Сяс миньге, тя обуцяньконь инкса, улеме сембонь лаца Шкайть кяженц ала.

Павелонь сёрмац Ефесу 4:17

Сяс, мон корхтан и Азорть лемсонза кардан: оду тяда эря стане, кода лия ломаньтналхне эряйхть эсь шава мяльснон коряс.

Павелонь сёрмац Ефесу 4:22

Тинь тонафтодязь кадомс ингольдень эряфть ташта ломанть коряс, кона наксаткшни васькафни мяльхнень вельде.

Павелонь сёрмац Ефесу 5:6

Киндинге тясть макссе васькафнемс прянтень шава валса, сяс мес тянкса сашенды Шкаень кяжсь аф кулхцондыхнень лангс.

Павелонь сёрмац Ефесу 5:8

Мзярда-бди тинь уледе шобдакс, а тяни, мзярда тинь Азорть мархтотада, тинь араде валдокс. Эряда стане, кода эряви эрямс валдть идензонды.

Павелонь сёрмац Ефесу 6:12

Сяс мес минь тюреманьке аф ломаттнень каршек, а кяжи ваймопожфонь оцюнятнень и азорхнень каршек, шобда вийхнень каршек, конат азорондайхть тя шобда пингонь масторлангса, и вярдень кяжи ваймопожфнень каршек.

Павелонь сёрмац Колоссав 1:21

Тиньге инголи эсь кальдяв тевонтень инкса уледе ичкозденнекс Шкайти и моледе каршек Тейнза.

Павелонь омбоце сёрмац Тимофеенди 4:10

Сяс мес Димассь, конанди кельговсь тя пингонь эряфсь, кадомань монь и тусь Фессалонику. Крискентсь тусь Галатияв, Титсь – Далматияв. Мархтон илядсь аньцек ськамонза Лука.

Иаковонь сёрмац 1:27

А вага кда минь пичеттяма-канзеттяма стакашис повф уроснень и удаватнень инкса, кда ванфнесаськ эсь пряньконь масторлангонь рдазда, эста покодеманьке ули Шкай Аляньконь инголе арукс и афсатыксфтомокс.

Иаковонь сёрмац 1:7

Тяфтама ломанць катк мезевок афи арьси учемс Азорть кядьста,

Иаковонь сёрмац 4:4

Шкайти полафни ломатть! Дяряй аф содасасть: масторлангть мархта ялгафтомась – тя Шкайти каршек молема? Кинь мялец улемс ялгакс тя масторлангти, ся арси душманкс Шкайти.

Пёторонь васенце сёрмац 1:14

Уледа кода кулхцонды итть и тяда вятнев визьксонь мялентень-арьсемантень мельге. Тяфта тинь тиендеде, мзярда эряде Шкайть аф содазь.

Пёторонь васенце сёрмац 4:3

Ингольдень пингть тинь ни сатомшка эряде, кода Шкаень аф содай ломатть: тинь макссесть прянтень эрь кодама аф арушис, визькс мяльхненди (алятне аля мархта удомас, жувата мархта удомас, рдазу мяльс-арьсемас), тинь уледе симилакс, пекта вельф тетькикс и сюконякшнеде аф афкуксонь шкайхненди.

Пёторонь омбоце сёрмац 2:14

Авань няемста синь сельмосна палыхть визьксонь мяльса, и мзярдовок синь аф топафтовихть пежеса. Синь васькафнесазь-кунцесазь лафча ваймотнень, седисна тонатфт аньцек мезень-мезень сявома. Синь сюдоф итть!

Иоаннонь васенце сёрмац 3:10

Шкаень иттне и идемэвозень иттне вага кода содавихть: кие аф тиенди видексшить коряс, ся аф Шкайть эзда, кода и сявок, кие аф кельгсы эсь кемай ялганц.

Иоаннонь васенце сёрмац 3:8

А кие тиенди пеже, ся идемэвозть эзда, сяс мес идемэвозсь ушетксстокиге тиенди пеже. Сянкса и сась Шкаень Цёрась: машфтомс идемэвозть тевонзон.

Иоаннонь васенце сёрмац 4:4

Идне, тинь Шкайть эзда и тинь сяськость тона аф афкуксонь пророкнень. Вдь Ся, кона тинь эсонт, сяда оцю ся ваймопожфть коряс, кона эряй масторлангонь пежу ломаттнень эса.

Иоаннонь васенце сёрмац 5:19

Тейнек содаф: минь Шкайть эзда, но сембе тя масторлангсь Кальдявть кядялонза.

Иоаннонь васенце сёрмац 5:4

Вдь эрь ломанць, кона шачсь Шкайть эзда, сяськсы тя пежу масторлангть. И тя вийсь, кона сяськозе масторлангть, – минь кемаманьке.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.

Иоаннонди панчф няйфкс 13:14

Сон васькафнесыне масторлангонь эряйхнень ня дивань тефнень вельде, конатнень тейнза максозь тиендемс васенце кяжи жуватать лемста. Сон кошярясыне масторлангонь эряйхнень тиемс васенце кяжи жуватать ликонц, кона куломс керфоль торса, но эреклась.

Иоаннонди панчф няйфкс 13:8

И комайхть инголенза масторлангонь сембе эряйхне, конатнень лемсна, ушедомок менельть-масторть тиемста, апак сёрматт эряфонь книгати. Тя книгась Верозть кядьса, кона печкфоль озксказненди.

Иоаннонди панчф няйфкс 16:17

Сисемце ангелсь валозе эсь кядьгонц кожфти – и менелень Шкаень кудста, оцязоронь озама вастть эзда, кайгозевсь вайгяль, кона мярьгсь: «Тиф!»

Иоаннонди панчф няйфкс 20:2

Ангелсь кундазе драконть – кунардонь куйть, кона лиякс лемневи идемэвозькс и Сатанакс, сотнезе сонь цинзерса тёжянь кизос и