Павелонь сёрмац Ефесу 2:15 - Од Соткс Новый Завет на мордовском-мокша языке 2016

¹⁵ мзярда Эсь куломанц вельде машфтозень вийда койть кошардоманзон и кяжть, кона ульсь ётксост. Тяфта, Сон Эсьсонза кафттнень эзда тись фкя од ломань, ладямок ётксост сетьмоши,

Павелонь сёрмац Ефесу 2:15 ပူးပေါင်းရင်းမြစ်များ

Павелонь омбоце сёрмац Коринфу 5:17

Ся, кие Христость эса, ся – од тифкс; сембе таштсь ётась, и тяни, вов, сась одсь!

Павелонь сёрмац Галатияв 3:10

А сембонь сятнень, кит нежетькшнихть койть коряс тиф тефнень лангс, учсыне сюдома. Вдь Сёрматфксса азф: «Сюдови эрь ломанць, кона аф пяшкодьсы семботь, мезе сёрматф коень книгаса».

Павелонь сёрмац Галатияв 3:28

И аш тяни аф еврей, аф лия тналонь ломань; аф уре, аф воляшистонь; аф аля, аф ава, сяс мес сембе тинь сотоводе фкя-фкянь мархта и тиеводе кода фкя ломань Христос Иисусонь эса.

Павелонь сёрмац Галатияв 6:15

Вдь керфат тон али аф, тя мезевок аш Иисус Христосонь эса. Сембода эрявикссь – эряви арамс Шкаень од тифокс.

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь сёрмац Ефесу 2:14

Сон минь сетьмошиньке. Сон тись кафттнень эзда фкя и срафтозе ётксост ащи перяфксть ся пингста,

Павелонь сёрмац Ефесу 2:16

и кафцьконь, фкя ронгса, крёз лангса куломать вельде мирендафтозень Шкайть мархта, и тяфта машфтозе кяжть.

Павелонь сёрмац Ефесу 4:16

Сонь вельденза сембе ронгсь сотови и кирдеви марса эрь кодама соткс вельде. Мзярда эрь пялькссь тиендьсы эсь тевонц, эста сембе ронгсь касы и виензави кельгомать вельде.

Павелонь сёрмац Колоссав 2:14

Минь повоме шумос коень аф топафтоманкса, но Шкайсь нардазень минь шумоньконь. Сон сявозе минь шумоньконь мархта кагодть, кона ульсь тейнек каршек, и крёз лангс эськодемать вельде тя кагодсь юмафтозе эсь виенц.

Павелонь сёрмац Колоссав 2:20

Кда тинь кулоде Христость мархта и тяни эрятада воляшиса тя масторть вяти виензон эзда, эста мес тинь эрятада кода тя масторонь ломаттне и кирттяда тяфтама кардамада:

Павелонь сёрмац Колоссав 3:10

и щафтоде эсь лангозонт од ломань, кона шиста-шис одкстомкшни. Тянь вельде тейнть сяда лац шарьхкодеви-содави Шкайсь, минь Тииеньке, и тинь аратада Сонь лацонза.

Павелонь сёрмац Колоссав 3:11

И тя од эряфсонт аш явома: грек тя али еврей, керф али апак керхт, варвар, скиф, уре али воляшистонь. Ули аньцек Христоссь – Сон сембось и семботь эса.

Павелонь сёрмац Колоссав 3:15

И катк азорондай тинь седисонт Шкаень сетьмошись, конанди тинь уледе тертьфт кода фкя ронгонь пялькст. Эрь пингста уледа сюконяйкс!

Еврейхненди сёрмась 7:16

Сон арась озксвятикс пефтома эряфть виенц коряс, а аф койть кошардомвалонц коряс, кона ваны шачемань юромть лангс.

Еврейхненди сёрмась 8:13

Мзярда Сон корхтай «од соткс», тяфта няфнесы васенце сотксть таштомоманц. Ся, мезсь эрязе эсь пингонц и таштомсь, курок юмай.

Еврейхненди сёрмась 9:23

Вага тяфта эряви аруяфтомс сятнень, конат шарыхть менеленнетнень лангс. А синьцень жа, менеленнетнень, эряви аруяфтомс сяда цебярь озксказне вельде.