Павелонь сёрмац Ефесу 1:6 - Од Соткс Новый Завет на мордовском-мокша языке 2016

⁶ Тяфта шнави Шкайть иневалдонь пароказнец, конань Сон казезе тейнек Эсь кельгома Цёранц вельде.

Павелонь сёрмац Ефесу 1:6 ပူးပေါင်းရင်းမြစ်များ

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Матфей 20:9

Састь кефкиеце частса сивотьфне, и эрь ломанти пантфоль тифтень динарий.

Матфей 3:17

И менельста кулевсь вайгяль: «Тя Монь кельгома Цёразе, Монь кенярдема вастозе».

Лука 2:14

«Шнама Шкайти вярдень менельса, и модать лангса сетьмоши ломаттненди, конатнень кельгсыне Шкайсь!»

Иоанн 10:17

Алязе кельгсамань Монь сяс, мес Мон максса Эсь эряфозень меки эряфозень сявоманкса.

Иоанн 3:35

Алясь кельгсы Цёранц и семботь путозе Сонь кядялонза.

Павелонь сёрмац Риму 8:1

Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс,

Павелонь омбоце сёрмац Коринфу 4:15

Сембось тя тиеви тинь инксонт: пачкодель Шкайть оцю пароказнец сяда лама и лама ломанень седис и эста, шада ведь лаца, ломаттнень эзда кармайхть шудезь шудема сюконямань валхне Шкайть шнаманкса.

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Павелонь сёрмац Ефесу 1:12

Сяс мес Сонь мялецоль: минь, кит васенцекс путозь эсь надиямаснон Христость лангс, эрялеме Шкаень иневалдть шнаманц инкса.

Павелонь сёрмац Ефесу 1:14

И сяс мес эсонк ули Иняру Ваймопожфсь, минь кемоста содасаськ: сембе ся паротне, конат аноклафт тейнек, улихть максфт, мзярда Шкайсь идесыне ломанензон Эсь иневалдонц шнаманкса.

Павелонь сёрмац Ефесу 1:18

Катк Сон валдоптсыне тинь шарьхкодемантень сельмонзон, эста тинь няйсасть, кодама ся надиямась, конанди Сон тердедязь, и конашкава козя Сонь иневалдонь аноклафоц иняру ломаттненди,

Павелонь сёрмац Ефесу 2:7

И тянь вельде Сон няфтьсы сай пингонь эряйхненди Эсь козя и аф ункстави пароказненц, ся оцю парошить, конань Сон максозе тейнек Христос Иисусонь вельде.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 3:9

Монь мялезе улемс марнек Христость эса и аф эсь видексшизень мархта, кона койть эзда, аф, а ся видексшить мархта, кона максови тейнек Христости кемамать вельде и конань Шкайсь макссы сятненди, кит кемайхть Тейнза.

Павелонь сёрмац Филиппав 4:19

И монь Шкаезе, Эсь иневалдонь козяшинц коряс, Христос Иисусть вельде пяшкодьсыне тинь эрь кодама ашушинтень.

Павелонь сёрмац Колоссав 1:13

Шкайсь идемазь минь шобдать азорксшинц алда и сувафтомазь кельгома Цёранц Оцязорксшизонза.

Пёторонь васенце сёрмац 2:5

Тиньге, кода эряй кефне, тиевода ваймопожфонь кудкс. Эста тинь ульхтяда иняру озксвятиень оцюнякс и карматада каннема Шкайти ваймопожфонь озксказнет, конат тушендыхть Сонь мялезонза Иисус Христосонь инкса.

Пёторонь васенце сёрмац 2:9

Но тинь – кочкаф юромсь, Оцязорть озксвятиень оцюнянза, иняру ломаньтналсь, ломаттне, конатнень Шкайсь лувсыне Эсеннекс. Тинь тертьфтяда пачфнемс Сянь пара тевонзон колга, кие лихтедязь тинь шобдаста Эсь мазыдонга мазы валдозонза.

Пёторонь васенце сёрмац 4:11

Кда кие корхтай, катк сянь валонза кайгихть кода Шкайть валонза. Кда кие покоди-лезды, ся катк покоди-лезды ся вийса, конань тейнза макссесы Шкайсь. Катк сембонь тянь эса шнави Шкайсь Иисус Христость вельде. Тейнза шнама и азорксши сембе пингс! Аминь.