Павелонь сёрмац Ефесу 1:18 - Од Соткс Новый Завет на мордовском-мокша языке 2016

¹⁸ Катк Сон валдоптсыне тинь шарьхкодемантень сельмонзон, эста тинь няйсасть, кодама ся надиямась, конанди Сон тердедязь, и конашкава козя Сонь иневалдонь аноклафоц иняру ломаттненди,

Павелонь сёрмац Ефесу 1:18 ပူးပေါင်းရင်းမြစ်များ

Матфей 13:15

Калготкстомсть ня ломаттнень седисна, стакаста кулихть синь пилесна и сёлговсть сельмосна вага мезенкса: афольхть няе синь сельмосна, афольхть куле синь пилесна, афоль шарьхкоде синь седисна, афольхть шарфта Тейне и афолине пчкафта синь".

Марк 10:17

Мзярда Иисус лиссь ки лангс, ласьксь Тейнза фкя ломань, прась инголенза плманжа лангс, и кизефтезе Сонь: «Цебярь тонафты! Мезе тейне эряви тиемс пефтома эряфонь сатоманкса?»

Лука 24:45

Тяда меле Иисус панжезе синь ёньцнон Сёрматфксть шарьхкодеманцты.

Апостолхнень тевсна 16:14

Кулхцондыхнень ёткса ульсь Фиатир ошста Шкайда пели ава, конац мишендсь шобда-якстерь котфт. Сонь лемоцоль Лидия. Шкайсь панжезе сонь седиенц сянди, мезе корхтась Павел.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Павелонь сёрмац Риму 11:29

Шкайсь меки аф сявондьсыне Эсь казнензон и аф полафнесы мяленц ломанть тердемста.

Павелонь сёрмац Риму 2:4

Кали тон мезькска аф лувсак Шкайть оцюдонга оцю парошинц, сятявшинц и куватьс кирдемшканц? Шкаень парошись вяттянза тонь каендамати. Дяряй тон тянь аф шарьхкодьсак?

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Галатияв 5:5

Но минь ули надияманьке: Шкайсь лувсамазь минь видексшинь ломанькс кемаманьконь инкса, и тянь минь пяк учсаськ Ваймопожфть вийса.

Павелонь сёрмац Ефесу 1:11

Сонь эсонза минь кочкамазь и тейнек аноклазь сембе ся паротнень, конат максовихть Шкайть ломанензонды. Тя ульсь Шкайть инголькиге арьсефонц коряс, Шкайть, кона семботь тиендьсы Эсь мяленц и ладяфонц коряс.

Павелонь сёрмац Ефесу 1:7

И Цёрать эса улемать вельде минь идефтяма Сонь версонза, лиякс, тейнек нолдафт пеженьке. Тяфтама козя Шкайть пароказнец!

Павелонь сёрмац Ефесу 2:12

Ся пингть тинь уледе Христосфтома. Тинь ашеде сувсе Израилень ломаньтналть лувксс. Тинь ашель пяльксонте тя сотксса, кона кирди Шкаень надияфтоматнень эса Сонь ломаньтналонцты. Тинь уледе тя масторлангса надиямафтома и Шкайфтома.

Павелонь сёрмац Ефесу 3:16

Мон эняльдян, катк Сон Эсь Иняру Ваймопожфонц вельде и козя иневалдонц коряс кемокстасыне вийса тинь седиентень,

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь сёрмац Ефесу 4:1

Тяфта мон, Азорть инкса пякстафсь, эняльдян тейнть: эряда тердемать питненц коряс, конаса тинь тердедязь Шкайсь.

Павелонь сёрмац Ефесу 4:4

Ули аньцек фкя ронга и фкя Ваймопожф, кода ули и фкя-тяка надияма, конанди тердедязь Шкайсь;

Павелонь сёрмац Ефесу 5:8

Мзярда-бди тинь уледе шобдакс, а тяни, мзярда тинь Азорть мархтотада, тинь араде валдокс. Эряда стане, кода эряви эрямс валдть идензонды.

Павелонь сёрмац Филиппав 3:14

Мон сембе вийсон ласькан ся вастти, коса аделави монь ласькомазе и коса тейне максови казне. Тя казнесь – менелень эряф, конанди тердемазь Шкайсь Христос Иисусть вельде.

Павелонь сёрмац Колоссав 1:12

Кеняртькс потмоса сюконяда Шкай Аляти, кона макссь тейнек сявомс аноклаф казнеть: улеза миньге пяльксоньке Сонь иняру ломанензон ёткса валдонь Оцязорксшиса.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь сёрмац Колоссав 1:5

Тинь эсонт ули тя кемамась и кельгомась, сяс мес тинь надиятада сянь лангс, мезе аноклаф тейнть менельса. Тя надиямать колга тинь ни куледе, мзярда тейнть азондозь видешинь валть, лиякс Пара кулять,

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь сёрмац Колоссав 3:15

И катк азорондай тинь седисонт Шкаень сетьмошись, конанди тинь уледе тертьфт кода фкя ронгонь пялькст. Эрь пингста уледа сюконяйкс!

Павелонь васенце сёрмац Фессалоникав 2:12

минь эняльдеме тейнть, кемокстаме эсонт и пяк вешеме эздонт: эряледе тинь Шкайть мяленц коряс, кона тердедязь тинь Эсь Оцязорксшизонза и иневалдозонза.

Павелонь васенце сёрмац Фессалоникав 5:8

А минь, шивалдонь иттне, ульхтяма кятафт: щасаськ эсь лангозонк ваксарщам лаца кемамать и кельгомать, и прязонк такия лаца путсаськ надиямать идеманьконь лангс!

Павелонь омбоце сёрмац Фессалоникав 1:11

Вов мес минь фалу озонттама инксонт: катк Шкаеньке тихтядязь тинь кондястикс ся эряфти, конанди тердедязь, и катк Эсь вийсонза кемокстасыне тинь мялентень паронь тиеманди, и педа-пес пяшкодьсыне ся тефнень, конатненди тинь саде кемамантень вельде.

Павелонь омбоце сёрмац Фессалоникав 2:16

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма,

Павелонь васенце сёрмац Тимофеенди 6:12

Виень путозь и цебярьста тюрьхть кемамать инкса, сатнек пефтома пингонь эряфть, конанди тон и улеть тертьф, мзярда ламотнень инголе тон азондоть эсь кемамацень колга.

Павелонь сёрмац Титонди 2:13

Минь учендсаськ павазу надиямать пяшкодеманц, инь оцю Шкайть и минь Идиеньконь Иисус Христость иневалдонц саманц.

Павелонь сёрмац Титонди 3:7

сяс мес Шкайть мялец лувомс минь аф муворукс Эсь пароказненц вельде и мялец максомс тейнек пефтома эряф минь надияманьконь коряс.

Еврейхненди сёрмась 10:32

Лятфтасть ингольдень шитнень, мзярда Шкайсь валдоптодязь тинь Эсь валдсонза. Эста тинь кирдеде лама оцю сталма и сякокс ащеде кемоста.

Еврейхненди сёрмась 6:4

Аш кода меки путомс виде ки лангс сятнень, кит прокс тусть-потасть Христости кемамать эзда. Вдь синь весть ни ульсть валдошисонза, варчсезь менелень казнеть таньфонц и тейст минь мархтонк марса максфоль Иняру Ваймопожфсь.

Пёторонь васенце сёрмац 1:3

Улеза шнаф Шкайсь, Иисус Христос Азороньконь Аляц! Сон вельмафтозе кулофста Иисус Христосонь и тянь вельде, Эсь оцю кельгозь ужяльдеманц коряс, шачфтомазь минь од эряфонди и макссь тейнек кеме надияма.

Пёторонь васенце сёрмац 3:9

Тяда панда кяжть инкса кяжса али сялдомать инкса сялдомаса. Меколанкт, бславасть сянь, кие тинь обжадязь. Тинь содасать: тяфта тиендема тердедязь Шкайсь. Эста Сон тиньге бславатядязь.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.