Матфей 9:26 - Од Соткс Новый Завет на мордовском-мокша языке 2016

²⁶ Тянь колга кулясь срадсь сембе ся аймакова.

Матфей 9:26 ပူးပေါင်းရင်းမြစ်များ

Матфей 4:24

Иисусонь колга кулясь срадсь марнек Сириять келес; и вятнезь Тейнза сембе сярядихнень и эрь кодама урмаса маятайхнень, кяжи ваймопожфса колафнень, эсь урмаса сярядихнень, параличса колафнень, и Сон пчкафнезень синь.

Матфей 9:31

Синь лиссть тоста и сембе сяка азондсть Иисусонь колга сембе ся аймакова.

Марк 1:28

И колганза корхнематне курокста срадсть сембе Галилеять келес.

Марк 1:45

А ся ломанць лиссь и кармась келес азонкшнема, мезе тиевсь, сяс Иисусти ашель кода ни апак кяшентть сувамс ошу, лотксесь аньцек коса ашельхть ломатть. Но ломаттне тозонга сашендсть Тейнза сембе ширде.

Марк 6:14

Иисусонь колга кулятне якасть перьфпяльге. Синь пачкодсть Ирод оцязорти, и сон корхтась: «Тя Иоанн Кстиндайсь вельмась кулофста, и сяс тиенди тяфтама вии тефт».

Лука 4:14

Иняру Ваймопожфонь вийса Иисус мрдась Галилеяв. Сонь колганза кулясь срадсь сембе перьфпяльге.

Лука 4:37

Иисусонь колга кулятне срадсть сембе перьфпяльге.

Лука 5:15

И нинге сяда пяк срадсть кулятне Иисусонь колга, и ламодонга лама ломань сашендсь кулхцондомонза и урмаснон пчкафтома.

Лука 7:17

Иисусонь колга азкссь срадсь марнек Иудеява и перьфпяльдень сембе аймакова.

Апостолхнень тевсна 26:26

Сембось тя содаф оцязорти, сяс мон аф пелезь азса тянь тейнза. Мон содаса: сонь эздонза мезевок ашезь кяшев, сяс мес тя лиссь аф кодамовок шобда ужеса.