Матфей 9:15 - Од Соткс Новый Завет на мордовском-мокша языке 2016

¹⁵ Иисус мярьгсь тейст: «Кали пичедихть рьвяяма илань инжихне, мзярда рьвяяйсь мархтост? Но сайхть шит, мзярда рьвяяйть сявсазь ёткстост, и эста синь кармайхть поставама.

Матфей 9:15 ပူးပေါင်းရင်းမြစ်များ

Матфей 9:14

Эста Иисусти маладсть Иоаннонь тонафниенза и кизефтезь: «Мес минь и фарисейхне сидеста кирттяма пост, а Тонь тонафнихне – аф?»

Матфей 9:16

Кивок аф панни ташта щамти од щамста сязьф панкс; сяс мес од панкссь озай и варясь сядонга келеми.

Марк 2:19

Иисус мярьгсь тейст: «Кали кармайхть поставама рьвяяма илань инжихне, мзярс рьвяяйсь мархтост? Мзярда рьвяяйсь мархтост, тейст аш кода поставамс.

Марк 2:20

Но сайхть шит, мзярда рьвяяйть сявсазь ёткстост, вов эста синь кармайхть поставама.

Лука 17:22

Сяльде Иисус мярьгсь тонафниензонды: «Сай стама пинге, мзярда тинь кармай оцю мяленте няемс Ломанень Цёрать хуш фкя шинц, но аф няйсасть.

Лука 5:34

Иисус мярьгсь тейст: «Кали кошардовихть поставама рьвяяма илань инжихне, мзярда рьвяяйсь мархтост?

Лука 5:35

Аньцек сайхть шит, мзярда сявсазь кядьстост рьвяяйть, вов эста, ся шитнень, синь кармайхть поставама».

Иоанн 16:6

Но сянь эзда, мезе Мон азонь тейнть, седиенте пяшкодсь ризфта.

Иоанн 3:29

Ся рьвяяйсь, кинь ули рьвяняц, а рьвяяйть ялгац, кона ащи вакссонза и кулхцондсы сонь, кенярдезь кенярди, марямок рьвяяйть вайгяленц. Монга тяфта кеняртькшнян, и тяни тя кенярдемась пяшкодезе марнек седиезень.

Апостолхнень тевсна 14:23

Апостолхне кочксесть тейст оцюнят эрь кемаень пуромксса, путнезь лангозост кядьснон и, озондомада и постта меле, макссезь Азорти ванфтомс синь, Азорти, конанди сят кармасть кемама.

Павелонь васенце сёрмац Коринфу 7:5

Тяда шарфне фкя-фкянь эзда, кда аньцек аф лама пингонди, фкя-фкянь мархта корхтафтомда меле, постс и озондомас прянь максомга, а сяльде тага уледа марса. Афоледязь сувафта пежес Сатанась, кда тейнть аф кирдеви эсь прянте.

Павелонь омбоце сёрмац Коринфу 11:27

Мон кирдень стака покодема и сизема, вень аф удома, вачаши и ведьфтома ащема. Сидеста ётафнине шить апак ярхцак, и якшамста улендень крхтапа.

Иоаннонди панчф няйфкс 19:9

Ангелсь мярьгсь тейне: «Сёрматт: павазуфт сят, кит тертьфт Верозть рьвяямань илань каванямас». И нинге сон мярьгсь: «Нят Шкаень виде валхне».

Иоаннонди панчф няйфкс 21:2

И мон, Иоанн, няине иняру ошть, од Иерусалимть. Сон валгсь менельста Шкайть эзда. Ошсь щафоль-каряфоль кода рьвяня, конань мазоптозь рьвяяйти.