Матфей 9:13 - Од Соткс Новый Завет на мордовском-мокша языке 2016

¹³ Арда шарьхкодесть, кодама смузь кандыхть Сёрматфксонь ня валхне: "Мон учан эздонт кельгозь ужяльдема, а аф озксказнень каннема". Мон сань пежу ломаттнень Шкайти шарфтоманкса, а аф видексшиса эряйхнень».

Матфей 9:13 ပူးပေါင်းရင်းမြစ်များ

Матфей 12:3

Сон кизефтезень: «Дяряй ашесть лувонда, мезе тись Давид, мзярда сонць и мархтонза молихне вачендсть?

Матфей 12:5

Али ашесть лувонда тинь Моисеень койста, кода озксвятихне Шкаень кудса покайхть ваймамань шиня, аньцек аф муворгофневихть тянкса?

Матфей 12:7

Сёрматфксса азф: "Мон учан эздонт кельгозь ужяльдема, а аф озксказнень каннема". Кда тинь шарьхкоделесть ня валхнень смузьснон, эста афолесть суденда аф муворуфнень.

Матфей 19:4

Иисус мярьгсь каршезост: «Дяряй тинь ашесть лувонда Сёрматфксста: Ся, кона семботь тиезе, ушетксста тиезень алять и авать,

Матфей 21:42

Иисус корхтай тейст: «Дяряй тинь ашесть лувонда Сёрматфксста: "Кевсь, конань ёрдазь кудонь путыхне, арась кудужень кирди кевкс. Тянь тиезе Азорсь, и минь сельминголенк тя дивакс няеви".

Матфей 3:2

«Шарфтода Шкайти, сяс мес маладсь Менелень Оцязорксшись».

Матфей 3:8

Эсь тевсонт няфтесть Шкайти шарфтомантень,

Матфей 4:17

Эстоньбере Иисус ушедсь кулянь пачфнема: «Шарфтода Шкайти, Менелень Оцязорксшись маласа».

Марк 12:26

А кода ащи тевсь кулофнень вельмамаснон колга – дяряй ашесть лувонда Моисеень книгаста азксть палы кусторксть колга? Тоса Шкайсь мярьгсь Моисеенди: "Мон Авраамонь Шкаецан, Исааконь Шкаецан, Иаковонь Шкаецан".

Марк 12:33

и кельгомс Сонь сембе седисот, сембе шарьхкодемасот, сембе ваймосот, сембе вийсот, и кельгомс маласот эряй-ащи ломанть, кода эсь пряцень – тя плхтаф озксказнеда и лия озксказнеда сяда оцю».

Марк 2:17

Иисус марязе тянь и мярьгсь тейст: «Пчкафтысь эряви аф шумбрати, а сярядити. Мон сань пежуфнень Шкайти шарфтоманкса, а аф видексшиса эряйхнень».

Лука 10:26

Иисус мярьгсь тейнза: «Мезе сёрматф койса? Кода лувсак?»

Лука 19:10

Ломанень Цёрась сась юмафнень вешемост и идемост».

Лука 24:47

И Сонь лемсонза эряви тердемс сембе ломаньтналхнень шарфтомс Шкайти пежеснон нолдафтоманкса. Ушедода Иерусалимста.

Лука 5:31

Иисус мярьгсь каршезост: «Пчкафтысь эряви аф шумбрати, а сярядити.

Лука 5:32

Мон сань пежуфнень Шкайти шарфтоманкса, а аф видексшиса эряйхнень».

Иоанн 10:34

Иисус каршезост мярьгсь: «Тинь коентень эса сёрматф: "Мон азыне: тинь шкайхтяда" – аф стане?

Апостолхнень тевсна 11:18

Ня валдонза меле синь седисна озасть и кармасть шнамонза Шкайть, корхтамок: «Лисенди, Шкайсь макссь лия тналонь ломаттнендиге шарфтомс Тейнза и сатомс пефтома эряфть».

Апостолхнень тевсна 2:38

Пётр каршезост мярьгсь: «Кадость пежентень и эздонт эрсь кстиндафтоза пря Иисус Христость лемса пежень нолдаманкса. Эста тейнть казненди максови Иняру Ваймопожф.

Апостолхнень тевсна 20:21

Мон еврейхненьге и аф еврейхненьге тернине шарфтомс Шкайти и кемамс Иисус Христос Азороньконди.

Апостолхнень тевсна 3:19

Сяс каендада и шарфтода Шкайти эсь пежентень нолдаманкса! Кда тяфта тихтяда,

Апостолхнень тевсна 5:31

Шкайсь кеподезе Сонь, озафтозе види кядь ширесонза и путозе Вятикс и Идикс, шарфтоза Израильсь Шкайти и нолдавозаст пеженза.

Пёторонь омбоце сёрмац 3:9

Азорсь аф тарксесы надияфтомать пяшкодема пингонц, кода арьсихть кой-кит. Меколанкт, тянь эса Сон няфнесы тейнек эсь куватьс кирдемшканц, сяс мес Сонь аш мялец киньге юмафтомс-арафтомс. Сон ёрай: сембе шарфтольхть пежеснон эзда.