Матфей 6:20 - Од Соткс Новый Завет на мордовском-мокша языке 2016

²⁰ Кочкада эстейнть козяши менельса, коса аф ки мелавсь, аф шямонць аф сивсазь сонь, и коса салайхне аф сувайхть и аф саласазь;

Матфей 6:20 ပူးပေါင်းရင်းမြစ်များ

Матфей 19:21

Иисус мярьгсь тейнза: «Кда мяльце улемс сембе ширде цебярькс, эста архт, мик сембе уликс-пароцень и ярмакть явк ашуфненди. Эста козяшице кармай улема менельса. Сяльде сак и мольхть Монь мельган».

Матфей 6:19

«Тяда кочка эстейнть козяши масторлангса, коса ки мелавсь и шямонць сивсазь сонь, коса салайхне сувайхть куду и саласазь.

Марк 10:21

Иисус кельгозь варжакстсь лангозонза и мярьгсь: «Фкя тейть аф сатни: архт, мик марнек уликс-пароцень, и явк ярмакть ашуфненди, эста кармай улема козяшице менельса; сяльде сак, мольхть мельган».

Лука 12:33

Мишендесть уликсонтень и лездода ашуфненди. Аноклада эстейнть ярмаконь путомс кяскавнят, конат аф каладыхть; кочкада эстейнть аф юмафтови козяши менельса, коза салайсь аф маладови и коса ки мелавсь аф пори.

Лука 18:22

Тянь кулемста Иисус мярьгсь тейнза: «Нинге фкя аф сатни тейть, мик сембе уликс-пароцень и явк ашуфненди, и кармай улема козяшице менельса; сяльде сак и мольхть мельган».

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Павелонь васенце сёрмац Тимофеенди 6:19

Тяфта синь кочкайхть эстейст козяши, кона арай юркс сай пингти, и сатсазь афкуксонь эряфть.

Еврейхненди сёрмась 10:34

Тинь марясть ризнамаснон сятнень, кит ульсть пякстамгудса. Тинь кеняртькшнеде, мзярда нельгондезь тинь уликсшинтень, сяс мес содасть: менельса тинь ули сяда цебярь уликсшинте, кона кармай улема фалу.

Еврейхненди сёрмась 11:26

Сон лувозе Христость инкса сялдомать сяда питникс Египетонь козяшитнень коряс, сяс мес сон ванць инголе ащи казнеть лангс, кона учсезе сонь.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Пёторонь васенце сёрмац 1:4

Шкайть эзда минь учсаськ ся инголькиге аноклаф паршить, кона аф юмай, аф гастяви и аф пужи, и кона тяни кирдеви-ванфтови тейнть менельса.

Пёторонь васенце сёрмац 5:4

И мзярда сай Инь Оцю Ванысь, эста тейнть максови иневалдонь аф пужи каштазсь.

Иоаннонди панчф няйфкс 2:9

Мон содасайне тонь тефнень, тонь маятаматнень и ашушицень (хуш афкукс тон козят). Содаса сяньге, кода тонь эсот сялдыхть сят, конат эсь пряснон лувсазь еврейкс, но синь аф еврейхть, а Сатанань пуромкс.